2Piyer 3:15 - Bible en Guidar

¹⁵ Məsən na əɓəs na Daya nam akol sukumək tive ka kəkõhoŋgəni, va məlməm na makram Pol aver sukum də maɗɗula məs Maŋgəlva apsəni.

Nouveau Testament en Guidar

¹⁵ Məsən na əɓəs na Ɗəfdaya akol sukumək ma tive ka kəkohoŋ gəni, va məlməm namakram Pol aver sukum də maɗulan məs Maŋgəlva apsəni.

Bible en Guidar

¹⁵ Məsən na əɓəs na Daya nam akol sukumək tive ka kəkõhoŋgəni, va məlməm na makram Pol aver sukum də maɗɗula məs Maŋgəlva apsəni.

2Piyer 3:15 ပူးပေါင်းရင်းမြစ်များ

1Milyeŋge 3:12

Wanəɗɗa suk va əpel noko: wanəpsuk maɗɗula ɗeŋŋge, ɗəf tay dəsan daabəŋ kiyuk ɓa, tay nazzan va is dərɓogok ɓa.

1Milyeŋge 3:28

Mə Israyelɗe dəwənnet aprəmənək va məlĩ ataw wəna, ageslne'eŋ sənənək məlyã, awlanənək na, maɗɗula na Maŋgəlva yi addəvən nawtaw wəna.

Ezra 7:25

An dəwəl suk na Ezra, də maɗɗula Maŋgəlva apsuk əŋka, aɗi mətawaŋwəna, prefeɗe dətawanəngən wən sit ɗiy na dəgar ki Efrat, sit ɗiy en dəsənən mahenziŋ na Maŋgəlva nok pakə, kərbet singin ɗəf an dəsin ɓa.

Əgilye 31:3

Nəknəhək də əmpəs na Maŋgəlva vi dərahgən maɗɗula, hənhən, wəsəna gəm əsən əɗɗa zəga pakə.

Əgilye 31:6

Yaŋ naw nəɗi Oholiyab, wətən Ahisamak zev Dan a maŋgavani, nəɗiyək maɗɗula a təki məs maɗɗula pak dəɗɗanəngən an nəɗi suk wən nan pakə.

Əgilye 35:31

Aknəhək də əmpəs na Maŋgəlva, də maɗɗula, də hənhən, də wəsəna, gəm də wəsən əɗɗa zəga pakə.

Əgilye 35:35

Aknihik də maɗɗula naɗɗa wəza naɗɗumon pakə, məpyok wəleŋɗe, məbay gawla də gabaga mənɗerin pəreŋ pəreŋgi, də an pepreŋ witwiti, də an hõlhõ hõlhõ gəm də ngərayã kukulfuto, muhũ saka məzəɗɗaŋ wəza pakə, gəm məzəɗɗumoŋ nawzaɓ zəgeɗi.

Məsmaɗula 2:26

Sən Ɗəf təstəsə, ndən əpsən maɗɗula, əsəna, gəm ənneke, ya sən ɗəf məgəɗ mbərayən, ndən əpsən gəggrəŋ nawsapani, nakkalani kapsən ɗəf an moggon aba Maŋgəlva. As van zəga ɗari, əmbat ammba səmyãy.

Isaya 30:18

Vi vaski Yawe waga pay nawgəɗ sukum mbəlembəle, wasil vi kawla sãsãhkum. Vi Yawe Maŋgəlva təstəsi. Zazay azet ɗiy en məzuganən pakə.

Luka 21:15

Vi naw wanəpsukum mokum də maɗɗula an məs məzuzel nokum aɓapaŋ na əziw abokum awaniɓa əbayaŋ ma də munokum ɓa.

Wəza net Masləŋɗe 15:25

Vini məsler mam məwel ɗiy nawslən azokum sap azet mãy Barnabas də Pol ɗiy məs məŋgələ.

Wəza net Masləŋɗe 7:10

Amohuk səma əzəm sahã nan pakə, apsənək mbəlembəle gəm maɗɗula aba Farawən məlĩ na Eziptə, yas aɗi daya nadawgən zəga pak aka Eziptə gəm aka gəla nan pakə.

Wəza net Masləŋɗe 9:17

Yaŋ Ananiyas ambatə, atoŋguk eŋgil naka, aɗiyək van akani. Amna: Sawlu məlmuwa, Daya dəslənwa, Yesu məs dərban zən azok aka tive dazzoko, ka kəmsakgən ula, kəssokgən məknahuk də Zeŋgile Salala.

Roma 2:4

Awaniɓa moggon nani, əssa nan haran sekke gəm əɓəs nan kədawzelen sa? Məza əsən tay akan ɓa, kəsən na moggon na Maŋgəlva tay əreɗuk kəɗigən marava ɓa sa?

1Korintus 12:8

Sən ɗəf maɓɓani, Əmpəs əpsən dəpelgən də maɗɗula, sən ɗəf maɓɓani, Əmpəs van əpsən dəpelgən də əsəna.

1Korintus 2:13

məs mədawpel aket məza də ərba dəde səza maɗɗula na ɗəf ɓa, də ərba na Əmpəsi, də əsapan an dəwəlsən Əmpəs də an dəwəlsən Əmpəsa.

1Korintus 3:10

Va aza mbəlembəle məs Maŋgəlva avayə, nəɗiyək gabban va məsən-ərkagəla məsmaɗɗula, ɗəf maɓɓan ərka akani. Ya naway pak dəsla zən aza va adarkani.

Efesus 3:3

va hənhən arban su wən məɗama, vaski nəver duɗukko farə,

1Timote 1:16

ya sən aski Maŋgəlva awəl sahã akawa, vi Yesu Kristu dərbangən əɓəs nan diyɗa akaw daabəŋ, vi nəsawgən nawsla ki van azaw a waleŋgit ɗiy məs nawtafəni, məs dədawrəhaŋ zeŋgile nassa hã faɗə.

Yakob 1:5

An ɗəf sərokum tay məs maɗɗulan agəsə, dəŋgəl ava Maŋgəlva məzəpsən ɗəf pak məza də tatwah ɓa gəm məza də əsəɓ ammban ɓa, wapsəni.

Yakob 3:17

Ya maɗɗula an nawsən zəga məs dəde sə disiŋ, nan salalayi. Nan tay əki əssa zay də ɓatɓatə, də bayna, awɗeket ɗiy ɓa, awa tepelke aket ɗiy ɓa.

1Piyer 3:20

Ndəɗaŋgə ɗiy dəɓoŋgoŋ lahəŋ aka Maŋgəlva aɓəs aka pay Nuwe adawzaɓ bəlay. Ɗiy siɗikkeŋ kaka addəvən, ɗiy dədopoɗo dəkõhoŋ səret iŋkile.

2Piyer 3:2

Vi kəɗɗumonəngən əpel məs məskəleŋɗe salala apeleŋ lahəŋka gəm net maslənɗe nokum, ana mahenziŋ na Daya məzukõhgəmə.

2Piyer 3:9

Daya tay əlya də əknahan iynama nan va ɗiy meɓɓet adaɗɗumoŋ ɓa. Ya tay əɓəs sukum vi dəŋgəl ɗiy meɓɓet dəzaŋgən ɓa, kəta ɗiy pak dəgapaŋgən aza əɗi marava.