2Milyeŋge 18:24 - Bible en Guidar

²⁴ Ya mbambar kədawɓap əgəm gabba taka naret deyeɗe nalpa, ya kəta dəsan məddakən nammbet deyeɗe nalpa na daya naw dayday zlaŋ di? Yas kəɗi əɗɗum nok aka Eziptə vi kawrah mawteɗ net pilseŋge gəm mepeŋgeŋ pilseŋge?

2Milyeŋge 18:24 ပူးပေါင်းရင်းမြစ်များ

Va'Atəŋ 50:9

Məlhãni yi dit mawteɗi, dit pilseŋge'e. Ɗəf titir rimiɗrimiɗ diyɗa.

1Milyeŋge 20:10

Ben-Hadad slən azani, yaŋ amna: «Meŋgilveɗ dəɗɗaŋ suwən an naɗɗa pakə, an burɗuk na Samari waknəh vet məzəlpaŋ naw ɗapɗapə!»

2Milyeŋge 18:21

Yaŋ kəɗiyək əɗɗum nok aka eflere məŋzləwən, ana Eziptə. Ɗəf dədappan zən akan na, wampa, watilik vani. Vaski Farawən məlĩ na Eziptə asan sit ɗiy en dəɗiynən əɗɗum net akan pakə.

2Milyeŋge 18:23

Ya kakaŋ na arəm makra də daya nok məlĩ na Asiri kana, wanəpsuk pilseŋge gabal sula, an wakəɓap ərah ɗiy nawpeŋ aketi!

2Milyeŋge 18:25

Ya as lah na, Məza Yawe dənah su ɓa nəpeŋ wəlpa də təkiyəŋ gəm kawzan sa? Yawe zək nan dənah su na, dok aka dələv vani, azani!»

Isaya 10:8

Vi tay ənah na: deyeɗe net məzəlpaŋ naw va məlyeŋgeŋ ɓa sa?

Isaya 30:1

Yawe aɗiyman na: əray aket kirin məɓoŋti! Minaŋ wən məza dəde səzaw ɓa; minaŋ wənmiyna, məs tay addəv əɗɗum naw ɓa vi kakkalan mambray aka mambraya.

Isaya 31:1

Əray aket ɗiy en məzəddoŋ a Eziptə ammba əbbaha! Tay əɗɗumoŋ aket pilseŋge, aɗiyənək maɗɗulet aket mawteɗ net pilseŋge, vi assoŋ diyɗa, gəm aket məpeŋgeŋ pilseŋge vi tahəŋ də gbogboŋ diyɗa. Awlaŋ aza Maŋgəlva Salala na Israyel ɓa, awkayanən Yawe ɓa.

Isaya 31:3

Mə Eziptiɗ na ɗiyəŋgə, meŋgilveɗiŋgə ɓa; pilseŋge net pilseŋgeŋgə, tahəŋ də əpsa day ki an məsərək ɓa. Daya əppar van kaka na: məzutər waskotu, ɗəf məs adawtər tamə, wazbərə, sulegit pak wagrakaŋgə.

Isaya 36:6

Yaŋ kəɗiyək əɗɗum nok aka eflere məŋzləwən, ana Eziptə. Ɗəf dədappan zən akan na, wampa, watilik vani. Vaski Farawən məlĩ na Eziptə asan sit ɗiy en dəɗiynən əɗɗum net akan pakə.

Isaya 36:9

Ya mbambar kədawɓap ərɓəh taka naret deyeɗe nalpa, ya kəta dəsan məddakən nammbet deyeɗe nalpa na daya naw dayday zlaŋ di? Yas kəɗi əɗɗum nok aka Eziptə vi kawrah mawteɗ net pilseŋge gəm mepeŋgeŋ pilseŋge!

Yeremiya 37:7

Vaŋ Yawe Maŋgəlva na Israyel anahə: «An kədawnəhaŋ sən məlĩ na Yuda məs dəslənkum azaw nassohõw yaŋka: “vanday net məzəlpaŋ na Farawən məs dəgil əbbah sukum tay əmndan aka dələv ananda a Eziptə.”»

Ezekiyel 17:15

Yaŋ aɓoŋ akani, aslən metiveɗ nan a Eziptə, vi dəpsəngən pilseŋge dit məzəlpaŋ diyɗa. Watər wəray sa? Məgəɗ zəga vaskəs wakõh sa? Aggarək ki wənmiyna, akõh na ɓa!

Ezekiyel 17:17

dit məzəlpaŋ diyɗa may ɗiy məkkelit ŋgboŋ Farawən adabbah sən pay nalpa də əkkpot dələv ɗigit may əbor təki naŋgroɓ vanday net ɗiy ɓa.

Ezekiyel 29:6

Ɗiy naka dələv na Eziptə pak wasənnən na, intə Yawe. Vi assoŋguk va mikke na eflere ɗar sit ɗiy na Israyel.

Daniyel 4:22

Karɓuhki sə weleŋgit ɗiyi, wakəsok sap dit zəgeɗ memeyẽɗ nawra; zəga nawzəm nok wasan kevile va net wasliɗe, minɗe waziyaŋ akoko; wakəsok əzva buhul awra, hã an kəsənək na Məsəɗəɗə na, ndəni daya aka məlĩ net ɗiyi, tay əɗi ɗəf məs aŋgəl aka məlyã.

Əmsak aka Mahenziŋ 17:16

Məlĩ nok van adawsan dit pilseŋge gidigidi ɓa, may adawslən ɗiy a Eziptə vi kalbəh pilseŋge diyɗa, adan Yawe anah sukumək na: «Kədamndoŋ dəka tiveŋ əmpa ɓa!»