2Samiyel 10:6 - Bible en Guidar

⁶ Mə Ammonɗe təm ulanən na, arayaŋgək ama hara Davit, mə Ammonɗe slən a Aram na Bet-Rehob gəm a Soba ənda məzəlpaŋ də tilit gabal kaklaw sula nawfaɗsiti, məzəlpaŋ na məlĩ Ma'aka zel gabalə, zel na Tob gabal kəlaw kiyən sula.

2Samiyel 10:6 ပူးပေါင်းရင်းမြစ်များ

Va'Atəŋ 34:30

Yakob aɓsit may Simeyon də Levi na: «Kəkiyaŋ səwənək əray abet ɗiy naka dəlvəŋka, mə Kana'anɗe dit mə Perziɗe pakə. Ŋgbəra'a mənan aret ɗarə, wakkalaŋ akaw kawbaywəni, kawzawiy in də gəla naw pakə.»

2Samiyel 10:5

Məprəman sən Davit, yaŋ aslən ələmsiti, vi wil adeninik diyɗa. Yaŋ məlĩ anah sit kan na: «Məssoŋ a Yeriko hã an eŋgemekum agulyoŋko asna kəzzoŋgəni.»

2Samiyel 10:7

Davit apərəm wən nani, yaŋ aslən Yo'ab, dit məzəlpaŋ məs mekret pakə.

2Samiyel 16:21

Ahitofel aɓsən Absalom na: «Dok azet gəreŋgiɗ afuk apəl nawga gəleŋki. Vasna, ɗiy na Israyel pak waprəmən na, kərayək ama hara afuko, məzəzbokun wampanən təlti.»

2Samiyel 23:34

Elifelet, wətən Ahasbay mə Ma'aka, Eliyam, wətən Ahitofel mə Gilo,

2Samiyel 8:12

sə Aram, sə Mo'ab, sə net mə Ammonɗe da, sə net mə Filistiɗe da, sə net mə Amalekɗe da dit zəgeɗ məmõhĩt səva Hadadezer wətən Rehob, məlĩ na Soba.

2Samiyel 8:3

Davit adəmsənək Hadadezer, wətən Rehob məlĩ na Soba, pay Hadadezer adawgay kamnda əmõh ki məlpa na Efratə.

2Samiyel 8:5

Mə Aramɗe azzoŋguk sə Damas kabbah sənən Hadadezer məlĩ na Soba, Davit abayək ɗiy səret mə Aramɗe zel gabal kaklaw sula kiyən sula.

1Milyeŋge 11:24

Akkeletik ɗiy azani, akkpaŋgək daya net məɓoŋti. Pay lahəŋ Davit adawbeyiti, addoŋ a Damasə, assoŋ azəmaŋ məlĩ aka Damas.

2Milyeŋge 7:6

Yawe aprəmanək ɓaɓəlmet mawteɗ nalpa, ɓaɓəlmet pilseŋge gəm ɓaɓəlmet məzəlpaŋ diyɗa a dibirgidik net mə Aramɗe. Yaŋ mə Aramɗe anahaŋ sənən zit na: «Wasan məlĩ na Israyel afaɗ sitik may məlĩ na Hitti də an na Eziptə kazzoŋ akamə.»

Gəlyaɗe 48:4

Addəvit gəleɗe na məlĩ a Siyon na, məsənni Maŋgəlva ka təki nawɗama.

Əgilye 5:21

Aɓsitin na: «Yawe dula dətawgən wən nani, aka wən akokum, Farawən dit məɗɗaŋ wəza nan met tay aka uləm ɓa; an kəɗɗaŋgəŋ na, as əpsit masalam avet nawbaymi.»

Wənməkkpaŋga 25:8

Kədawgəm zuk əka wən na meggok aba təki nawtawwən ɓa, mbar kədaɗɗa aza əbayman an arbək na vaski ɓa di?

Yeremiya 40:8

Yaŋ Yismayel wətən Netaniya, Yohanan, Yonatan wətən Kareya, Seraya wətən Tanhume gəm kirtin Ofay ɗəf na Netofa, Yezaniya wətən mə Ma'akat, azzoŋ aza Gedaliya a Mispa, ndəɗaŋ dit ɗiy neti.

Yeremiya 46:21

Məzəlpaŋ nan ka dala dayday tahəŋ va kirit wasliɗe məzgəla. Ya ndəɗaŋ veti aktuhunək dəɓeti anzoŋguk sapə. Dəɓap əziwweŋ gala pay nawza net agap aket ɓa, pay nawsilye aketi.

Əmsak aka Mahenziŋ 3:14

Yayir, wətən Manase, agəmək ki va na Argob pakə, hã aka dələv net Gesurɗe də an net Ma'akatɗe. Yaŋ aye də iya nani, Basan, gizlirkeɗe na Yayir hã pay dəpaŋka.

Mətawaŋwəna 11:3

Ndəni Yefte anzan sit milmiŋgiɗin, ammbat əsan də gəla aka dələv na Tob. Yaŋ ɗiy məs ndəvəsɗe asapaŋ azan adawdawaŋ dəndəni.

Mətawaŋwəna 11:5

Adan mə Ammonɗe adaɗɗaŋ wəgay dit mə Israyelɗe na, ɗiy məsɓet na Galad mbataŋ əkayan Yefte aka dələv na Tob.

Mətawaŋwəna 18:28

Ɗiy na Layis vet a walaŋ na Bet-Rehob assoŋgu, faraɗa səza Sidon, wən net tay də ɗəf təttaka ɓa, vini ɗəf tay dəkõhgit ɓa. Mə Danɗe amsakaŋgək ərka walaŋgəla-metiŋ vani, assoŋ adak də gəla.

1Samiyel 13:4

Mə Israyelɗe pak aprəmənək na, Sawlu abayək ŋgaɓa net məzəlpaŋ net mə Filistiɗe ndəni mə Israyelɗe tahəŋ lew aret mə Filistiɗe ɓa. Yaŋ zel nalpa akkalaŋ aza Sawlu a Gilgal.

1Samiyel 27:12

Akis appanək makran sən Davit, dawnəh na: «Davit akkpaŋgək mbərayən a maheret ɗiy nan mə Israyelɗe. Vasna wasan su faɗ aka wəza nawa.»