2Milyeŋge 3:25 - Bible en Guidar

²⁵ Aɓzliwnin walaŋgəleɗe gugriɗe, naway pak azgək gərəm a guli moggoni, aknəhnəni, asukinik heret iŋkile pakə, abilnin wəleŋɗe nawzəm pakə. Abbər gərmeŋge na Kir-Hereset dəppaŋgə, ɗiy en də mabəŋbiŋgeɗ avet azzoŋ əsərŋgəsləŋ abeynini.

2Milyeŋge 3:25 ပူးပေါင်းရင်းမြစ်များ

Va'Atəŋ 26:15

andəktinik vovɗe net iŋkile məs gewleɗ na Abraham afən, aso'oŋ gala asan daran pakə, mə Filistiɗe aknihinik də dələv səɗal səɗalə.

Va'Atəŋ 26:18

Isak aso'etik vovɗe məso'it gala afən asan, məs mə Filistiɗe andəkaŋ dərɓaga əmta na abraham naka. Ayek də iya va afən alvet lahəŋka.

2Samiyel 8:2

Arbə sitik mə Mo'abɗe. Avoŋgitik sliriɓ afuŋ, awɗeketik gbimgbim də helege nawsla zəga, səddəv hoku pak na, ndən bay sula mbək taka madarani. Mə Mo'abɗe akkpaŋgaŋgək ka belemɗe nawfaɗaŋ nzalaka sən Davit.

2Milyeŋge 3:19

Kəzetingin walaŋgəleɗe gugriɗ na korgu, walaŋgəleɗe na sləma pakə, kəbilningin wəleŋɗe məzuwaŋ pakə; kəsukningin heret iŋkile pakə; kəreygitingin gulyeŋge mogget dawndol gərmeŋge addəvti.»

2Milyeŋge 3:24

Ndəɗaŋ pay go'o də dibirgidik net mə Israyelɗe. Mə Israyelɗe asilyoŋ abeyini, ndəni mə Mo'abɗe anzoŋ səbeti; azbetinke, azanənək walaŋgəla na Mo'ab.

2Milyeŋge 3:26

Adan məlĩ na Mo'ab awla əgay adayək kini, andə ɗiy səkat buhul məlawaŋ masalam, karɗiya dəka məlĩ na Edom kəta, ya dəɓapnən ɓa.

2Alabaraɗe Də Mabərkiziti 32:4

Ɗiy akkalaŋgək diyɗa, asuknən met iŋkile baymeti, may lolohõ məzədaw pəɗak dələv pakə, adawnəhaŋ na: «Gabban mbar milyeŋge na Asiri adozzoŋ ərəh iŋkile keslkesl di?»

Isaya 15:1

An məpelin aka Mo'ab. Aka dəfəɗ taka məzan Ar Mo'ab, məzani kakahə. Aka dəfəɗ taka məzan Kir Mo'ab məzani kakahə.

Isaya 16:11

Vini zəga naddəvu pak adawhəm va gəzləŋtendəŋ ammba Mo'ab. Makraw tam əhəm ammba Kir-Heres.

Isaya 16:7

Vini ɗiy na Mo'ab adawhəmaŋ aka ki zit tusso, adawhəmaŋ beymet ammba gəpa məpəpla na megezlembirke məs adaɗɗaŋ a Kir-Heres. Tay ənɗəsaŋgə, mekret assetke.

Yeremiya 48:31

Vini kana, in tat əɓuh maw aka Mo'ab, in tat əŋzla vaŋvəl aka Mo'ab dəwənnani in tat əhəm ammbet ɗiy na Kir-Heres.

Yeremiya 48:36

Vini nədawɓuh maw aka Mo'ab in ənɗes va ɓaɓəlma pozloro, nədawɓuh maw aket ɗiy na Kir-Heres in ənɗes va ɓaɓəlma pozloro, vini ərəh an akkalaŋ pak azə.

Əmsak aka Mahenziŋ 2:9

Yaŋ Yawe aɓsu na: «Kədawrəŋgən Mo'ab ɓa, kədawgay dəndən ɓa; vi zəga tay nədapsuk səka dələv nan ɓa, vi sit kirtin Lot nəpsit Ar ka neti.»

Mətawaŋwəna 9:45

Abimelek hurruɓ əsɓəta nan dəpas əlpa də walaŋgəla-metiŋ, amõh walaŋgəla-metiŋ vani, abey ɗiy naddəvən, aɓzlu walaŋgəla-metiŋ vani, appik bətuw akani.