2Samiyel 19:8 - Bible en Guidar

⁸ Kakaŋ asil agili, apel sit wən nenek nawsokon mekret məzəlpaŋgə. Vi də iya na Yawe nəsway suko, an kəgil ɓa na, ɗəf təttaka tay naddaŋ təki də is dəpaŋ ɓa, wəray ɓetteŋɗeŋ dədawrəhuko, an dəruhuk ɗah ɓa va səka gawla nok hã pay dəpaŋka.»

2Samiyel 19:8 ပူးပေါင်းရင်းမြစ်များ

2Samiyel 15:2

Absalom əsilyen pumu, əsan ama tive na memeŋgle ɗewi. An ɗəf tay ətoŋ əka dolgoy ana məlĩ da nawtawa, Absalom iyani, ənah sən na: «Ɗəf na walaŋgəla-metiŋ mawan kənan di?» Ndən ənah sən na: «Balam nok na taka səddəv gebbet ɗiy na Israyel yi.»

2Samiyel 18:17

Agəmənək kigəbay Absalom, azganən addəv vov metiŋgin addəvit wəleŋɗe ngərəɓ a muyã. Akkalanənək korgu kpew aka magamas nani. Mə Israyelɗe pak anzoŋguk naway pak a gizlirke ananda.

2Samiyel 18:24

Davit tay ɗewwe a waleŋgit maddambeɗe sula aza zlava na dəlva. Məzuga tek aka təgbalka na memeŋgle, haran le'gəni. Awla ɗəf əzzan dənze.

2Samiyel 18:4

Məlĩ aɓsit na: «An dəsan lew ama horokum pak wanəzbani.» Ndəni məlĩ asan go'o də maddamba na walaŋgəla-metiŋ, məzəlpaŋ tam agilyoŋ vit vit də wəŋɗa na səkat səkatə, gəm na gabalə gabalə.

2Samiyel 19:3

Əska wəla dəgəɗ dəpas akkpaŋgək əhəm na gəlabay viyit məzəlpaŋ pakə, vi məzəlpaŋ aprəmən dəpas na, makra məlĩ assanək diyɗa ammba wətəni.

1Milyeŋge 22:36

Pay gimbil gimbil na, vaŋvəl aŋgəzlək a dibirgidik na: «Naway pak dəl a walaŋgəla-metiŋ nani, gəm aka dələv nani!»

2Milyeŋge 14:12

Məzəlpaŋ na Israyel, arbaŋ sitinik məzəlpaŋ na Yuda, naway pak anzanək a gizlirke nanda.

2Milyeŋge 8:21

Yoram alək a Sayir dit mawteɗ nalpa nan pakə. Asil də dəfəɗ dit deyeɗe net mawteɗ nawgaya, abey mə Edomɗe dəkaraŋ kiynəŋki; məzəlpaŋ na Yuda anzoŋ anet da.

1Samiyel 4:10

Mə Filistiɗe agəmənək əlpa, akaŋ sitinik mə Israyelɗe, naway pak anzanək a gizlirke ananda. Wəddak nan mbərayni diyɗa: məzəlpaŋ mədawaŋ də tilit na Israyel gabal hoku məbeyti.