2Samiyel 7:7 - Bible en Guidar

⁷ A təki nədaw a weleŋgit mə Israyelɗe pak na, wən tay nəpel sən taka na mahəlfa na Israyel ɗah məs nəɗi sən wən nan dəteɗgin ɗiy naw mə Israyelɗe dawnəh na: “Vimi kərkaŋ suwən gəla net muguguleɗ ɓa di sa?”

2Samiyel 7:7 ပူးပေါင်းရင်းမြစ်များ

2Samiyel 5:2

Far lahəŋ gala Sawlu asan məlĩ nam na, istə kədadaw abet mə Israyelɗe. Yaŋ Yawe anah sukuk na: “Istə kədawteɗ ɗiy naw na Israyel, istə nawsok daya aket ɗiy na Israyel.”»

1Alabaraɗe Də Mabərkiziti 11:2

Far lahəŋ aka Sawlu asan məlĩ daydayə, istə kədadaw abet mə Israyelɗe. Yaŋ Yawe Maŋgəlva nok anah suk na: Istə kədawteɗ ɗiy naw na Israyel, istə nawsok daya aket ɗiy naw na Israyel.»

1Alabaraɗe Də Mabərkiziti 17:6

Də təki nədaw a weleŋgit mə Israyelɗe pak na, wən tay nəpel sən taka səret mətawaŋwən na Israyel məs nəɗi sən wən nan dəteɗgin ɗiy naw dawnəh na: “Vimi kərkaŋ suwən gəla net muguguleɗ ɓa di sa?”

Isaya 40:11

Wataɗ gazlaŋ nan va məzutaɗa adawtaɗ gazlaŋ nani, waslet kirit timeŋgiɗ də vani, wambu' a makrani. Walmet timeŋgiɗ məzəweɗgitin kirtit də maɗɗula.

Isaya 66:1

Vaŋ Yawe anahə: Disiŋgi mazaŋga na məlĩ nawa, dəlvafuŋ tamə təki nawɗi təlwa. Gəla mi kədarkaŋ suwən di? Təki mi gala naffet naw di?

Yeremiya 23:4

Wanəɗi məzuteɗəŋɗe aketi, wateɗini, wageslne'eŋ əmpa ɓa, akkeren na ɓa, tay nawza səret ɓa, Yawe aɗiymani.

Yeremiya 3:15

Wanəpsukum məzuteɗeŋɗe na makrawa, wataɗkumən də əsəna gəm də maɗɗula.

Ezekiyel 34:15

Naw wanətəɗ gilew nawa, naw wanəvoŋgiti. Daya Yawe aɗiymani.

Ezekiyel 34:2

«Wətən ɗəfa, agəɗ kəleŋ aket məzutəɗeŋɗe na Israyel, agəɗ kəleŋ anah sit məzuteɗeŋɗe na: An Daya Yawe anah yaŋka: Əray aket məzuteɗeŋɗe na Israyel məzutaɗnən kiziti! Gilew məzutaɗa adawtaɗ ɓa sa?

Ezekiyel 34:23

Wanəɗi sit məzutaɗa taka; nan wateɗe: ndəni gawla naw Davit. Nan wateɗe, nan wasan məzutaɗa neti.

Mika 5:4

Ndən nawsan zazaya. An mə Asiriɗe tay əzzoŋ əgul dələv namə gəm ətoŋ addəv gəla na məlĩ namə, waməsilgit məzuteɗeŋge buhul akani dit deyeɗe dudopoɗo.

Matiye 2:6

Is Bet-Lehem dələv na Yuda məgəsuk kənan a walaŋgit walagəleɗe gugriɗ mbrit na Yuda ɓa: Vi səzoki məlĩ adawgilyeni məs nawtaɗ ɗiy naw mə Israyel.

Wəza net Masləŋɗe 20:28

Məga zukum mənokum sən kiykum, gəm ngaɓa məs Zeŋgile Salala aɗikum akan ka məgaɗe. Məssoŋ məzuteɗeŋge na əsap net məkristuɗe na Maŋgəlva, məs arah də əmta na Wətəni.

Wəza net Masləŋɗe 21:28

Anzlaŋgək vaŋvəl na: Haya mə Israyelɗe məde əbbah səmə! Ɗəfəŋka, tay əbbal aŋga pak əɗɗa əyak sit ɗiy pak də əpel daryaw aket ɗiy na Israyel, aka mahenziŋ gəm aka təki salalaŋka. An dəday əmpa na atoŋgitik Gərekɗe addəv Gəla na Maŋgəlva gəm araygənək təki salalaŋka.

Əmsak aka Mahenziŋ 23:14

Sakar dəsangən aret zəgeɗ noko, an kələk a gizbe na, kəso'gən təki dəndəni, kəndəkgən pəlu noko.

1Piyer 5:1

Yaŋkəŋ kan na, in tat əsəɓ sit ɗiy məsɓet na walaŋkum, in ɗəf məsɓaw va ndəɗaŋ, miziwe na əzəmsãhã temtem na Kristu, in məs də haran naw addəv gagdak narban zəni.