2Milyeŋge 5:20 - Bible en Guidar

²⁰ Gehazi, gawla na Elisa ɗəf na Maŋgəlva, amna: «Yaŋ daya naw appan Na'aman mə Araməŋ aɓoŋ dawtaf an akiyə. Va Yawe asan madarani, sessel wanənzaw ammbani, nətafgən zəga səvani!»

2Milyeŋge 5:20 ပူးပေါင်းရင်းမြစ်များ

1Milyeŋge 17:1

Eliya, mə Tisbe naret ɗiy na Galad aɓsən Akab na: «Va Yawe Maŋgəlva na Israyel məs nədawziw abanəŋ asan madarani, in tat ənaha: Wəzvaɗe dədazzoŋ iŋki, minɗe aziyaŋ na ɓa, buwən azi na ɓa'a, an in nənah ɓa ɓa.»

2Milyeŋge 13:19

Ɗəf na Maŋgəlva nak adək gədəv akani, amna: «Va kərgak təl sle' may sləre kəta na, wakəbay Aram hã mbo' əzan kakãhə. Kakaŋ na, təl hoku kədaska wəlan kaka'ə.»

2Milyeŋge 4:12

Yaŋ aɓsən gawla nan Gehazi na: «Ayət suwət mə Suneməkəŋ ɗa!» Ndən dah iyəta, təde pay ziw aba gawla naka.

2Milyeŋge 4:25

Təmbatək aza ɗəf na Maŋgəlva aka gərəm na Karmel. Səza ɗəf na Maŋgəlva awlət səka faraɗa ləŋgə, anah sən gawla nan Gehazi na: «Mə Sunemək nak yakədəkə!

2Milyeŋge 4:31

Gehazi alək daabəŋ kiyti; aklakək zleŋ aka hara wiyən naka, əmpəs tay aprəm ɓa, zəga tay dərbə na madarani ɓa. Ya ndən pay kawləm səni, aprəman səni, amna: «Wiyən dəfɗah ɓa.»

2Milyeŋge 4:36

Elisa aya Gehazi, amna: «Ayət mə Sunemək nakə!» Ayətəka; tələk aza Elisa, anah sət na: «Aslan wutuko!»

2Milyeŋge 5:16

Amna: «Va Yawe məs nədawziw aban asan madarani, tay va nədawtafən ɓa!» Na'aman tələn tək dətafgəni, yaŋ aɓoŋgu.

2Milyeŋge 5:21

Gehazi azbanək Na'aman. Adan Na'aman awla ənzan ammbani, ndən pirik səka mawta net pilseŋge nan kawmbat ələmsəni, amna: «Zay yi lahə?»

2Milyeŋge 6:31

Amna: «Maŋgəlva dəgəɗ su an naɗɗa pak an dəpaŋ ki Elisa, wətən Safat, asanək akani!»

2Milyeŋge 8:4

Məlĩ tay əpel də Gehazi məgəɗ wəza na məskəleŋ na Maŋgəlva dawnəh na: «Əŋga abotet su zəgeɗ gugriɗ məs Elisa agəɗ pakə!»

2Milyeŋge 8:7

Elisa mbat a Damas, mbara Ben-Hadad, məlĩ na Aram gbəgba'i yi. Mənah sən məlĩ na: «Məskəleŋ na Maŋgəlva adek hã aŋka.»

Gəlyaɗe 10:3

Vi məsdaraw tay əɗi ki zəni adan aɗɗa an na makrani; adan arah də vurum nani, ndən əran Yawe gəm əmas akani.

Əgilye 20:17

Kədawsim gəla na meggok ɓa. Kədawsimit ga meggok ɓa, may balam nan dət balamək nan ɓa, may wasli nan də koro nan ɓa, zəga awandi na meggok pakə.

Əgilye 20:7

Kədawya iya na Yawe, Maŋgəlva nok vi kawa wən ɓa, vi Yawe awla na məwəwən də iya nan ka ɗəf məs man bartata ɓa.

Wənməkkpaŋga 26:16

Mətampəl ula zən məsmaɗɗula day kiyik migil əsən buhul.

Isaya 48:1

Məprəm zəgeɗiŋki, ɗiy na Yakob, mənokum məs adawyukumən də iya na Israyel, mənokum məs kəgulyoŋ səza Yuda na: mənokum məswayaŋ də iya na Yawe gəm də Maŋgəlva na Israyel, ya addəv gegesiŋgi ɓa, addəv təstəsi ɓa.

Yeremiya 22:17

Ya nok horok də mokrok pak aka ərəh noki, gəm aka əggbo' mbel net ɗiy en də mazlibezlibe na meti, aka əsər met ɗiyi gəm aka əɗɗa darawi yi.

Habakuk 2:9

Əray aka ɗəf məndəreh əndəreh mbərayən vi gəla nani, vi kawzaɓ gəla nan a disiŋ vi kawkõh səmmba va ɗəf mbərayən.

Matiye 10:4

Gəm Simoŋ mə Kanan, gəm Yudas Iskariyot, məs dəzəm ki Yesu.

Matiye 26:9

Kəta kawvəlni deleɗ diyɗa kapsit məs seheŋɗe ɓa sa.

Luka 12:15

Yaŋ anah sit ɗiy pakə: Məgəɗ maɗula, məsla zukum səza mãy na əŋgla na arya diyɗa, vi addəv diyɗa na arya dayday zeŋgile ɗəf asan viyit aryeɗ nan ɓa.

Luka 16:8

Daya na məgəɗ wəza narma arya nan nak afetik aka məgəɗ wəza nan matakataka naka, vi agəɗək pepete. Vi ɗiy naka dəlvəŋ petpetiŋ a walaŋ zit dit ɗiy na sayit daykiyit ɗiy na təki babara.

Yohanna 13:2

Aka adawzəmaŋ way də moskoyo, diyabəl aguluk əɗɗum mbərayən a makra Yudas, wətən Simoŋ Iskariyot, vi kawzəm ki Yesu.

Yohanna 6:70

Yesu aɓsit na: Intə nəwelkum kəlaw kikum sula ɓa sa? Ya taka sə walaŋkum Satan iyi.

Wəza net Masləŋɗe 5:2

Andək səzet deleɗ an avəla, ɗak nan pak təsənka, yaŋ aki maddambirgiti, aɗi avet maslənɗe.

2Timote 4:10

Demas appawəka, vi aŋgluwək ənziya an kakaŋka, ambatək a Tesaloniki, Kreskes tamə ambatək a Galat, Titus ambatək a Dalmatiya.

Titus 1:7

Vi aslək məzutaɗa net məkristuɗe dəsangən məza də wən akan ɓa, vi ndəni məzudawgən wəza na Maŋgəlva. Adawsan ɗəf məzukaɓ ɓa, mədəgədəv ɓa, dəppan kiyən sən mbazla ɓa, məŋgəl əgay ɓa, məs mamayã na ərəh net wil ɓa.

1Piyer 5:2

Mətaɗ ngaɓa na Maŋgəlva məs apəl sukum, də əzga sləma akani məza addəv gagay ɓa də əŋgla na mokrokum va Maŋgəlva aŋgələ; məza də mamayã narəh deleɗ ɓa, ya də əppan sən kizukum.

1Samiyel 14:39

Va Yawe məkõhgən Israyel asan madarani, dəsan Yonatan wətu dəraygən daydayə, wamtə.» Səret ɗiy pak ɗəf tay dəzlan sən ɓa.