2Samiyel 18:9 - Bible en Guidar

⁹ Absalom aggbat na tay abet məzəlpaŋ na Davit, Absalom tay aka koropəlsa, koropələs nan toŋ dəmmba wəlaŋga metiŋgin məs kiyvan slakat slakatə, yaŋ muhur kiyən arəm aza kiyva wəlaŋga metiŋgin naka. Alawək tondroŋ aka walaŋ disiŋ də dəlvafuŋ. Koropələs nan tay ədaw əmbata.

2Samiyel 18:9 ပူးပေါင်းရင်းမြစ်များ

2Samiyel 13:29

Gewleɗ na Absalom aɗɗaŋ sənənək Amnon va Absalom aɗi sit wən nani. Kirtin məlĩ hirr pakə, naway pak peŋ aka koropələs nan anzoŋgu.

2Samiyel 14:26

Ama wəzva pak tay əfaɗ kini, vi gədaki akani. An tay əslanən muhur kini, tay əday ki kilo sula, kilo va məlĩ aɗiyə.

2Samiyel 17:23

Adan Ahitofel awla pepet nan an atawan mulani va wən ɓa, aynan mazaŋga na koro nani, amndan ananda, a walaŋgəla-metiŋ; yaŋ aman man sit ɗiy neŋgil ananda, ndən zən lawə, zamə. Məndəkni addəv magamas na afəni.

2Samiyel 18:10

Yaŋ ɗəf awla, ambat ənah sən Yo'ab na: «Nulak Absalom tondroŋgo aka wəlaŋga metiŋgini.»

2Samiyel 18:14

Yo'ab amna: «Maw tay aka əzan pay azok ɓa!» Ande zleŋɗe məpyok met hoku avani, ambat akpe' a makra Absalom, tay tondroŋgo madaran tagay addəv wəlaŋga metiŋ naka.

2Samiyel 18:8

Wəgay atə̃hə̃k dələv pakə, ɗiy en muyã azəm daykiyit en dəmtaŋ ama masalam dəpaska.

Ɗerewel na Yob 31:3

Əzay vi ɗəf mbərayən, gəm tatwãh vi ɗiy məs aɗɗaŋ təstəs ɓa ɓa sa?

Wənməkkpaŋga 20:20

Dəzelen afən dət man na, lalam nan wamtə ara guzliyo.

Wənməkkpaŋga 30:17

Məmas aka afəni may məgəsat man na, gaŋgrekeɗ na məlpa waksolonəni, kirtin kopo wazlornəni.

Yeremiya 48:44

Ɗəf dədanzan sən gəslne wabət a vovu. An dəgil sə vov warəm aka bizwil. Vi wanəki əzva an nawaksən Mo'ab Yawe aɗiymani.

Matiye 27:5

Yaŋ andol deleɗ na təbəz babar nek addəv Gəla na Maŋgəlva, ndən zar mbatə, alaw zəni.

Markus 7:10

Vi Moyis anahək na: Agagdakan afuk dət moko, ɗəf an dəran afəni awaniɓa mani, kawbayni.

Galatiyen 3:13

Kristu abitmək səza mefɗeke na mahenziŋ, adan akkpaŋ zəga na mefɗeke vimə, vi məverni na: Məs məlawən aka wəlaŋga pak məraygəni.

Əmsak aka Mahenziŋ 21:23

kigəbayən adawvoŋ aka wəlaŋga ɓa; kəndəkgən dəpaska'e, vi ɗəf məlawən na, awki mefɗeke na Maŋgəlva. Asla zuko kədakkpaŋgan dələv məs Yawe Maŋgəlva nok apsuk ka nok də heslepe ɓa.

Əmsak aka Mahenziŋ 27:16

«Wəray dəsan aka ɗəf məzelen afən dət mani!» Ɗiy pak dəzlanəngən na: «Dəsan vaska!».

Əmsak aka Mahenziŋ 27:20

«Wəray dəsan aka ɗəf məvoŋgət ga afəni, vi akosuk zəga səka gabba afəni!» Ɗiy pak dəzlanəngən na: «Dəsan vaska!».