2Piyer 3:7 - Bible en Guidar

⁷ Ya disiŋ də dəlvafuŋ an kakaŋkiŋki, məɗiti ta' sən offo də wəpel vani. Məzeɓeti vi pay nawtawwəna gəm pay nawza net ɗiy mbəreyti.

Nouveau Testament en Guidar

⁷ Amma disiŋ də dəlva fuŋ an kakaŋkiŋki, də wəpel na Maŋgəlva vani asuwaŋ tagay vi kagrekit də offo. Məzeɓeti ha pay nawtaw kita aket ɗii mbreyit də wəzeti.

Bible en Guidar

⁷ Ya disiŋ də dəlvafuŋ an kakaŋkiŋki, məɗiti ta' sən offo də wəpel vani. Məzeɓeti vi pay nawtawwəna gəm pay nawza net ɗiy mbəreyti.

2Piyer 3:7 ပူးပေါင်းရင်းမြစ်များ

Gəlyaɗe 102:26

Is kəɗi dəlvafuŋ far lahəŋka, disiŋ pak wəza na voki yi.

Gəlyaɗe 50:3

«Maŋgəlva nam dəde, adawɓəta ɓa!» Offo tay ələkat təki səbani, barkataŋ tahəŋ kiyən tərwəslə.

Isaya 51:6

Məslan horokum a disiŋ, gəm məwəl afuŋgu: Vi disiŋ wahhi va enene; gəm dələv waray va lukutu, ɗiy nakan wamtaŋ va birteŋge. Ya əkõh naw wasan faɗə, təstəs naw avvir na ɓa.

Isaya 66:15

Vi Yawe yaŋ əzzan addəv offo, mawteŋɗe net pilseŋge nan tahəŋ va barkataŋɗe. Waki gagay na ədagədəv nani kawhãy addəv hərzlum offo.

Daniyel 7:9

In tat əzban ula, nulak məɗiyə mezeŋgeɗ na məlyã, yas mazza ade pay ɗew. Lukut nazan tay babar ndasl va ɓeɓrezlerizze, muhur kiyən tay va zeŋze saksakə, mazaŋga na məlĩ nan tay əwiɗ va offo, təl mazaŋga van tamə va offo mərmani.

Sefanya 3:8

Ya vasna, məguwa Yawe aɗiymani. Məgu pay nədawsilyaw ammba zəga nawrəh səma əgaya! Wətawwən naw wasan nawzet dəlveŋge pakə, nawsepet milyeŋge a təki taka, kawki herɗe naw gəm ədagədəv naw vakvak pak aketi, vi dəlvafuŋ bayman wazlə akoffo na kotorok nawa.

Matiye 10:15

In tat ənah sukum, pay ətawwən na, tatwãh na dələv na Sodom də Gomorra wasan dəɗah ki na walaŋgəla-metiŋ vanəska.

Matiye 11:22

Vini nədawnah sukum: Pay nawtawwən na, tatwãh na Tir də an na Sidon wasan ɗəɗah ki an nokum.

Matiye 11:24

Vini nədawnah sukum: Pay nawtawwən na, tatwãh na dələv na Sodom wasan ɗəɗah ki an noko.

Matiye 12:36

In tat ənah sukum: Pay wəgrak dəlva, ɗiy wazlanən aba ətawwən aka əpel ɗar dəgil sə metəŋ pakə.

Matiye 24:35

Disiŋ də dəlvafuŋ pak wagrakaŋgə, ya sessel əpel naw agrak na ɓa.

Matiye 25:41

Asna wanah sit ɗiy en naka van zlaɓay na: Məzar səzaw faraɗa munokum məs məraygukum, məddoŋ aka offo məs amta ɓa hã faɗə, məs məzaɓan vi diyabəl dit maslayɗe nani.

Markus 6:11

An walaŋgəla tay məs dətafkum ɓa, aɓoŋguk daprəmkum, dawmbat sədak na, məttu hologudum səza təlkum, dərbangən na aɗɗaŋgək an dəslə ɓa.

