2Samiyel 20:1 - Bible en Guidar

¹ Ɗəf tay adaka məndəɓa iya nan na Seba, wətən Bikri mə Benyamin. Affon gozloro dawnəh na: «Wən nam tay də Davit ɓa, zəga tay dəsapam də wətən Yesse ɓa! Ɗiy na Israyel, ɗəf pak dəgəm tive neŋgil ananda.»

2Samiyel 20:1 ပူးပေါင်းရင်းမြစ်များ

Va'Atəŋ 46:21

Kirtin Benyamin: Bela, Beker gəm Asbel, Gera gəm Na'aman, Ehi gəm Ros, Muppim, Huppim gəm Ard.

2Samiyel 15:10

Absalom nak aslin gewleɗ nan aza mahəlfaɗe net ɗiy na Israyel pak də wənah sit na: «An kəprəmənək əffo gozloro, kənahaŋgən na: Absalom asanək aka məlĩ a Hebron.»

2Samiyel 16:11

Davit anah sən Abisay dit gewleɗ nan pak na: Wətu dəgil səddəvu dərəngə, tay əkayan zeŋgilew nawbaywa, kəggətaŋ aka mə Benyaminəŋ ɓa. Məppan də maɗɗulan dərawa! Kuzuŋ Yawe dənah sən soko.

2Samiyel 16:7

Yaŋ an Simey adawnəh dəre': «Agili, agili, məbay gəbaya, zəga ɗəɗarə!

2Samiyel 18:17

Agəmənək kigəbay Absalom, azganən addəv vov metiŋgin addəvit wəleŋɗe ngərəɓ a muyã. Akkalanənək korgu kpew aka magamas nani. Mə Israyelɗe pak anzoŋguk naway pak a gizlirke ananda.

2Samiyel 20:2

Mə Israyelɗe appanənək Davit, kazban Seba, wətən Bikri. Ɗiy na Yuda assoŋguk də məlĩ net sə Yurden hã gap a Yerusalem.

2Samiyel 20:22

Guluk təmbat azet ɗiy nata, tənah sit də maɗɗula. Yaŋ mətaw ki Seba wətən Bikri, məzgan sən Yo'ab. Yo'ab affon gozloro; məzəlpaŋ nan hirr ləŋ appanən walaŋgəla-metiŋ addoŋ anetda. Yo'ab sən kiyin amil a Yerusalem aza məlyã.

2Samiyel 23:6

Məzawtəraŋ wəray ɓa, va gedirge adazgetini. Də va ɗəf mekeleŋ adarmetin ɓa sa?

1Milyeŋge 12:16

Mə Israyelɗe dəwənnet awlanənək na, məlĩ dəprəm met ɓa; yaŋ amndagan sənən əpel sən məlĩ dawnəh na: «Miy dəsapam də Davit di? Zəga tay an dəsapam də wətən Yesse ɓa! Mədam anamda Israyel; Kakaŋ na, is də gəla noko Davit.» Mə Israyelɗe mbat anetda.

1Milyeŋge 21:10

Məɗi məklopoɗe sula abani, dənahaŋgən akan na: “Kəranək Maŋgəlva, gəm məlyã.” Məgilgini, məska dit gərmeŋge, dəmtəgəni!»

2Alabaraɗe Də Mabərkiziti 10:16

Səza mə Israyelɗe awlanən na, məlĩ dəprim ɓa, ɗiy amndagan sənənək əpel sən məlĩ dawnah na: «Awani haran nam də Davit di? Hara dələv nawzəmgəla nam tay də wətən Yesse ɓa! Israyel, nawãy pak dəmbat a gizlirke nani; Kakaŋ na agay də gəla noko Davit!» Ndəni mə Israyelɗe addoŋ naway pak a gizlirke nani.

2Alabaraɗe Də Mabərkiziti 10:6

Yas məlĩ Robo'am azgə meŋ aka wən nan dit ɗiy gugriɗe məs dənziyaŋ də Salomoŋ afəni, aka asan egge; An assohẽt yaŋka: «Mə əpel mi kədaɗɗumoŋ nazlan sit ɗiyiŋ an amilyoŋguk di?»

Gəlyaɗe 17:13

Yawe asili! Aləm siti, avok meti! Amohũ səvet məsdarawɗeŋ də masalam neti!

Gəlyaɗe 34:19

Yawe tay go'o dit ɗiy məzəmaŋ sãhã, tay əkõhgit ɗiy məs zit baybayə.

Wənməkkpaŋga 25:8

Kədawgəm zuk əka wən na meggok aba təki nawtawwən ɓa, mbar kədaɗɗa aza əbayman an arbək na vaski ɓa di?

Wənməkkpaŋga 26:21

Holyoffo sən slayoffo, seseme sən offo, vaski məzugayaŋ adanzlərgənən əgaya.

Markus 3:24

An məlĩ awɗakanək zən na, məlĩ nan aɓap na əziw ɓa.

Luka 19:14

Ya ɗiy nan azelnənka, aslənaŋgək maslənɗe dərɓagan dawnəh na: Məŋgəm na ɗəfəs dəzəmgən məlĩ akam ɓa.

Luka 19:27

Ya məzuzelɗe nawiŋ, ndəɗaŋ məs dəŋglaŋ nəzəmgən məlĩ aket ɓaŋki, məki aŋka, mətaw wəlet abawa.

Yohanna 13:8

Piyer aɓsən na: Agəɗ na ɓa, kəɗasu na ɗah təlu ɓa. Yesu aɓsən na: An nəɗa suk ɓa na, haran nok tay azaw ɓa.

Əmsak aka Mahenziŋ 13:13

An kəprəmək addəv taka səret walaŋgəleɗe məs Yawe Maŋgəlva nokum apsukum kəssoŋgən də gəla adak na,

Mətawaŋwəna 19:22

Səza adeffeteŋgi, ɗiy məsdarawɗe na walaŋgəla-metiŋ yeŋki, asərŋgəslnən gəla, adarganən maddamba dayadaya də ənah sən ɗəf mazza afən gəla nak na: «Agilgin səm ɗəf dətoŋ anokdaŋka, məvoŋgəngəni.»

Mətawaŋwəna 3:27

Əgap nan ləŋ na, ndən tuf əffon gozloro aka gərəm na Efrayim; mə Israyelɗe apirkeŋ dəndən səka gərma, ndən ebeti.

Ɗerewel nat Rut 2:3

Ndət kan mbatə, tətoŋ əffek a guli dərɓeget məzupeteŋgi. Ərəh nat na ndəni əbətat aka guli na Bo'ez məlma na Elimeleki.

1Samiyel 13:2

Sawlu awelik ɗiy gabal hoku sə weleŋgit mə Israyelɗe, gabal sula dəssoŋ də Sawlu a Mikmas gəm aka gərəm na Betel, gabal meɓɓet tam assoŋ də Yonatan a Gibeya na Benyamin. Appetik madembirgit ɗiyi, naway pak alək a gizlirke ananda.

1Samiyel 2:12

Kirtin Eliya ɗiyən ɗarə, dəsənən Yawe ɓa.

1Samiyel 30:22

Yas məzəlpaŋ mbəreyit məs taggbelemɗe dəmbataŋ də Davit aɓɗaŋ na: «Adan dəmbataŋ də mənam ɓa na, arahaŋ na zəga nawrəh səma əgay ɓa; abbər ki na, ɗəf pak ɗak nan gəm kirtin məs məkõhgitiŋ adawgəmaŋ dəddoŋgəni.»