2Milyeŋge 20:3 - Bible en Guidar

³ «Aw! Yawe, kamə aɗɗum na nədawək abok də gegesiŋ gəm makraw taka, gəm nəgəɗək moggon ama horoko.» Hizkiya ahəmək sawɓa.

2Milyeŋge 20:3 ပူးပေါင်းရင်းမြစ်များ

Va'Atəŋ 17:1

Wəzva na Abram agəɗək kaklaw vaytak kiyən vaytak, gala Yawe arban zən aza Abram anah sən na: «Intə Maŋgəlva Məzuɓappak. Adaw abawa, asok təstəs-gərakə.

Va'Atəŋ 5:22

Sə dərɓaga awa Metuselah na, Henok adawək də Maŋgəlva, əzva səkat hoku, awək kirin mezeŋgleket dit muguluŋgiti.

Va'Atəŋ 5:24

Adan Henok adaw də Maŋgəlva, ahhika, vi Maŋgəlva yi dəslani.

Va'Atəŋ 8:1

Maŋgəlva aɗɗumuk aka Nuwe, zəgeɗ memeyẽɗ neŋgil dit en nawra naddəv bəlay azaniŋki; afu'uk səmyã aka dəlvafuŋ, iŋkile atəŋgaŋgək əsõ'õtoŋgu.

1Milyeŋge 11:4

Aza wəgal na Salomoŋ, gil nan akkpaŋganənək makran dəzet meŋgilveɗ meɓɓeti; makran tay aka Yawe Maŋgəlva nan təstəs va makra Davit afən ɓa.

1Milyeŋge 15:14

Də as pak, gəleɗe-nettuyeŋge mərket dəgrakaŋ ɓa hara. Ya na, makra Asa asanək təstəs aka Yawe pay ənziya nan egge pakə.

1Milyeŋge 2:4

Vi Yawe dəknəhgən əpel nan an anah su dawnəh na: “An kirtuk tahəŋ əganən ədaw neti, tahəŋ ədawaŋ abaw təstəs də mekret taka, də zlem zit pakə, uwa nok tay nakkpap dəssa aka mazaŋga na məlĩ na Israyel ɓa.”

1Milyeŋge 3:6

Salomoŋ amna: «Kəgəɗ sənək moggon metiŋgin sən gawla nok Davit, əbba, vi adawək abok gesiŋ gesiŋgi, təstəsə, makran taka də isi, kərban sənək moggon nok metiŋginiŋka, kəpsənək wiyən dəsan aka mazaŋga na məlĩ nan va dəpaŋka.

1Milyeŋge 8:23

yas amna: Yawe, Maŋgəlva na Israyel, a disiŋ may aka dəlvofuŋ Maŋgəlva tay va is narma wənmiyna də wəɗɗa moggon sit belemɗe nok mədawaŋ abok də mekret taka ɓa.

1Milyeŋge 8:61

Mokrokum dəsan aka Yawe Maŋgəlva namə, vi kədawaŋgən va mahenziŋɗe nan aŋglaŋgə, karme wəsəɓɗe nan va kədaɗɗaŋ dəpaŋkəŋka.»

1Milyeŋge 9:4

An is tat ədaw abaw va afuk Davit adaw abaw də makran taka təstəsə, is tat əɗɗa an nənoh suk pakə, an is tat ərma mahenziŋɗe naw dit tiveɗnanziya naw pakə,

2Milyeŋge 20:2

Yas Hizkiya akkpaŋgan haran dəza gəla akkaman Yawe, amna:

2Milyeŋge 20:4

Isaya, dəɓəl əgilyen sə daŋgəla metiŋ ɓa, Yawe apel sən dawnəh na:

2Alabaraɗe Də Mabərkiziti 16:9

Vi hara Yawe tay balbal aka dələv pak kampəsit ɗiy en mekret taka dəndəni. Ya nok kəgəɗək zəga na dərwa. Vi aski kan kədargisl dit wəgayɗe təŋ dəpaŋka.»

Nehemi 13:14

«Aɗɗum akawa Maŋgəlva nawa aka aska! Kədawzan an nəgəɗ də moggon vi gəla na Maŋgəlva naw gəm vi əga nanəŋ ɓa.»

Nehemi 13:22

Yas kan nənah sit mə leviɗe dəddoŋgən əslslay ziti, dəmbataŋgən əge metiveɗ na walaŋgəla-metiŋ, vi ɗiy dəɓe'eŋ sənəngən mahenziŋ na pay naffete. «Aw Maŋgəlva nawa, aɗɗum akawa'e vi as pakəska. Awlu sahə̃, vi memetiŋ na moggon noko!»

Nehemi 13:31

Gəm nəɗiyək wən na əvəl dit seseme də pay nani, may əvəl dit zəgeɗ en dəsɓaŋ daabəŋ. Maŋgəlva nawa, aɗɗum akawa, agəɗ su moggoni!

Nehemi 5:19

«Aɗɗum akaw moggoni Maŋgəlva, sən an nəgəɗ ammbet ɗiyiŋ pakə.»

Ɗerewel na Yob 1:1

Aka dələv na Us na, ɗəf tay adawyaŋ na Yob. Ɗəfi məza heslepe ɓa, təstəsə, məzəgeslne sən Maŋgəlva, mənzan sən mambray yi.

