2Milyeŋge 4:1 - Bible en Guidar

¹ Taka səret gil net məskəleŋɗe təde wəhəm sən Elisa, təmna: «Zəlu gawla nok amtəka, kəsənək gawla nok məgeslne' sən Yawe yi. Yaŋ məzəzban dəmən adek kawnde kirtu sula ka dəssoŋgən belemɗe nani.»

2Milyeŋge 4:1 ပူးပေါင်းရင်းမြစ်များ

Va'Atəŋ 22:12

Yaŋ amna: «Kəppar vok aka wiyin ɓa. Kəgəɗ sən zəga ɓa, vi nəsənək kakaŋ na is tat əgeslne' sən Maŋgəlva adan kətak wətuk karmalay dapsu ɓa.»

1Milyeŋge 18:3

Akab dah iya Obadiya, daya naka gəla na məlyã. Mbara Obadiya, məgeslne' sən Yawe diyɗa yi.

1Milyeŋge 20:35

Ɗəf taka səret məyakaŋ kəleŋ anah sən galan də an Yawe apel na: «Kamə, arguwa!» Yaŋ ɗəf nak aɓoŋ dərgani.

2Milyeŋge 2:15

Kirtit məskəleŋ na Yeriko təm ulanən abeti, yaŋ aɓɗaŋ na: «Əmpəs na Eliya asanək aka Elisa.» Yaŋ azzoŋ kawləm səni, ndəɗaŋ guduk afuŋ abani

2Milyeŋge 2:3

Kirtit məskəleŋɗe viteŋ sə Betel aza Elisa, aɓsənən na: «Kəsənək na, dəpaŋ Yawe waslan daya nok aka makapal dəkoko sa?» Amna: «Naw pak nəsənka; məɓətə!»

2Milyeŋge 2:5

Kirtit məskəleŋ na Yeriko azzoŋguk aza Elisa, aɓsənən na: «Kəsənək na, dəpaŋ Yawe waslan daya nok aka makapal dəkoko sa?» Amna: «Naw pak nəsənka; məɓətə!»

2Milyeŋge 2:7

Kirtit məskəleŋ kaklaw sle' addoŋ aziweŋ abet ɓuhho, ya ndəɗaŋ sula nek tam aziweŋ ama Yurden.

2Milyeŋge 4:38

Elisa, amndan a Gilgal. May agəɗək aka dəlva. Adan məskəleŋɗe tahəŋ gurom gurom abani, anah sən məgəɗ wəza nan na: «Akrək mozgoy metiŋgini, kədə sitgən teɓ sit məskəleŋɗe.»

2Milyeŋge 6:9

ɗəf na Maŋgəlva slən aza məlĩ na Israyel də wənah na: «Asla zuk kədaddok kəla təki nan ɓa, vi mə Aramɗe aprikeŋgik adaka»;

Nehemi 10:31

Mədapsit kirtəm sit ɗiy naka dələv van dəɗiningin ɓa, mədawgəm kirtit sit kirtəm ɓa.

Nehemi 7:2

Yaŋ nəppan an dəwəlsən Yerusalem ammba va məlmu Hanani, gəm Hananiya, daya naddəv gəla net gulomɗe, vi tay va ɗəf an gesiŋ, məgeslne' sən Maŋgəlva daykiyit ɗiy diyɗa.

Gəlyaɗe 103:11

Va disiŋ asan aka dəlvafuŋgu, moggon nan adayək aket məgeslne'eŋ sənəni.

Gəlyaɗe 103:17

Ya moggon na Yawe, farfari, wasan hã faɗə. Tay aket en dədawgeslne'eŋ sənəni, təstəs nan sit kirtit kirtiti yi,

Gəlyaɗe 115:13

wazeɓet məgeslne'eŋ sənən Yawe, ɗiy memeɗeŋɗe dit gugriɗe.

Gəlyaɗe 147:11

Ya Yawe tay ulasahã aket məgeslne'eŋ sənəni, aket məzuganən moggon nani.

