2Milyeŋge 18:8 - Bible en Guidar

⁸ Arbə sitik mə Filistiɗe hã gap a Gaza, met meŋge nan təŋ səzet gəleɗe na ɓeɓele hã dit walaŋgəleɗe na korgu.

2Milyeŋge 18:8 ပူးပေါင်းရင်းမြစ်များ

1Milyeŋge 5:4

Adan ndəni dəzəm məlĩ aka dələv nammba pay na moskoy kəla ma məlpa na Efrat, sə Tifsa gap a Gaza, aket milyeŋge nammba pay na moskoy na Efrat pakgiti. Zazay tay a walaŋgən dit dilveŋge meggeŋgiɗin pakə.

2Milyeŋge 17:9

Mə Israyelɗe aɗɗaŋgək zəga moggoni ɓa aba Yawe Maŋgəlva net də ma haɗamma, arkaŋgək gəleɗe-nettuyeŋge a walaŋgəleɗe net gugriɗ pakə, addəv gəla na ɓeɓele may a walaŋgəleɗe na korgu;

1Alabaraɗe Də Mabərkiziti 4:41

Ɗiy en məŋɗetiski, aka pay na Hizkiya məlĩ na Yuda azzoŋgu, andoletinik gizlirkeɗe net də təki nawɗam net nadaka, azetinik ɗiy sədak kakãh hã gap pay dəpaŋka. Ndəɗaŋ gurom də gəla a gəleti, vi muyã nawtaɗ net gilew net tay adaka.

2Alabaraɗe Də Mabərkiziti 26:10

Siske əmpa arke gəleɗe məɓeyit a kapta-muyã gəm aso' met iŋkile diyɗa, vi tay dit gibekɗe diyɗa a Bagərma gəm a təki məpəlayya. Tay dit məzənseŋ sənən gəm məzəmpaŋ sənən megezlembirkeɗ aket mossorgoɗe gugriɗe gəm aka Karmel, vi aŋgələk wən na inse.

2Alabaraɗe Də Mabərkiziti 28:18

Dəzet mə Filistiɗe, net tam agulnin walaŋgəleɗe gugriɗ na Bagərma gəm na kəla dohoŋ na Yuda; amõhinik Betsemes, Ayalon gəm Gederot, gəm əmpa Soko, Timna, Gimzo dit walaŋgəleɗe en meɗmeɗ na meŋgeveti, assoŋ adak də gəla.

Isaya 14:29

Filisti, kədanneken zuk vi məŋzluni tandaŋ na ɗəf məzərguk ɓa. Vi səza zev dohõ, barway adawgilyeni. Səza barway tamə dohõ an də muhun day əmpa.

Isaya 5:2

Abakanək guli vanə, akdehik gərmeŋge səmmbani; ampək wəlaŋga na megezlembirke, arkək gəla nawga addakən gəm aso'ək təki nawɗot uwa neti. Tay əɗɗum akan na wagəɗ kirtin moggeti, yaŋ awə kirtin məreyti.

Əmsak aka Mahenziŋ 2:23

Mə Avviɗe dəssoŋ a walaŋgəleɗe adak lahəŋka hã gap a Gaza, mə Kaftorɗe dəgilyoŋ sə Kaftor, azetinke, assoŋ a gəleti.

Yosuwa 15:47

Asdod dit walaŋgəleɗe gugriɗe dit memeɗeŋɗe nani, Gaza dit walaŋgəleɗe gugriɗe dit memeɗeŋɗe nani hã gap lolohõ na Eziptə, pehe naddak təki də ban pakə.