2Milyeŋge 8:1 - Bible en Guidar

¹ Elisa apel sət ɗak məs ambəlgən wətət nakə, amna: «Asili, dok dit ɗiy nok pakə, asim a təki kəŋgəl kədasme pakə, vi Yawe waki maya, wagəɗ wəzva buhul aka dəlva.»

2Milyeŋge 8:1 ပူးပေါင်းရင်းမြစ်များ

Va'Atəŋ 12:10

May agəɗək aka dəlva, Abram alək a Eziptə kawsan siɗikke adaka, vi may gədaki diyɗa aka dəlva.

Va'Atəŋ 26:1

May agəɗək aka dəlva, temme də an dəgəɗ aka pay na Abraham. Isak ambatək a Gerar, ana Abimelek, məlĩ net mə Filistiɗe da.

Va'Atəŋ 41:25

Yosef azlan sən Farawən na: Na Farawən na, wissine taka yi. Maŋgəlva aprəmanək sən Farawən an adaŋgla naɗɗa.

Va'Atəŋ 41:32

Aka wissine na Farawən təl sulaŋ na, Maŋgəlva aziwginik əpel nani. Maŋgəlva waɗɗa də kakara.

Va'Atəŋ 41:54

Wəzva buhul na may tay əki kiyən va Yosef anah farə. May tay aket dəlveŋge gboŋgu, ya aka dələv na Eziptə dəwənnan hara na, zəga na wəzəm tay.

Va'Atəŋ 47:4

Aɓsənən Farawən na: «Mide na, kawsam aka dələv aŋki, vi təki nawtaɗ net timeŋgiɗ net belemɗe nok tay ɓa, vi may adayək aka dələv na Kana'anə'e, kamə kakaŋ na, belemɗe nok dəssoŋ də gəla aka dələv na Gosen.»

2Samiyel 21:1

May agəɗək diyɗa aka məlĩ na Davit, əzva hoku ammba zəni. Davit assohõnək Yawe, yaŋ Yawe amna: «Aka batam Sawlu də gəla nan məbay gəbayəŋki, vi abeyik mə Gabawənɗe.»

2Samiyel 24:13

Gad alək aza Davit, aboton səni, aɓsən na: «Dələv nok dəzəvgən buhul də may kəŋgəl sa, təla hoku, məzuzelɗe nok ərɓohokun is ənzok sit kəŋgəl sa, awaniɓa, əvoŋ hoku gəbaymərma dədegən ərroɓ ɗiy naka dələv nok kəŋgələ? Aɗɗumoni, awel an nawgəɗ suko, nəman səngən wən nan sən ɗəf an dəslənwa.»

1Milyeŋge 17:1

Eliya, mə Tisbe naret ɗiy na Galad aɓsən Akab na: «Va Yawe Maŋgəlva na Israyel məs nədawziw abanəŋ asan madarani, in tat ənaha: Wəzvaɗe dədazzoŋ iŋki, minɗe aziyaŋ na ɓa, buwən azi na ɓa'a, an in nənah ɓa ɓa.»

1Milyeŋge 18:2

Eliya mbat ərban zən aza Akab. May agəɗək vakvak a Samari.

2Milyeŋge 4:18

Muzliya aɓayka. Pay mbərən ambat aza afən ammbet məzubəlaŋgə.

2Milyeŋge 4:36

Elisa aya Gehazi, amna: «Ayət mə Sunemək nakə!» Ayətəka; tələk aza Elisa, anah sət na: «Aslan wutuko!»

2Milyeŋge 4:38

Elisa, amndan a Gilgal. May agəɗək aka dəlva. Adan məskəleŋɗe tahəŋ gurom gurom abani, anah sən məgəɗ wəza nan na: «Akrək mozgoy metiŋgini, kədə sitgən teɓ sit məskəleŋɗe.»

2Milyeŋge 7:20

Aski dəgəɗ akani: Ɗiy andərəslənək aza maddamba ndən zamə.

2Milyeŋge 8:2

Guluk nak təsilke, təɗɗak va ɗəf na Maŋgəlva anah sət naka: Təsimik dit ɗiy nata, asmeŋgik aka dələv net mə Filistiɗe ammba wəzva buhulu.

Gəlyaɗe 105:16

Akiyək may aka dəlva; araygənək way neti.

Gəlyaɗe 107:34

dələv məs ba'ar ka təki mukuro, vi mbərayən net ɗiy nakani.

Yeremiya 25:29

Vi dəka walaŋgəla-metiŋ naw nədawtəŋ əki tatwãha, ya nokum na wakəkohoŋ sa? Kəkõhoŋ na ɓa vi in tat iya masalam aket ɗiy pakə Yawe Məzuɓappak aɗiymani.

Məsdəlveŋge 26:26

Pay nədawgəm way sə bokum; may wagəɗə, gil kəlaw wadanən way nokum aka gulo taka; way an adawkiyaŋ sukumən wasan siɗikke, wakəzəmaŋgə ya kəbaŋ na ɓa.

Amos 4:6

In nəkisukum sahã na zəga nawgul a borokum a walaŋgəleɗe gugriɗ nokum baymeti, gəm may addivit gəleɗe nokum, yaŋ kəmulyoŋ azaw ɓa, Yawe aɗiymani.

Haggay 1:11

Nəɗɗak koloy aka dəlva, aket mossorgoɗe gugriɗe, aka haykəmari, aka mbazla na meketepe, aka mẽlẽ gəm aka zəga na mabardaw pakə; aket ɗiyi, zəgeɗ memeyẽɗi də aka ərah na wəza nokum pakə.

Luka 21:11

Əɓla na dələv wagəɗ diyɗa, mãy wagəɗ a təki temtem gəm gəbayɗe mərma. Zəgeɗ nawgeslne' sit diyɗa gəm sekeneɗ warbaŋ a disiŋ.

Luka 21:22

Vi wasan pay namndan harat huloŋku kaknahan an məverin.

Luka 4:25

Gesiŋ nədawnah sukum, gil net gəbayɗe tahəŋ a Israyel diyɗa aka pay na məskəleŋ Eliya, aka buwən dəzi ɓa addəv əzva hoku də təla sləre, may metiŋgin agəɗ ammba dələv pakə;

Wəza net Masləŋɗe 11:28

Ɗəf taka səreti, məs adawyaŋ na Agabus asilke, anah də gagdak na Zeŋgile Salala na: Mãy na ŋgaryã wagəɗə aka dəlvafuŋ pakə. Agəɗək aka pay na Klodiyus.

Ɗerewel nat Rut 1:1

Təl taka, aka pay net Mətawaŋwən na, may agəɗək aka dəlva. Yaŋ ɗəf na Bet-Lehem na Yuda, asim a muyã na Mo'ab, ndəni, guluk nani gəm kirtin mezeŋgleket sula.