2Samiyel 10:5 - Bible en Guidar

⁵ Məprəman sən Davit, yaŋ aslən ələmsiti, vi wil adeninik diyɗa. Yaŋ məlĩ anah sit kan na: «Məssoŋ a Yeriko hã an eŋgemekum agulyoŋko asna kəzzoŋgəni.»

2Samiyel 10:5 ပူးပေါင်းရင်းမြစ်များ

2Samiyel 10:4

Hanun armek ɗiy gugriɗ na wəza na Davit neki, afeɗ eŋgemet hõlyõkko hõlyõkko, ataw lukutɗe net gappa gappa aza way gebbeti, ndən mbəgit addoŋgu.

2Samiyel 10:6

Mə Ammonɗe təm ulanən na, arayaŋgək ama hara Davit, mə Ammonɗe slən a Aram na Bet-Rehob gəm a Soba ənda məzəlpaŋ də tilit gabal kaklaw sula nawfaɗsiti, məzəlpaŋ na məlĩ Ma'aka zel gabalə, zel na Tob gabal kəlaw kiyən sula.

1Milyeŋge 16:34

Aka pay nan na, Hiyel na Betel, Arkan walaŋgəla na Yeriko: aɗi gabba zlava na walaŋgəla van ka əmta na Abiram wətən an daya, azi maddambeɗe nan ka əmta na Segub wətən an sawã va Yawe anah də ma Yosuwa, wətən Nun.

1Alabaraɗe Də Mabərkiziti 19:5

Yaŋ mədda ənah sən wən net ɗiy vet sən Davit, yaŋ aslən ələmsiti, vi wil adeninik diyɗa. Yaŋ məlĩ anah sit na: «Məssoŋ a Yeriko hã an eŋgemekum agulyoŋko asna kəzzoŋgəni.»

Yosuwa 6:1

Məmseti yi maddambeɗe na Yeriko slakat slakat viyit mə Israyelɗe: ɗəf tay nawtoŋ ɓa, ɗəf tay nawgilyan ɓa.