Ɗerewel na Yob 1:8

Yawe anah sən Satan nak na: «Kulak Yob gawla naw sa?» Vi ɗəf tay va ndən aka dəlvafuŋ ɓa, ɗəf məs heslepe tay azan ɓa, təstəs gəm məzugeslne sən Maŋgəlva yi, mənzan sən mambray yi.

Ɗerewel na Yob 16:20

Beyneŋgiɗu tahəŋ əmassaŋ akawa, sən Maŋgəlva nədawhəm səni.

Ɗerewel na Yob 4:6

Geslne na Maŋgəlva nok səza ətaf nok asil ɓa sa? Zəga an kədawga səza təstəs na ədaw noki ɓa sa?

Gəlyaɗe 102:9

Məzuzelɗe naw tahəŋ ərawən pay pakə, məzumasaŋ akaw tay əreygitin ɗiy də iya nawa.

Gəlyaɗe 119:26

Nəboton sukuk tive nawa, kəzlan suwəka, ayeget su əsərəkɗe noko.

Gəlyaɗe 119:49

Aɗɗumon wən kənah sən gawla noko, məs kənah su nawga.

Gəlyaɗe 145:18

Yawe tay go'o azet məzuyanən pakə, məzuyanən an gegesiŋ pakə.

Gəlyaɗe 25:7

Kəɗɗumon mambray naka gawlaw də wəɓoŋ naw ɓa; aɗɗum akaw də mbəlembəle noko, vi moggok kənani Yawe.

Gəlyaɗe 26:1

Səza Davit. Ataw su wən nawa Yawe, vi aka təstəs nədawdawa, sən Yawe nəppan makrawa, nəɓəl na ɓa.

Gəlyaɗe 26:3

Moggon nok tay ama harawa; addəv gesiŋ nok nədawdawa.

Gəlyaɗe 32:2

Ənneki aza ɗəf məs Yawe dəŋɗan heslepe nan ɓa, may maɗɗula naɗɗa vurum tay akan ɓa!

Gəlyaɗe 39:13

Aprəm əkkam nawa Yawe, apak slumok ammba iya naw nabbaha, kəsuk sləmok azet sin naw ɓa, vi va molhõyõ nan anokda, məzgəla nan va afiŋgiɗu pakə.

Gəlyaɗe 6:6

Vi ɗəf tay səret mimtit naɗɗumok ɓa. Naway nawɗi kiyuk sə təki nanziya net ɗiy mimtit di?

Gəlyaɗe 6:7

Nəyək sən ənɗəs nawa. Dəfəɗ pak in tat əlɓan zəga nawvoŋ naw dit sin nawa, sin naw tahəŋ ənzoŋ aka ɓərzləma nawa.

Gəlyaɗe 89:47

Hã ka dewe kədappan əɗam pay pak di Yawe? Mokrok adappan əzluk va offo di?

Gəlyaɗe 89:50

Aŋgay əɗɗa moggon lahəŋkəŋ di Yawe? Kəsway sənək Davit aka gesiŋ nok ɓa sa?

Isaya 38:14

Nəhəmək va papatawkə, nəhəmək va mukuɗuŋguloku. Haraw ayək dawla a disiŋ. Addəv əzəmsahã naw na Yawe, atərwa.

Isaya 63:11

Ndəni ɗiy nan aɗɗumonən an dətoŋ farə, aka Moyis asan dənɗaŋgə: Ngay məs dəkkaɗgit ɗiy nan ki pehe, gəm gazlaŋɗe nan dit məzuteɗeŋɗe net di? Ngay məs dəɗi Zeŋgile salala nan kawsan aweleŋgit ɗiy nan di?

Yeremiya 4:2

an kəswayək na, Yawe madarani addəv gegesiŋ, addəv ətawwəna gəm addəv təstəsə, asna ɗiy-ɗar pak warahaŋ əzaɓ də iya nani gəm wakaɓaŋ addəvən.

Amos 5:4

Vi van Yawe apel sit mə Israyelɗe: «Məkayawa, asna wakəssoŋ madorokum.»

Luka 1:6

Sulegit pak ɗiy təstəsəŋ aba Maŋgəlva. Tahəŋ wəzbanən wən məs Daya aɗiyə gəm mahenziŋ nan pak məza heslepe ɓa.

Yohanna 1:47

Adan Yesu awla Natanayel dazzan azani, apelik akani, amna aŋki mə Israyel an gesiŋ məs tay də muluvuluvu azan ɓa.

2Korintus 1:12

Vi zəga nawkaɓ nam na, ndəni an əɗɗum na makram adarba, məsamək egge, sasak a walaŋkum də moggoni gəm də təstəs na Maŋgəlva məza əziw aka maɗɗula na ɗəf titir abbər aka mbəlembəle na Maŋgəlva ɓa.

Ibriɗe 5:7

Aka Yesu adawsan egge, akkamanək Maŋgəlva nawɓap əkõhgən səma əmta də əɓuhman dayadaya dit sini. Maŋgəlva aprəmək əkkam nani vi aɓe'gənək ki zəni.