2Samiyel 15:10 - Bible en Guidar

¹⁰ Absalom nak aslin gewleɗ nan aza mahəlfaɗe net ɗiy na Israyel pak də wənah sit na: «An kəprəmənək əffo gozloro, kənahaŋgən na: Absalom asanək aka məlĩ a Hebron.»

2Samiyel 15:10 ပူးပေါင်းရင်းမြစ်များ

2Samiyel 13:28

Absalom aɗi wən nan sit gewleɗ nani, amna: «Kamə mula an mbazla abayək Amnon, wanənah sukum na: “Məbay Amnon!” Kəbaynəngəni kədawgeslne'eŋ ɓa. Intə nəɗi sukum wən nan ɓa sa? Məsok zukum, məssoŋ guromɗe!»

2Samiyel 14:30

Aɓsit gewleɗ nan na: «Kulanənək guli na haykəmari pepreŋ na Yo'ab na maŋgavan naw ndak ɓa sa, məddoŋ məbaŋ sən offo!» Gewleɗ na Absalom abaŋ sənən offo sən guli naka.

2Samiyel 15:9

Məlĩ aɓsən na: «Dok zayə.» Ndən le' tek a Hebron.

2Samiyel 19:10

Addəv mahəlfa na Israyel pak ɗiy tahəŋ əŋzlaŋ ma a walaŋ zit dawnəh na: «Məlĩ akõhgəmək səvet məzuzelɗe namə, sasak səvet mə Filistiɗe, yaŋ kakaŋ anzanək səka dəlvəŋ vi Absalom.

2Samiyel 2:1

Dərɓaga asna, Davit sosõhgən Yawe, amna: «Nəmbat addəv taka səret walaŋgəleɗe na Yuda sa?» Yawe aɓsən na: «Doko» Davit amna: «Aŋga nədaddaw kandi?» Yaŋ aɓsən na: «Dok a Hebron.»

2Samiyel 2:11

Ənziya na Davit aka məlĩ aka Yuda, a Hebron agəɗək əzva buhul də təla sləre.

2Samiyel 5:5

Wəzva buhul də təla sləre azəm məlĩ a Hebron aka Yuda, a Yerusalem, əzva kaklaw hoku kiyən hoku azəm məlĩ aka Israyel bayman gəm Yuda.

1Milyeŋge 1:11

Yaŋ Natan aɓsət Betsabe, ma Salomoŋ na: «Kəprəm na, Adoniya wətət mə Hagit, akkpaŋgək ka məlĩ məza daya nam Davit dəsən akan ɓa ɓa sa?

1Milyeŋge 1:34

Adaki məsdələv Sadok də məskəleŋ Natan adappay sənən mẽl nawɗiyən aka məlĩ na Israyel, vasna, kəffonəngən gozloro, kəŋzlaŋgən vaŋvəl na: “Məlĩ Salomoŋ dəsan hã faɗə!”

2Milyeŋge 9:13

Ndəni naway pak agəm zən əgəm lukut nan də kakara, apeknin ammba tələn aka hara tive, affonən gozloro, aɓɗaŋ na: «Yehu məlĩ yi!»

1Alabaraɗe Də Mabərkiziti 11:3

Ɗiy məsɓet na Israyel pak azzoŋguk aza məlĩ a Hebron, Davit aziwgənək wənmiyna dənɗaŋ a Hebron aba Yawe. Appay sənənək mẽl na məlĩ sən Davit ka məlĩ a Israyel, va əpel na Yawe anah sən Samiyel.

1Alabaraɗe Də Mabərkiziti 12:23

Va təki addaŋ pak ɗiy tay əzzoŋ əbbah sən Davit, dibirgidik van kpaŋ metiŋgin va dibirgidik na Maŋgəlva.

1Alabaraɗe Də Mabərkiziti 12:38

Ɗiy na dəggar ki Yurden, mə Rubenɗe, mə Gadɗe gəm pəɗak net kirtin Manase: zel gabal səkat də kaklaw sula, dit zəgeɗ nalpa temtemi.