2Samiyel 24:10 - Bible en Guidar

¹⁰ Makra Davit ɓuh səza aŋɗet ɗiyi, yaŋ Davit aɓsən Yawe na: «Nəgəɗək mambray diyɗa də an nəgəɗə. Ya kakaŋ na Yawe, kamə avvuyoŋ heslepe na balam noko, vi va dərwa nəgəɗ faɗ faɗə.»

2Samiyel 24:10 ပူးပေါင်းရင်းမြစ်များ

2Samiyel 12:13

Davit azlan sən Natan na: «Nəgəɗək mambray aza Yawe.» Natan aɓsən Davit na: «Yawe avvuyonək mambray noko; Kəmtə na ɓa.

1Samiyel 13:13

Samiyel aɓsən Sawlu na: «Va dərway kəgəɗəŋka! Kərma wəsəɓ an Yawe Maŋgəlva nok aɗi suk ɓa, vi kakaŋ Yawe adasɓan məlĩ nok aka Israyel faɗ kəta.

Wənməkkpaŋga 28:13

Dəɗaman mambray nan na, ahhar na ammban ɓa; ya an dəɗi marava dəppan gabbani, warah ulasahã.

1Samiyel 24:5

Ɗiy na Davit aɓsənən na: «Pay nak yaŋka məs Yawe anah suk na: “in tat əpsuk məzuzel nok avoko, kəgəɗgən va mokrok aŋgəl dəndən naka.”» Yaŋ Davit asil ambat səkef səkef, ataw gabba lukut na Sawlu naka.

1Yohanna 1:9

An məsənək mambray namə, nan moggoni, təstəsi navviyan səm mambraɗe namə, gəm nabbur mbərayən awandi pak səzamə.

2Alabaraɗe Də Mabərkiziti 16:9

Vi hara Yawe tay balbal aka dələv pak kampəsit ɗiy en mekret taka dəndəni. Ya nok kəgəɗək zəga na dərwa. Vi aski kan kədargisl dit wəgayɗe təŋ dəpaŋka.»

1Alabaraɗe Də Mabərkiziti 21:8

Yaŋ Davit aɓsən Maŋgəlva na: «Nəgəɗək mambray diyɗa də əɗɗa zəgaska. Ya kakaŋ na, kamə Yawe avvuyon sən heslepe na balam noko. Vi va dərwa an faɗ nəgəɗə.»

Titus 3:3

Vi nam pak lahəŋ dərweŋge mənani, məɓoŋmə, məzamə, belemɗe na əsim zəga gəm na əŋgla na gəɓa zə ɗəf temtem mənani, məsdarawɗe mənani məsimeŋ zəga mənani, pay pak mənam tat əzele, əzelen zəmə.

Yohanna 8:9

Adan aprəmən wənəska, ambataŋgək taka taka pakə, təŋ səket mezzeɗi. Yesu dəpəl takərgəni, gəm guluk ziwe naddak təki nakə.

Yohanna 1:29

Vit pumpum nani, Yohanna awlak Yesu dazzan azani, yaŋ amna: Akəŋtə ndargayãk na Maŋgəlva məzəvvuyon mambray naka dəlva.

Markus 7:22

polkoyo, əsim deleɗ diyɗa, ndarsak, tepelkeɗi, ɗarɗarə, hire, əpel mbərayən aka ɗəfa, əkaɓa, dərwa.

Hose'a 14:2

Israyel amndok aza Yawe Maŋgəlva noko, vi heslepe nok ataŋgbaygukko.

Gəlyaɗe 32:5

Nərban sukuk mambray nawa, nəsərət ki heslepe naw ɓa. Nəmna: «Wanərban an nəraygən sən Yawe», yaŋ nok kəzgan heslepe naw də mambray naw səkawa. Əziwe

Ɗerewel na Yob 7:21

Kəɓap navvuyon su əɓoŋ naw gəm əppan heslepe naw ɓa sa? Vi kakaŋ wanəvoŋ addəv burɗuku. Wakəkayawa ya nəsaw na ɓa.

2Alabaraɗe Də Mabərkiziti 32:26

Ya Hizkiya van də əkaɓ nan pak zlaŋ na, avoŋgənək kiyən, ndən dit ɗiy na Yerusalem, ndəni herɗe na Yawe dəpurkoŋ aket karan addəv ənziya egge nan ɓa.

1Samiyel 26:21

Yaŋ Sawlu nak amna: «Nəgəɗək mambraya! Amili ade Davit wətuwa, nəgəɗ suk na mbərayən əmpa ɓa, adan dəpaŋ kəɗiyək ki zeŋgilew kəbayu ɓa. Gesiŋ nəgəɗək va dərwa ɗarə, əzlzlaɓ nəzlzlaɓ gəddakə.»

Əmsak aka Mahenziŋ 32:6

Sən Yawe kədaɗɗaŋ vas sa, ɗiy mətemit məza maɗɗulet ɓa? Ndəni afukum məs dəzəməɗkum ɓa sa? Ndəni dəɗikum ka ɗiy nan ɓa sa?

Əŋɗa 12:11

Aron Aɓsən Moyis na: «Aw daya nawa, kamə kədawɗi səm mambray məs məgəɗən akam ɓa, vi kiyəm tay ɓa, məɗɗaŋ mambray mənani.

2Samiyel 24:17

Davit apel sən Yawe, adan awla maslay məbey ɗiyi, Amna: «Intə nəgəɗ mambraya. Intə nəraygəni; ɗiy naw miy aɗɗaŋ di? Kamə azlawar nok dəsan akaw də gəla na əbba!»

1Milyeŋge 8:35

Pay təki na disiŋ adampa, buwən tay ɓa, vi ɗiy aɗɗaŋgək mambray akoko, an aziyənək heret dəka təkiyəŋ kakkama, an aɗiynənək kiyko, appannək mambray net vi kərbə sitik wili,

Əgilye 10:16

Farawən agəmək zən əye may Moyis də Aron anah na: «Nəgəɗək mambray aza Yawe, Maŋgəlva nokum, gəm azokum.

1Samiyel 24:6

Sədərɓaga aska, makra Davit tay gbawgbaw vi ataw gabba lukut na Sawlu.

1Alabaraɗe Də Mabərkiziti 21:7

Zəgas dəsan lew ara Maŋgəlva ɓa, yaŋ arbə sən Israyel.

Yo'el 2:12

Yawe aɗiyman na, təŋ səza kakaŋka, məmndoŋ məde azaw də mokrokum paparə də wəɗɗa meme, də wəhəma, də əɓuh mokum.