2Milyeŋge 18:12 - Bible en Guidar

¹² Vi dəprəmnən ma Yawe Maŋgəlva net ɓa, aggaraŋgək ki wənmiyna nani: an Moyis gawla na Yawe aɗi wən nan pak dəprəmnən ɓa, dəɗɗaŋ wəza dəndən ɓa.

2Milyeŋge 18:12 ပူးပေါင်းရင်းမြစ်များ

1Milyeŋge 9:6

An mənokum dit kirtukum kəktuhunək gəɓokum səzawa, kərmenin wəsəɓɗe naw dit mahenziŋɗe naw en nəɗi abokumiŋ ɓa, yaŋ kəddoŋ əɗɗa wəza sit meŋgilveɗ meɓɓet gəm kuppu'oŋ abeti,

2Milyeŋge 21:8

An mə Israyelɗe armanənək an nəɗi sit gəm mahenziŋ məs gawla naw Moyis aɗi sit wən nanəŋka, nəmsak na əppet əmbat slorslor səka dələv məs nipsit efiŋgiɗtiŋ ɓa.»

Nehemi 9:17

Aɓoŋgoŋguk daprəma, dəɗɗumetin zəgeɗ naggət aket məs kəgəɗ dənɗaŋ ɓa, aɓɓəlanən kiyti. Yaŋ aɗiyaŋ məlyã, vi kamndoŋ aka balam addəv əɓoŋ neti. Yaŋ is Maŋgəlva məvvuyon mambraya, məgəɗ mbəlembəle, muwəl-sasãhĩ awdagədəv go' ɓa, məgəɗ moggoni diyɗa.

Gəlyaɗe 107:17

Meɓɓeti, atemeŋ sən mambray nawɓoŋ neti, aka heslepe net atoŋgoŋ addəv tatwãhã.

Gəlyaɗe 78:10

dərmanən wənmiyna na Maŋgəlva ɓa, dəŋgəmaŋ əzban mahenziŋ nan ɓa.

Gəlyaɗe 81:12

Ya ɗiy naw dəprəmnən maw ɓa, Israyel man tay akaw ɓa,

Isaya 1:19

An kətafənka, kəprəmənka, zəga moggon, naka dələv kədawzəmaŋgə.

Yeremiya 3:8

Nulak va nəzgan Israyel məppan Maŋgəlva, va nuɗak dəndən dapsən ɗerewel nawɗaka vi agəɗ polkoyo. Də as pak na Yuda məgəɗ mbərayən məlmən dəgeslne ɓa. Ambatək əɗɗa polkoyo tamə.

Yeremiya 7:23

An nəpel sit dərəŋ na, dəprəməngən mawa, asna wanəsaw Maŋgəlva nokum ya wakəssoŋ ɗiy nawa. Nəɗi sukumuk wən nan kəzbanəngən tive nawa, ka zazay dəsan sukumgəni.

Ezekiyel 11:12

Ya wakəsənnən na, intə Yawe, in məs kəzbetin mahenziŋɗe naw ɓa, kəɗɗaŋ wəza də tivenanziya an nəɗi temtem ɓa, kəɗɗaŋ wəza də tivenanziya en dəlveŋge na guw dətərwəslən kiykum aɗiyaŋgə.»

Daniyel 9:5

Məgəɗək mambray, məgəɗək an dəslə ɓa. Məs mambray gəm məɓoŋgəm mənani, məzban an kəziwgin gəm tivenanziya nok ɓa.

Amos 2:6

An Yawe apel yaŋka: Aka əɓoŋ an Israyel aɓoŋ təl hoku gəm aka əɓoŋ poɗo, nəppan na wən an nəziwgin ɓa: vi avilinik ɗiy en təstəs ammbet koɓeɗi, məzuray tam ka hensek təl ɗəf taka.

Mika 3:4

Vasna wakkamanən Yawe ya azlan sit na ɓa. Pay nani, wakkpaŋgan haran səketi sən wəza mbərayən məs aɗɗaŋgə.

Əŋɗa 12:7

Ya vaski də məgəɗ wəza naw Moyis ɓa, nan ndəni ɗəf na makraw sə nawda gərakə:

Əmsak aka Mahenziŋ 11:28

wəraya, an kəprəmənən an Yawe Maŋgəlva nokum aɗi naɗɗa ɓa, yaŋ kəmzlahaŋ ki tive məs nədawɗi sukum wən nan dəpaŋ kazbet meŋgilveɗ meɓɓet məs kəsinin ɓa.

Əmsak aka Mahenziŋ 31:16

Yawe aɓsən Moyis na: «Nok yaŋ wakəsbet efiŋgiɗuk avovu, ɗiyiŋ waɗɗaŋ polkoyo də wəzbet meŋgilveɗ meɓɓet məs dəssoŋ aka dələv məs adawtoŋgoŋ adakəŋka. Wazgawəni, waŋzluwən wənmiyna nawa məs niynə dənɗaŋ.

Əmsak aka Mahenziŋ 31:17

Makraw wassaw aket pay nani. Wanəppeti, wanəktuh dəɓaw səzeti. Kawzeti; wəray də wəzəmsahã diyɗa warəhe. Wanahaŋ pay nan na: “Vi Maŋgəlva nam tay də mənam ɓaŋki əray ade akaməŋka.”

Əmsak aka Mahenziŋ 34:5

Moyis, gawla na Yawe, amtək aka dələv na Mo'ab adaka, va Yawe aɗiman anahə.

Əmsak aka Mahenziŋ 8:20

Va ɗiy en Yawe azet səbokum, vas kədawzaŋ vi kəprəmnən ma Yawe Maŋgəlva nokum ɓa.

2Tesaloniki 1:8

Də offo nzilimnzilim adazzan əfaɗ sit ɗiy məs dəsənən Maŋgəlva ɓa gəm məs dəzbanən Alabara Nenek na Daya nam Yesu ɓa.

2Timote 2:24

Ya dədah ɗəf məgəɗ wəza na Daya dəgaygən ɓa. Dəsan ɗəf məŋgluwən azet ɗiy pakə, məɓap ərban zəga sit ɗiyi, məɓəs wəna.

Yosuwa 1:1

Dərɓaga əmta na Moyis gawla na Yawe, Yawe van aɓsən Yosuwa wətən Nun məbbaha na Moyis dawnəh na:

1Piyer 2:8

gəm əmpa na: Gərəm nawtaŋgbaygit ɗiyi, milɓe məzləb ɗəfa. Adaŋgbayaŋ na vi dətafən əpel na Maŋgəlva ɓa, aski dədawriti.

1Piyer 4:17

Vi pay agapək məs ətawwən adawtəŋ də gəla na Maŋgəlva. Ya an atəŋgək də mənam na, mbari əgrak net ɗiy məs dətafən Wən Nenek na Maŋgəlva ɓa di?