2Milyeŋge 20:13 - Bible en Guidar

¹³ Hizkiya annekik də əzza neti. Arban sitik gəla nawzaɓan ərəh nani, təbəz babara, meleŋge, tursanɗe gəm mẽl məs məŋgənən moggoni may gəla nazeɓet gulomɗe nani. Zəga tay təttaka səddəv əzaɓ nan məs Hizkiya dərban sit siŋgil ananda may səka dələv nan ɓa ɓa.

2Milyeŋge 20:13 ပူးပေါင်းရင်းမြစ်များ

1Milyeŋge 10:10

Təpsənək təbəz na meleŋge sən məlĩ gap kilo gabal hoku də səkat sle'i, tursan diyɗa məza əŋɗa nan ɓa gəm gərmeŋge na sləma. Siske na, tursan dəde ɗah əmpa diyɗa gap an məlyaŋgək na Saba təpsən sən Salomoŋ ɓa.

1Milyeŋge 10:15

mbəksa an məbbalaŋɗe na guwa gəm məmanən veti, milyeŋge nammba pay na moskoyo gəm an deyeɗe na kivadələv naka dələv adawkiyaŋgə, nan mənɗani ɓa.

1Milyeŋge 10:2

Tədek a Yerusalem dit ɗiy ammbat diyɗa may dit zlogomeɗi də tursanɗe, təbəz na meleŋge may gərmeŋge na sləma aketi. Adan təde ana Salomoŋ da, tənah sənək wən na makrat pakə.

1Milyeŋge 10:25

Naway pak tay əki əvəl nani: zəgeɗ na təbəz babara, na meleŋge, lukutɗe, gulomɗe, zəgeɗ nawda tursan, pilseŋge, koropilseŋge; vasna təl taka aza əzva pakə.

2Milyeŋge 20:14

Məskəleŋ Isaya ade ərəh məlĩ Hizkiya yas attokon na: «Mi ɗiy vet anahaŋ sukun di? Səŋga azzoŋ di?» Yas Hizkiya azlan na: «Daga səka dələv faraɗa azzoŋgu, Sə Babilon.»

2Milyeŋge 20:15

Isaya amna: «Ya mi awlaŋ addəv gəla nok di?» Hizkiya azlanək na: «Zəga an dəsan anawda pak awlanənka. Zəga tay məs nərban sit səddəv əzaɓ naw ɓa ɓa.»

Gəlyaɗe 62:11

Kədawɗiynən əɗɗum nokum aka ərəh də vurum ɓa, may ərəh nawmõh dəmõh ɓa. An arya nokum tay uwan zəni, kədawɗiynən mokrokum akan ɓa.

Wənməkkpaŋga 23:5

Vi kədawsilgin kiyuk ulan na, tay ɓa. Vi awgilgin perslekeni, ndən əveŋ a disiŋ va gazla.

Məsmaɗula 7:20

Vi ɗəf tay təttaka təstəs aka dəlvafuŋ məzəɗɗa an moggon məs aɗɗa mambray ɓa ɓa.

Isaya 39:2

Hizkiya annekik də əzza neti. Arban sitik gəla nawzaɓan ərəh nani, təbəz babara, meleŋge, tursanɗe gəm mẽl məs məŋgənən moggoni may gəla nazeɓet gulomɗe nani. Zəga tay təttaka səddəv əzaɓ nan məs Hizkiya dərban sit siŋgil ananda may səka dələv nan ɓa ɓa.

Yeremiya 9:22

Vaŋki Yawe anahə: Məs maɗɗula akan adawkaɓ də maɗɗula nan ɓa! Məs gbogboŋ adawkaɓ də gbogboŋ nan ɓa! Məsarya adawkaɓ də arya nan ɓa!