2Milyeŋge 7:13 - Bible en Guidar

¹³ Taka səret məɗɗaŋ wəza azlani, amna: «Kamə dəgəmaŋ pilseŋge sle' səret en dəppaŋ a walaŋgəla-metiŋ ɗa, tahəŋ va ŋgboŋ net mə Israyelɗe en dəppaŋ a walaŋgəla-metiŋ, va ŋgboŋ net mə Israyelɗe dədaddoŋ addəv əddaka. Məslin səmə, mulagəni!»

2Milyeŋge 7:13 ပူးပေါင်းရင်းမြစ်များ

2Milyeŋge 5:13

Gewləɗ nan azzoŋ anahaŋ sənən na: «Əbba! Va məskəleŋ anah sukuk zəga naɗɗa tatwãh na, kəɗɗa na kəta ɓa sa? Ya ənah anah suk aslslay kaka' kənzaɗgəni.»

2Milyeŋge 6:33

Tay əpel dənɗaŋ tagay, maslən nak agap azani, yaŋ amna: «Ya ərayəŋ səza Yawe ade! Miy nədawga səva Yawe əmpa di?»

2Milyeŋge 7:12

Məlĩ le' də dəfɗa, yaŋ anah sit məɗɗaŋ wəza nani: «Kamə nənoh sukum an mə Aramɗe aɗɗaŋ vimə: asənənək na may tay əbaymə, yaŋ agilyoŋ sə dibirgidik addoŋ əɗamaŋ awra, dawnəh net na: “Pay adawgilyoŋ sə walaŋgəla-metiŋ mərmegin medereti, mətoŋgən a walaŋgəla.”»

2Milyeŋge 7:14

Ndəɗaŋ hãs mawteɗ nawgay sula dit pilseŋge neti, məlĩ aslin aka betemit məzəlpaŋ net mə Aramɗe, dawnah na: «Məddoŋ mula!»

2Milyeŋge 7:4

An mənahək na: “mətoŋsəm a walaŋgəla-metiŋ,” may tay a walaŋgəla-metiŋ waməmtə adaka. Ya an məsamək aŋka, waməmtə'e. Ya kakaŋ na, daɗah mədam mətoŋsəm a dibirgidik net mə Aramɗe əŋka; an appamənək madaramə, waməsam madaramə; an wabayməni, asna dəbayməngəni.»

Yeremiya 14:18

An nigilik awra, ɗiy mimtit sən əgay nədawla. An nətoŋguk a walaŋgəla-metiŋgini, ɗiy məzəmtaŋ sən may nədawla. Vi məskəleŋɗe gəm məsdəlveŋge dayday abbalanənək dəlva: dərəhnən gabban ɓa.

Əɓuhma 4:9

Dəɗa en dəmtaŋ ama masalam ki en dəmtaŋ sən mayã gəm dətaraŋ dəddakaŋ sən zəga nawzəm tay mərəh sə guli ɓa.