Wənməkkpaŋga 22:7

Məsarya dədaska wəlet məssehẽŋɗe; məs dəmən akan tam balam na ɗəf məs dəpsən dəmna.

Məsmaɗula 12:13

Əggrak na əpele: pak aprəmka. Ageslne sən Maŋgəlva gəm aɓe' sən an apeli, vi aski wəza na ɗəf pakə.

Məsmaɗula 8:12

Kəta məs mambray dəɗɗa daraw nan təl səkatə gəm dəzzeken pay nan aka dələv zlaŋgə, nəsənək na, nenek tay viyit ɗiy məgeslne'eŋ sən Maŋgəlva, vi tay əgeslne'eŋ sənəni,

Isaya 50:1

An Yawe anah yaŋka: Ŋgay ɗerewel nawɗak dət mokum məs nəver narban na nəppatəka di? Awaniɓa naway səmmbet məzəzbawən dəmən nəvəlkum sən di? Mula aka mambray məvəlkum. Vi əɓoŋ nokum məppat mokum.

Yeremiya 34:14

dərɓaga əzva buhulu, ɗəf pak dəppaŋgən məlmən mə Ibrid məs dəvəl kiyzən suko gəm dəgəɗ suk wəza əzva sləre, kəppangən dəssangən na kiyən sənok da. Ya efiŋgiɗkum dəprəmwən ɓa, dəpakən sləmet ɓa.

Məsdəlveŋge 25:48

tive tay nawman məlmuk dərɓaga məvələn dayday: taka səmmbet milmiŋgiɗin waɓap əmani;

Malakiya 3:16

Vaski məzəgeslne' sənən Yawe adazgan meŋ a walaŋ ziti. Yas Yawe apak sləman aprəməka. An məɗɗumon tay məverin addəv ɗerewel aban aka wən net ɗiy məgeslne'eŋ sənən Yawe gəm məzəɗɗumon aka iya nani.

Matiye 18:25

Adan ɗəf van tay də zəga nawfaɗ dəmən nan ɓa, daya net aɗi wən nan dəvəlningəni. Ndəni dət ɗak nani gəm kirtin pak kawfaɗ dəmən nani.

Matiye 18:30

Ya aɓoŋko, yaŋ aka əzgan a fərsəna hã an afaɗək dəmən nan pakə.

Matiye 18:35

Vaski yi'e Afu na disiŋ adawgəɗ sukum, an ɗəf sərokum avvuyon mambray an məlmən agəɗ sən də makran taka ɓa.

Wəza net Masləŋɗe 13:26

Milmiŋgiɗwa mənokum zev Abraham gəm munokum maɓɓokum məzugeslne' sənən Maŋgəlva, səmi məslən əpel nawkõhəŋka!

Yakob 2:13

Vi ɗəf məs awla sahã aka ɗəf ɓa, Maŋgəlva pak watawwən akan məza ulasahã akan ɓa, ya an kawla sahã aket ɗiyi, asna nok pak wən armuk na ɓa.

Hənhən 15:4

Naway məs ageslne' suk na ɓa, agagdakan na iya nok ɓa di Daya? Vi istə salala kaka'ə, ɗiy-ɗar pak wazzoŋ əppu' aboko. Vi wətaw wən nok temtem arbəka.

Hənhən 19:5

Ndəni wəla ɗəf ade hã səka mazaŋga na məlyã, yaŋ adawnah na: Məgagdakan Maŋgəlva namə, mənokum məɗɗaŋ wəza nan pakə, mənokum məzugeslne'eŋ sənəni, ɗiy gugriɗ dit memeɗeŋɗe pakə.

Ɗerewel nat Rut 1:3

Yaŋ Elimelek zələt Nawmi amtə; təsatək, ndəta dit kirtət mezeŋgleket sula.

1Samiyel 22:2

Ɗiy en də tatwãha, məs dəmneŋge dit ɗiy en zit dənnek ɓa pak akkalaŋgək azani, asanək ka daya neti, waɗɗaŋ ɗiy gap səkat poɗo.