2Samiyel 5:3 - Bible en Guidar

³ Ɗiy məsɓet na Israyel pak azzoŋguk ərəh məlĩ a Hebron. Məlĩ Davit aziwginik wənmiyna dənɗaŋ aba Yawe a Hebron, aɗiyənək Davit ka məlĩ na Israyel.

2Samiyel 5:3 ပူးပေါင်းရင်းမြစ်များ

2Samiyel 2:4

Yaŋ ɗiy na Yuda azzoŋ appay sənən mẽl sən Davit ka məlĩ na Yuda adaka. Məprəman sən Davit dawnəh na: «Ɗiy na Yabes na Galad, dəndəknən Sawlu.»

2Samiyel 2:7

Ya Kakaŋ na, məsok zukum, məssoŋ ɗiy gboŋgboŋgu. Vi daya nokum Sawlu amtəka, ya anawi mə Yudeɗ aɗiyaŋ tam ka məlĩ aketi.»

2Samiyel 3:21

Abner aɓsən Davit na: «Wanəsil əmbat kakkelet mə Israyelɗe dəwənnet aza daya naw məlyã. Anəziwgin wənmiyna də isi, kəzəmgən məlĩ aka dələv van gboŋ va kəŋgələ.» Davit apəl sənək tive sən Abner, asil ambat zayə.

1Milyeŋge 1:34

Adaki məsdələv Sadok də məskəleŋ Natan adappay sənən mẽl nawɗiyən aka məlĩ na Israyel, vasna, kəffonəngən gozloro, kəŋzlaŋgən vaŋvəl na: “Məlĩ Salomoŋ dəsan hã faɗə!”

2Milyeŋge 11:17

Məsdələv Yoyada, aziwgənək wənmiyna a walaŋ Yawe də məlyã gəm ɗiy, vi dəssoŋgən ka ɗiy na Yawe; gəm a walaŋ məlĩ dit ɗiy.

1Alabaraɗe Də Mabərkiziti 11:1

Yaŋ mə Israyelɗe pak akkalaŋ aza Davit a Hebron, də wənəhaŋ na: «Awle milmiŋgiɗuk na gogo mənani.

1Alabaraɗe Də Mabərkiziti 11:3

Ɗiy məsɓet na Israyel pak azzoŋguk aza məlĩ a Hebron, Davit aziwgənək wənmiyna dənɗaŋ a Hebron aba Yawe. Appay sənənək mẽl na məlĩ sən Davit ka məlĩ a Israyel, va əpel na Yawe anah sən Samiyel.

1Alabaraɗe Də Mabərkiziti 28:4

Yawe Maŋgəlva na Israyel awelwək sə daŋgla na əbba pak ka nəsawgən məlĩ aka Israyel faɗə, vi Yuda awel lahəŋ ka nawsan aket ɗiyi, səddəv gəla na Yuda, gəla na əbba, səret kirtin əbba, anaw aŋgəl nawɗiyu ka məlĩ aka Israyel pakə.

2Alabaraɗe Də Mabərkiziti 23:16

Yaŋ Yoyada aziwgin wənmiyna a walaŋgən dit ɗiy pakə gəm də məlyã, vi kasso ka ɗiy na Yawe.

Əgilye 3:16

Doko, akkelet ɗiy məsɓet na Israyel, anah sit na: Yawe, Maŋgəlva net afiŋgiɗkum, Maŋgəlva na Abraham, na Isak, na Yakob, dərban zən azaw, dawnah su na: Nətoŋ addəv wən nan ambokum na, aka an məgəɗ sukum a Eziptə yi,

Yosuwa 10:36

Sə Eglon na, Yosuwa apeŋ sap dit mə Israyelɗe azan a Hebron, awakaŋ sənən də wəlpa.

Mətawaŋwəna 11:11

Yefte mbat dit ɗiy məsɓet na Galad, ɗiy aɗinən ka daya neti gəm ka daya na əlpa. Yefte apelik əpel nan an apel nak pak aba Yawe a Mispa.

1Samiyel 11:15

Ɗiy pak addoŋguk a Gilgal. Aɗiynənək Sawlu ka məlĩ aba Yawe a Gilgal adaka, azaɓaŋgək-Maŋgəlva nawrəh zazay aba Yawe adaka, Sawlu dit ɗiy na Israyel pakgit annekenənək zit diyɗa adaka.

1Samiyel 16:13

Samiyel agəmək bəbər na mẽlẽ, appay sənək abet milmiŋgiɗni. Əmpəs na Yawe aprikik aka Davit təŋ dəpas ləŋgə hã nadda abe. Samiyel asilik alək a Rama.

1Samiyel 23:18

Yas aynaŋ wənmiyna sulegit pak aba Yawe. Davit asanək də gəla a Horesa, yaŋ Yonatan amil ananda.