2Piyer 2:8 - Bible en Guidar

⁸ Vi Lot, ɗəf təstəs dəsan a walaŋgit tay uleti gəm tay əprəmti: pay pak, megenenen tay əzəmsahã vi wəza net mbərayən.

Nouveau Testament en Guidar

⁸ Ludu ɗəf mogonəŋka, asanək aweleŋti, apprəmək wənna mambray neti, awlak də harani, makran asanək aka wənnan sawɓa.

Bible en Guidar

⁸ Vi Lot, ɗəf təstəs dəsan a walaŋgit tay uleti gəm tay əprəmti: pay pak, megenenen tay əzəmsahã vi wəza net mbərayən.

2Piyer 2:8 ပူးပေါင်းရင်းမြစ်များ

Va'Atəŋ 13:13

Zel na Sodom mbəreytiŋ gəm məs mambrayɗeŋ aza Yawe sawɓa.

Gəlyaɗe 119:136

Sin agilyoŋguk araw buwwa, vi dərmanən mahenziŋ nok ɓa.

Gəlyaɗe 119:139

Gala məzuseɓɗe naw azgətaŋ ki əpel noko, əŋgla hoɗhoɗ na makraw tay əzluwa.

Gəlyaɗe 119:158

Nəwələk məzəmaŋkiya, yaŋ makraw assawa vi dərmanən əpel nok ɓa.

Wənməkkpaŋga 25:26

Va iŋkile məndikti, va iŋkile məŋginti, vaski ɗəf təstəs məzəkker aba məsdaraw asan.

Wənməkkpaŋga 28:12

An ɗiy en təstəs askaŋgək wəla na, ənnek diyɗa adawsani; ya an məsdarawɗe asilyoŋko, nawãydi pak əɗama.

Ezekiyel 9:4

Yawe aɓsən na: «Atoŋ addak walaŋgəla-metiŋ, addak Yerusalem; kəvergən zəga a mirbizit ɗiy dədawɓuhnən met gəm dədawɗəkaŋ aket zəgeɗ daryawɗe dədaɗɗaŋ addəvnəŋka.»

Ezekiyel 9:6

Ɗəf məsɓani, gawla, gorku, muzliya dit gil pak məbey gərakə; ɗəf məs əver a mirbizin pak kədawzaraŋ azan ɓa, də gəla naw kədawtəŋgəni.» Atəŋnən aket zeli, ɗiy məsɓet naba Gəla na Maŋgəlva neki.

1Timote 1:9

Məsənəka, mahenziŋ tay vi ɗəf an təstəs ɓa, tay viyit məs tahəŋ də mahenziŋ ɓa, ɗiy məɓoŋti, məzelen Maŋgəlva, məs mambrayɗe, məraygənən zəga na matuya, məraygənən zəga salala, ɗiy məbayaŋ efiti məbayaŋ meti, dit məbayaŋ gəbaya,

Ibriɗe 11:4

Də ətafi Abel azaɓ-Maŋgəlva na sləma dayki an na Kaynu sən Maŋgəlva. Vi wətaf nani Maŋgəlva anah na ɗəf təstəsi, ataf əvəl nani. Də ətafi, də amtə zlan na apel əmpa.

Yakob 5:16

Vi vaski mərban mambray nokum awalaŋ zukum aba Maŋgəlva, viyit ɗiy nokum, vi kəmbəlaŋgəni, wəkkam na ɗəf təstəs tay də gbogboŋ naɗɗa zəga metiŋgini.