2Milyeŋge 21:11 - Bible en Guidar

¹¹ «Vi zəgeɗ daryawɗe məs Manase məlĩ na Yuda agəɗiŋki, agəɗək mbərayən day ki an net mə Amorɗe aɗɗaŋ daabəŋ kiyən pakə, atoŋgənək Yuda əɗɗa mambray dit zəgeɗkamaŋgəlva nani,

2Milyeŋge 21:11 ပူးပေါင်းရင်းမြစ်များ

Va'Atəŋ 15:16

Aka sayit kirtuk məpoɗoti, wamndoŋ aŋka, vi mambray net mə Amorɗe dəknah ɓa hã kakaŋka.»

1Milyeŋge 14:16

Wappet mə Israyelɗe, vi Yerobo'am agəɗək mambray gəm atoŋgitik ɗiy na Israyel addəv mambraya.

1Milyeŋge 15:30

aka batam mambray na Yerobo'am, an agəɗ sən kini, də an atoŋgit mə Israyelɗe də wədan sən gədəv Yawe Maŋgəlva na Israyel diyɗa.

1Milyeŋge 16:19

Aka batam mambray an agəɗə, agəɗək zəga daryaw ama hara Yawe, azbanək wədaw na Yerobo'am, azbanək mambray nan də an atoŋgit mə Israyelɗe addəvni.

1Milyeŋge 21:26

Agəɗək zəga daryaw diyɗa sawɓa, də əzbet tuyeŋge va net mə Amorɗe məs Yawe arɓehet səbet mə Israyelɗe.

2Milyeŋge 16:3

Nan agəmək tilit milyeŋge na Israyel, agəɗək zəga daryawə, ndən wətən dayday ɗukɗuk əzlan akoffo kurmbuɗuku, va net ɗiy ɗaɗarɗe məs Yawe amõh dələv səvet sit ɗiy na Israyeləŋka.

2Milyeŋge 21:10

Yaŋ Yawe apel də met gewleɗ nan məskəleŋɗe, amna:

2Milyeŋge 21:16

Ya əmpa na, Manase abeyik ɗiy də mezlibezlibe na met diyɗa sawɓa, mbel net aknəhək walaŋgəla-metiŋ na Yerusalem, mbəksa mambray nan an atoŋgit ɗiy na Yuda wəɗɗa mbərayən a mahara Yawe.

2Milyeŋge 21:2

Agəɗək zəga mbərayən a mahara Yawe, va zəgeɗ daryawɗe net ɗiy-ɗar en məs Yawe arɓehet səbet mə Israyelɗe.

2Milyeŋge 21:20

Agəɗək mbərayən a mahara Yawe, va na Manase afəni.

2Milyeŋge 21:21

Azbanək tive an afən adaw pakə. Agəɗək wəza sit zəgeɗkamaŋgəlva məs afən agəɗ sit wəza, appu' abeti.

2Milyeŋge 21:9

Ya dəprəmnən ɓa, Manase mbo' əzet hã ndəɗaŋ toŋ əɗɗa mambray daykiyit ɗiy en na guw məs Yawe azet səbet mə Israyelɗe neki.

2Milyeŋge 23:24

Əmpa na, Yosiyas azetik məpeleŋ dit məsvefɗe, mulaŋ heligi, terafim gəm zəgeɗkamaŋgəlva dit zəgeɗ daryawɗe naka dələv na Yuda də Yerusalem pakə, vi əpel na mahenziŋ an məverin addəv ɗerewel an məsdələv Hilkiya arah səddəv Gəla na Yawe.

1Alabaraɗe Də Mabərkiziti 1:14

Gəm mə Yebusɗe, mə Amorɗe, mə Girgasɗe,

Yeremiya 15:4

Wanəkkpeŋget mbəreyit a maheret milyeŋge na dələv pakə. Vi Manase wətən Hizkiya məlĩ na Yuda sən an agəɗ a Yerusalem.

Ezekiyel 16:3

Kənahgən na: Vaŋ Daya Yawe anah sən Yerusalem: suweruk də uwa nok pak aka dələv na Kana'ani yi; afuk mə Amori yi, mok tam mə Hitikə.

Ezekiyel 16:45

Wətət mok kənani, ndət məs təzel zələt dit kirtət mezeŋgleketi, məlmit milmiŋgiɗuk muguluŋgit kənan məs dəzelnin zilŋgiɗit dit kirtit mezeŋgleketi. Mokum, mə Hitittə, afukum tam mə Amori yi.

Ezekiyel 18:12

Tay əsər ma məssahã gəm ɗəf məzəmsahã; tay əhãla; amndan zəga an ataf bas aka dəmən nan ɓa; tay əppan kiyzən sit meŋgilveɗi; tay əɗɗa zəga daryawə.

Ezekiyel 5:6

Yaŋ aɓoŋ aket tiveɗnanziya nawa, vi daraw nan adayək kiyit dəlveŋge na guwa; gəm aɓoŋguk aket tiveɗnanziya naw daykiyit dəlveŋge en kiyən tərwəslə vi andolənək an nəɗi naɗɗa temtemi, dədawaŋ aket mahenziŋɗe naw ɓa.