2Milyeŋge 21:14 - Bible en Guidar

¹⁴ Wanəzget madembirgit ɗiy en nawray nawa; wanəppet avet məzuzelɗe neti, wakkpaŋgaŋ ka zəga nawrəh sə ma əgaya gəm zəga ka slu nampər net məzuzelɗe neti,

2Milyeŋge 21:14 ပူးပေါင်းရင်းမြစ်များ

2Milyeŋge 17:18

Gədəv Yawe adək diyɗa aket mə Israyelɗe; arɓahetik faraɗa sə maharani. Dəpəl an mazlalwã Yuda yi kaka ɓa ɓa.

2Milyeŋge 17:19

Mə Yudeɗ dayday dərmenin wəsəɓɗe na Yawe Maŋgəlva net ɓa'e; azbetinik mahenziŋɗe məs mə Israyelɗe aɗiyaŋgə.

2Milyeŋge 17:20

Yawe azganək mahəlfa na Israyelɗe baymani, arbisitik wili; appetik ammba vet məɗɗaŋ popoho hã gap arɓehet səbani.

2Milyeŋge 17:23

Hã gap Yawe arɓehet səban va anah də met məɗɗaŋ wəza nan məskəleŋɗe. Məketiŋ mə Israyelɗe səka dələv net faraɗa a Asiri hã gap pay dəpaŋka.

2Milyeŋge 19:4

Awsən ɓa, kuzuŋ Yawe Maŋgəlva nok waprəm əpel na daya net məzəlpaŋ na məlĩ pakə, məs məlĩ na Asiri daya nan aslən vi kawran Maŋgəlva madarani. Awsən ɓa, kuzuŋ Yawe Maŋgəlva nok watawwən aka əpel an aprəmə. Akkam ammbet ɗiy en dəppaŋgə.»

2Milyeŋge 21:13

Wanəppar helege na Samari aka Yerusalem, gəm aka daŋgla na Akab. Wanəkəlɓət Yerusalem va adawkəlɓətaŋ həlu na way gəm ɗup əɗupni.

2Milyeŋge 21:15

vi aɗɗaŋgək mbərayən a maharawa, tahəŋ ədan suwən gədəvwa, təŋ səza efiŋgiɗit agilyoŋ sə Eziptə, hã gap pay dəpaŋka.”»

2Milyeŋge 23:27

Yawe amna: «Yuda dayday, wanərɓahan sə maharaw faraɗa, va nərɓahan Israyel, wanəzgan Yerusalem walaŋgəla-metiŋ nəweləŋka, Gəla məs nənah na: Adak iya naw adawsan əŋka.»

2Milyeŋge 24:2

Yawe aslin ngaɓeɗ net mə Kaldiyeɗi, net mə Aramɗe, net mə Mo'abɗe, net mə Ammonɗe, ake aka Yuda vi kawzan va əpel na Yawe anah də met məɗɗaŋ wəza nan məskəleŋɗe.

2Alabaraɗe Də Mabərkiziti 15:2

Ambat ərəh Asa, anah sən na: «Məlĩ Asa, də mənokum ɗiy na Yuda gəm ɗiy na Benyamin, məprəmwã! Pay pak Yawe tay dəndəkum, an mənokum tat dəndən. An kəkayanənka, asna, wappan zən kərəhnəngəni; an kəppanənka, nan pak wappokum tamə.

Gəlyaɗe 37:28

vi Yawe zəga də tiven aŋgələ, awndol ɗiy nan mogget ɓa, tay əget pay pakə, ya mazlãlwẽt məsdarawɗe wazə.

Gəlyaɗe 74:1

Əpel-məmyã'ən na Asafə. Maŋgəlva vimi kəzgam faɗ ədagədəv nok hoɗhoɗ aka gazlaŋ kədawtaɗ di?

Isaya 10:6

Wanəslən aket ɗiy mbəreyit ɗarə. Wanəɗi sən wən dəlgən aket ɗiy en məs gədəvu adawda aketi, vi dəmõhetgini dəɗɗagən popoho aketi, gəm dəndepetgin va adawndapan dələv aka tive.

Yeremiya 12:7

Nəppanək gəla nawa, nəzganək zəganawzəmgəla nawa, nəppanək zəga məs nəŋgəl avet meseŋgiɗni.

Yeremiya 19:7

A təkiyəski nədawraygən an Yuda də Yerusalem aynaŋgə. Wanəzlbe də masalam abet məzuzelɗe neti gəm də vet en məzukayanən zeŋgileti. Wanəpsit kiygəbeyit ka əzəm net biŋgeɗi gəm zəgeɗ nawra.

Yeremiya 23:33

An ɗiyəŋki, məskəleŋ awaniɓa məsdələv attokokunək dawnəh na: Miy zəga miynan nawsla na Yawe di? Asna kəzlan sitgin na: Miyə zəga miynan nawsla mədaykiykum di? Wanəppokum Yawe aɗiymani.

Yeremiya 44:27

In yakəŋ haraw ɗəhərra kawki əray aketi məza moggon ɓa, ɗiy na Yuda dəssoŋ aka dələv na Eziptə pak wagrakaŋ ama masalam, sən mayã hã gap ndəɗaŋ kakahə.

Əɓuhma 1:10

Məzuzel nan atələk van aket zəgeɗ nan en na sləma pakə. Gesiŋ, awlek ɗiy-ɗar ətoŋgoŋ addəv gəlamatuya, məs kəɗi sit wən nan na adaddoŋ addəv əkkal na mahenziŋ nok ɓa naka.

Əɓuhma 1:5

Meseŋgiɗin askanən wəlani, məzuzelɗe nan tahəŋ zit neki. Vi Yawe tay əzəmgən sahã, sən kiɓəɓəl nan dayəŋka. Masan almetik kirtin mezeŋgleket aban ake aka balamə.

Əɓuhma 5:20

Vimi kədazgət kiyəm faɗ di? Kədazgam firik hã faɗ di?

Məsdəlveŋge 26:17

Wanəsil də mənokum məzuzelɗe nokum dəbaykuməngəni; məzuzelkumən wazəmaŋ məlĩ akokum, wakənzoŋ məza mərɓohokumi dayday ɓa.

Amos 5:2

Waŋ ŋgbuɓɓo na Yerusalem təskotko, təsil na əmpa ɓa, Israyel lelew naka, tat ɓulohõ aka dəlvafuŋgu, ɗəf tay nawsilgit ɓa!

Əmsak aka Mahenziŋ 28:25

Yawe waddokok abet məzuzelɗe noko: dəka tive taka kədaddok azeti, wakənzoŋ səbet dəka tiveɗ temtem buhulu. An dəgəɗ akokəŋ wageslnegit milyeŋge naka dələv pakə.

Əmsak aka Mahenziŋ 28:48

wakəgəɗ wəza sit məzuzelɗe nok məs Yawe adawki akoko, may dit meme wazəmguk sahã, wakəssoŋ də wəray na lukutu gəm net zəgeɗ temtem pakə. Waklak suk zuk awloko, gap pay adawzok kakãhə.

Əmsak aka Mahenziŋ 31:17

Makraw wassaw aket pay nani. Wanəppeti, wanəktuh dəɓaw səzeti. Kawzeti; wəray də wəzəmsahã diyɗa warəhe. Wanahaŋ pay nan na: “Vi Maŋgəlva nam tay də mənam ɓaŋki əray ade akaməŋka.”