2Samiyel 5:7 - Bible en Guidar

⁷ Yaŋ Davit amõh walaŋgəla-metiŋ mətərwəsl kiyən na Siyon, marba walaŋgəla na Davit.

2Samiyel 5:7 ပူးပေါင်းရင်းမြစ်များ

2Samiyel 5:8

Davit anah dəpas na: «An ɗəf man aka wəbey mə Yebusɗe na, dətoŋ dəka batemit iŋkile dəgapgən azeti. Davit azeletik deŋgerɗe dit vədalɗes man taŋtaŋgə!» Vini adawnahaŋ na: «Daŋgarɗe dit vədalɗe atoŋgoŋ na addəv gəla na Yawe ɓa.»

2Samiyel 5:9

Davit asanək a walaŋgəla mətərwəsləni, alvan na, marba walaŋgəla-metiŋ na Davit. Sissiŋ Davit arkə zlava kiyən tərwəslə, təŋ səza Milo əmbat aza gəla nani.

2Samiyel 6:10

Davit dəŋgəm əka akoti na Yawe a walaŋgəla na Davit ɓa, Davit akkpaŋganək eŋgil ana Obed-Edom da, mə Gat.

2Samiyel 6:12

Məprəman səni məlĩ Davit na, Yawe akiyək əzaɓ aka gəla na Obed-Edom də zəga nan pakə, vi akoti na Maŋgəlva. Yaŋ Davit ambat agəm akoti na Maŋgəlva aki səna Obed-Edom da, a walaŋgəla na Davit də wənneke.

2Samiyel 6:16

Pay akoti na Yawe agap a walaŋgəla na Daviti, Mikal wətən Sawlu təwəl afuŋ də təkifoŋgo naza gəla, məlĩ Davit tay əskəl pərvək pərvək aba Yawe. Yaŋ təzelen addəv makrata.

1Milyeŋge 2:10

Davit amtəka, məndəkni a walaŋgəla-metiŋ na Daviti.

1Milyeŋge 3:1

Salomoŋ akkpaŋgək dəhən Farawən, məlĩ na Eziptə; ndən gəm wətən Farawən, mah əkiyət a walaŋgəla-metiŋgin na Davit, hã gap pay agrak ərka gəla nani, Gəla na Yawe, də zlava tərwəsl ki Yerusalem.

1Milyeŋge 8:1

Vini məlĩ Salomoŋ akkelet ɗiy məsɓet na Israyel, ɗiy gugriɗ na mahəlfaɗe dit migil gəla na Israyel pak azan a Yerusalem, vi kawgəm akoti na wənmiyna na Yawe sə walaŋgəla na Davit, va wənəh na Siyon.

1Milyeŋge 9:24

Dərɓaga wətən Farawən təsim sə walaŋgəla na Davit addəv Gəla an salomoŋ arkə sətəŋki kan arka Millo.

1Alabaraɗe Də Mabərkiziti 11:7

Davit ɗew də gəla a korgu naka; ndəni miyan na walaŋgəla-metiŋ na Davit.

2Alabaraɗe Də Mabərkiziti 24:16

Məndəkni dit milyeŋge a walaŋgəla-metiŋ na Davit, vi agəɗək moggon a Israyel gəm aba Maŋgəlva də gəla nani.

2Alabaraɗe Də Mabərkiziti 5:2

Yaŋ Salomoŋ akkelet ɗiy məsɓet na Israyel dit ɗiy gugriɗ net mahəlfaɗe gəm migil gəlaɗe net kirtin Israyel a Yerusalem, vi kawslan akoti na wənmiyna na Yawe sə marba walaŋgəla na Davit, məs adawyaŋ na Siyon.

Nehemi 3:15

Metive net iŋkile mima tamə, Sallum wətən Kol-Hoze, daya na bərzləŋ na Mispa dəzaɓani; ndən dərka, dəɗupo, dəmpa maddambeɗe nan dit zəgeɗ nawkəɗəslti may təbzeŋge nawslakatti gəm zlava na ma bobok na ma təki məborən əmbat a guli nazgəl təɓ na məlĩ, hã gap a təki nawɗi təl ɗəf məzupirke sə walaŋgəla-metiŋ na Davit.

Gəlyaɗe 132:13

Vi Yawe awelik Siyon, aŋgluwək ka təki nassa nani:

Gəlyaɗe 2:6

«Naw nəɗiyək məlĩ naw aka Siyon mossorgo metiŋ salala nawa.»

Gəlyaɗe 48:12

Mossorgo metiŋ na Siyon tay ənneken zəni, walaŋgəleɗe gugriɗ na Yuda, tahəŋ əɗɗəlaŋ vi wətawwən nok temtemi!

Gəlyaɗe 48:3

Mossorgo metiŋ lelew nawkaɓa, mənneken zə dələv gboŋgu; mossorgo metiŋ na Siyon a metteɓ ma tapaslay pay na kəla disiŋ, walaŋgəla-metiŋ na məlĩ metiŋ.

Gəlyaɗe 51:18

Vi kannek də əzaɓ-Maŋgəlva ɓa, kəta ɓa na wanədə suko. Ya kaŋgla əvəl nawzla kurmbuɗuk dayday ɓa.

Gəlyaɗe 87:2

Yawe aŋgliwik maddambeɗe na Siyon daykiyit walaŋgəleɗe gugriɗ net ɗiy na Yakob pakə.

Gəlyaɗe 9:11

En dəsənnən iya nok na, dəppanən əɗɗum net akoko, vi kazget məzukoyokun firik ɓa Yawe!

Isaya 12:6

Ɗiy na Siyon, mərban ənnek nokum, məŋgəsl vaŋvəl sən ənneke, vi Salala na Israyel metiŋgini yi, awalaŋkum.

Isaya 59:20

Məzubit wade a Siyon viyit ɗiy na Yakob en dəmilyoŋ səka əɓoŋgo Yawe aɗiymani.

Yeremiya 21:13

Nərmak wən nokum a makrawa mənokum na walaŋ aggərəm a təki fahfahə, Yawe aɗiymani; mənokum məzunahaŋ na naway nawaksəkum di? Naway nazzan a təki nawɗam nam di?

Mika 4:2

Ɗiy diyɗa wambataŋ adaka; wanahaŋ na mide məpeŋgin aka mossorgo metiŋ na Yawe addəv gəla na Maŋgəlva na Yakob. Warbet sim tiveɗ nani, mədawgən aket tiveɗ nani vi sə Siyon əyak adawgilyeni, əpel na Yawe tamə sə Yerusalem adazzani.

Roma 9:33

Va məverin na: Awle, a Siyon nədawɗi gərəm nawtaŋgbaygit ɗiyi, milɓe məzləb ɗəfa. Ɗəf məs dətaf pak, arbə na wil ɓa.

Ibriɗe 12:22

Ya nokum kəddereŋgik aza mossorgo metiŋ na Siyon gəm aza walaŋgəla na Maŋgəlva madarani, va wənah na, Yerusalem na disiŋ, dit maslayɗe nan məza aŋɗaŋ ɓa addəv əzləra.

Hənhən 14:1

Ya nəwəl na: Ndargayãk tat ziwwe aka mossorgo metiŋ na Siyon dit ɗiy gabal səkat də kaklaw poɗo kiyən poɗo dəndə iya nat azeti gəm iya na Afət məverin a mirbizti.