2Samiyel 7:22 - Bible en Guidar

²² Vini kəsok matuŋguko, Yawe Maŋgəlva! Vi ɗəf tay va is ɓa. Maŋgəlva maɓɓan tay abburuk va məprəm də sləmam pakəŋ ɓa.

2Samiyel 7:22 ပူးပေါင်းရင်းမြစ်များ

2Samiyel 22:32

Naway Maŋgəlva an Yawe yi ɓa di? Naway milɓe an Maŋgəlva nami ɓa di?

1Milyeŋge 8:23

yas amna: Yawe, Maŋgəlva na Israyel, a disiŋ may aka dəlvofuŋ Maŋgəlva tay va is narma wənmiyna də wəɗɗa moggon sit belemɗe nok mədawaŋ abok də mekret taka ɓa.

1Alabaraɗe Də Mabərkiziti 16:25

Vi Yawe metiŋgi, nawgagdakani diyɗa. Adahək nawgeslne' səni, adayək kiyit meŋgilveɗ pakə:

2Alabaraɗe Də Mabərkiziti 2:5

Ya naway nawwɓap ərkəsən gəla di? Vi disiŋ də disiŋ an balsən disiŋ pak atafən na ɓa. Naw nawa nan nərkəsəngən gəla an nawzlə sən tursan abani ɓa di?

Gəlyaɗe 135:5

Vi naw nəsənək na: Yawe metiŋgini yi; Daya nam adayək kiyit meŋgilveɗ pakə.

Gəlyaɗe 145:3

Yawe metiŋgi yi, agapək nawɗi kiyən diyɗa; mẽmẽtiŋ nan aggbeŋ na ɓa.

Gəlyaɗe 44:1

Səza daya net məyaŋgəlya; əpel-məmyã'ən net kirtin Kore.

Gəlyaɗe 48:1

Gəlya. Gəlyanalva net kirtin Kore.

Gəlyaɗe 86:10

Vi matuŋguk kənani, is tat əɗɗa sekeneɗi, istə kaka' Maŋgəlva!

Gəlyaɗe 86:8

Tay va is səret meŋgilveɗ ɓa, Daya! Tay nawsla də wəza nok ɓa.

Gəlyaɗe 89:6

Disiŋ dəɗi kiyit sekeneɗ noko, Yawe! Əkkal net ɗiy salala dəɗi ki moggon noko.

Gəlyaɗe 89:8

Maŋgəlva nawgeslne' sən diyɗa yi addəv əkkal net maslayɗe, ndəni nawgeslne sən daykiyit en dətərwəslnəni.

Gəlyaɗe 96:4

Vi Yawe metiŋgi, nawgagdakani diyɗa, adahək nawgeslne' səni, adayək kiyit meŋgilveɗi pakə.

Əgilye 10:2

vi kəboton səngən wutuko, gəm sən wətən wutuk va mbar nəsmenyet mə Eziptiɗ dit sesergeɗe naw nəgəɗ aweleŋtiŋ di. Wakəsənən na, intə Yawe.»

Əgilye 15:11

Yawe sə weleŋgit meŋgilveɗ na naway va is di? Naway məs gagdak na salala nan va is Nawgeslne' sən də wəgagdakani di? Məgəɗ zəga naggət akan di?

Əgilye 8:10

Ekkeletinik kpewkpewi, dələv kpaŋ vərãhə.

Əgilye 8:6

Yaŋ amna: «Mazayni.» Moyis amna: «Va kənahə, vi kəsəngən na, ɗəf tay va Yawe, Maŋgəlva nam ɓa,

Əgilye 9:14

Vi kakaŋ na, wanəslin tatwãh akoko, aket məɗɗaŋ wəza nok gəm ɗiy noko, vi kəsəngən na, ɗəf tay aka dələv va in ɓa.

Isaya 40:18

Nawa kədawslanən Maŋgəlva dəndən di? Foto mi kədawslanən dəndən di?

Isaya 40:25

Də nawa kədawsləwən ka nəsawgən va ndən di? Salala anahə.

Isaya 45:18

Vi vaŋki Yawe məs dəzəməɗ disiŋ, ndən Maŋgəlva məs dəzaɓan dəlvafuŋ, aɗɗa aziwgin məza foŋlorro ɓa, azəməɗ vi ɗiy dəssoŋgən akani, azaɓani. Ndən dənah na: Intə Yawe; Maŋgəlva tay maɓɓan ɓa.

Isaya 45:22

Ɗiy naket meŋge na dəlva, məkkpaŋ azawa, wakəkõhoŋgu, vi intə Maŋgəlva, tay maɓɓan əmpa ɓa.

Isaya 45:5

Naw intə Yawe, tay mbərən ɓa. Dabərkiyu na, Maŋgəlva tay mbərən ɓa. Nəɗikuk ama wəza məza kəsənu ɓa.

Ezekiyel 36:22

Vini, anah sit mə Israyelɗe na: An Daya Yawe anah yaŋka: vikumi nədaɗɗan ɓa, mə Israyelɗe, vi iya naw salala məs kəraygənən aret ɗiy-ɗar məs kəddoŋ anetdaŋki.

Ezekiyel 36:32

Məsən na vikumi nədaɗɗan ɓa Daya Yawe aɗiymani. Wil dəbaykuməni, mərbə wil aka ədaw nokum, mə Israyelɗe.

Daniyel 2:45

va kula gərəm dəkõh səka mossorgo metiŋgin məza va ɗəf ɓa, atekeɗ may təbza, təbəz pepreŋge, membezleŋ, təbəz babara gəm meleŋgeŋka. Maŋgəlva metiŋgin arban sənək an dədazzan abe sən məlyã. Va kəssiniska vaski, an aŋgəl kawnah nawtafiyə.

Mika 7:18

Maŋgəlva tay va is ɓa, məvvuyon mambraya, məppan əɓoŋ net ɗiy nan en dəppaŋ medereti. Ədagədəv nan awsan faɗ ɓa, vi zən neki dəɗɗa moggoni.

Əmsak aka Mahenziŋ 3:24

«Yawe Maŋgəlva, kətəŋgək ərban mẽmẽtiŋ nok də gbogboŋ na vok sən balam noko. Zev maŋgəlva mawani a disiŋ may aka dəlvafuŋ dəɗɗa wəzeɗe va nok gəm zəgeɗ naɗɗa na gurom nok di?

Əmsak aka Mahenziŋ 32:39

Mula kakaŋka: intə, abbəru tay ɓa, maŋgəlva maɓɓan tay azaw ɓa, intə nawbay ɗəfa, intə nappan madarani, pay nəŋzluwa, intə nanzaɗni, Ɗəf tay nawmõhən səvaw ɓa.

Əmsak aka Mahenziŋ 4:35

Nok na, mərban suki, vi kəsənəngən na Yawe yi Maŋgəlva: tay maɓɓan abbər kiyin ɓa.

Əmsak aka Mahenziŋ 4:39

Məsən dəpaŋka, məɗɗum na, Yawe yi Maŋgəlva a disiŋ səɗəɗə, gəm afuŋ aka dəlva; tay maɓɓan abbərən ɓa.

1Samiyel 2:2

Ɗəf tay salala va Yawe ɓa. Vi istə Maŋgəlva, tay məbal suk ɓa. Milɓe va Maŋgəlva nam tay ɓa.