2Milyeŋge 9:26 - Bible en Guidar

²⁶ “Gesiŋ nulek mbel na Nabot dit en net kirtin nosuŋgo, Yawe aɗiymani. Wanəfaɗguk aka guli vanəska, Yawe aɗiymani!” Kakaŋ kan na, agəma, azgan addəv guliyəs, va Yawe anahə.»

2Milyeŋge 9:26 ပူးပေါင်းရင်းမြစ်များ

1Milyeŋge 21:13

Məklopoɗe sula nek payaŋ gurom abani. Məklopoɗe nek atəŋgən uwawən aka Nabot abet ɗiy naka, aɓɗaŋ na: «Nabot aranək Maŋgəlva gəm məlyã.» Ndəɗaŋ vitgin sə walaŋgəla-metiŋ, askanən dit gərmeŋge, ndən zamə.

1Milyeŋge 21:19

Kənah səngəni, is na: An Yawe anah yaŋka: Adan kəbay ɗəfa, wəɗɗum nok guli nan dəsangən ka nok sa? Kənah səngən dawnəh na: An Yawe anah yaŋka: A təki kirɗe aterne'nin mbel na Nabot iŋki, adak kirɗe adawterne'nin mbel nok tamə.»

2Milyeŋge 9:21

Yoram amna: «Miynan su mawta ammbet pilseŋge!» Mətok səni mawta nani. Yoram məlĩ na Israyel də Akaziya məlĩ na Yuda, agilyoŋguk naway pak aka mawta nan addoŋ ələm sənən Yehu, addəv guli na Nabot na Yizrel.

2Milyeŋge 9:25

Anah sən Bidkar, mərəm baray nan na: «Agəma, azgan addəv guli na Nabot na Yizrel lahəŋka. Aɗɗumoni: pay məsam matak aka mawta nawgaya, is də in mədazban Akab afəni, Yawe apelik wən akani:

2Alabaraɗe Də Mabərkiziti 24:25

Appanən aka adamndoŋ na, gbəgba'i palala. Yaŋ gewleɗ nan atuvuroŋ wən akan viyit mbel net kirtin məsdələv Yoyada; abaynən aka zəga nawvoŋ nani. Adan amtə na, məndəkni a walaŋgəla-metiŋ na Davit, məza addivit magamasɗe en net milyeŋge ɓa.

2Alabaraɗe Də Mabərkiziti 25:4

Ya dəbey kirtit ɓa hara, va məverin addəv ɗerewel na mahenziŋ na Moyis a təki Yawe aɗi wən nan dawnah na: «efiŋgiɗit kirin amtaŋ na aka mambray net kirtit ɓa, kirin tamə, amtaŋ na aka mambray net efiŋgiɗit ɓa, adamtaŋ na, ɗəf pak aka mambray nani.»

Gəlyaɗe 9:13

Ndəni dəmpəl kiyit ɗiyen məbeyti, tay əɗɗumoni, azgət ki əhəm net məzəmaŋ sahã ɓa.

Əgilye 20:5

Kədappu' abet ɓa, kədawgəɗ sit wəza ɓa, vi intə Yawe Maŋgəlva noko, Maŋgəlva məskotorok məzəŋɗan mambray net efiŋgiɗit kirin en dəzelnən aket kirtit gap sayit hoku də poɗo

Ezekiyel 18:19

Yaŋ kəɓɗaŋ na: Vimi wətən dəslan heslepe na afən ɓa di? Ya wiyən van agəɗək zəga an də tiveni, təstəsə, azbetik mahenziŋɗe naw pakə, armeke: wasan madarani.

Habakuk 2:10

Ərba wili yi kəki aka gəla noko: də əbay ɗiy diyɗa, mambray aka zuk kəgəɗə.

Əmsak aka Mahenziŋ 24:16

Kawbeyti efiŋgiɗit kirin aka wən net kirtit ɓa; kawbeyti kirin aka wən net efiŋgiɗit ɓa'a; naway pak kawbayni aka mambray nani.

Əmsak aka Mahenziŋ 5:9

Kədappu' abet ɓa, kədawgəɗ sit wəza ɓa. Vi intə Yawe Maŋgəlva noko, Maŋgəlva məskotorok məzəŋɗan mambray net efiŋgiɗit kirin en dəzelnən aket kirtit gap sayit hoku də poɗo;