Yohanna 12:48

Ɗəf məs dəzgaw pak, dətaf əpel naw ɓa, tay də ɗəf an nawtaw wən akan səkayə, əpel məs nəpeliŋki nawtaw wən akan pay əgrak dəlva.

Roma 2:5

Ya, də ki ɓəɓəl noko gəm mokrok məs awɗi marava ɓa, is tat əkkalan ədagədəv akoko, pay ədagədəva gəm ətawwən na Maŋgəlva də təstəs adarba,

1Korintus 3:13

wəza na ɗəf pak warbə. Vi pay nawtawwən warban appaka ta'ə, addəv offo adarba, offo wasla wəza na ɗəf pak va asani.

Filipi 1:28

Addəv zəga pak kədawgeslne'eŋ sit məzuseɓɗe nokum ɓa, vi tay ərban əza neti, ya nokum, tay ərban əkõh nokum, as van səza Maŋgəlva ade.

2Tesaloniki 2:3

Ɗəf adawmbəɗokum də tive awandi zlaŋ ɓa, an əppan əzban Maŋgəlva dəde tagay gəm ɗəf mambray wətən əza dərban zən ɓa ɓa,

1Timote 6:9

Ya ɗiy məkayaŋ arya wabətaŋ addəv əraka, addəv mazzaɗə gəm addəv əsim zəga na dərwa diyɗa, mbərayən, məs dədawtoŋgit ɗiy addəv əraya gəm əza kuɗupə.

Ibriɗe 12:29

Vi Maŋgəlva nam offo məhhət zəga yi.

2Piyer 2:9

Daya asənək va adawkõhgit ɗiy təstəs səma əzəmsahã, ya tay əppet məɗɗaŋ mambray vi pay nawtaw wəna.

2Piyer 3:10

Də as pak na, pay na Daya wade va məhala. Dəpas na disiŋ wazə də gogoyo metiŋgini, zəgeɗ dərmaŋ offo pak walyuɓoŋgu, dəlvafuŋ dit zəgeɗ nakan pak assoŋ na ɓa.

2Piyer 3:12

Ka pay nazza na Maŋgəlva məs kədawgaŋgən dəgapgən gu'u, pay nani disiŋ adawzla gəm adawza, ŋgirzleɗ wewwereŋ sən offo.

1Yohanna 4:17

Də aski əŋgla asan gərrak a walaŋmə. Vi məsamgən kiyəm foŋgo aka pay nawtaw wəna. Vi va nan asani, vas mənan aka dəlvəŋka.

Zuda 1:7

Va mãy Sodom də Gomorra gəm walaŋgəleɗe gugriɗ en tuwəɗ kiyit akuhwaŋ a gizbe, azbetinik maslayɗe, assoŋguk va zəga narban əzga də offo məs amta ɓa.

Hənhən 17:11

Zəga mamayã məs lahəŋ gəm tay əmpa ɓa naka, ndəni məlĩ madodopoɗeti, tay aret en buhul neki gəm tay əmbat əza.

Hənhən 17:8

Zəga mamayã məs kədawlaŋka, tay lahəŋka, ya kakaŋ na tay ɓa. Wagil sə delŋgeɗeki kaddan əza. Ɗiy naka dəlvafuŋ məs iya net tay məverin addəv ɗerewel na zeŋgile təŋ əɗi na gabba dələv ɓa, waggətaŋgə an awlanənək zəga mamayã naka, vi tay lahəŋka ya tay kakaŋ ɓa, ya wamil əmpa'a.

Hənhən 20:11

Yaŋ nula mazaŋga babar na məlyã də ɗəf məs dəsan akani. Dəlvafuŋ də disiŋ tahəŋ wənzoŋ sənəni, kawleti ɗah əmpa ɓa.

Hənhən 21:1

Yaŋ nula disiŋ meleketeni, də dəlvafuŋ meleketeni. Disiŋ an daabəŋ də dəlvafuŋ an daabəŋ pak ahhiyaŋka, pehe pak tay ɓa azəka.