2Milyeŋge 17:6 - Bible en Guidar

⁶ Aka wəzva mavaytakan na Hose'a aka məlĩ yi, məlĩ na Asiri amõh Samari, ake mə Israyelɗe a Asiri. Azi aka va na Hala, aka va na Gozan, dədaki məlpa Habor adawtoŋgo, gəm a walaŋgəleɗe gugriɗ na Mediya.

2Milyeŋge 17:6 ပူးပေါင်းရင်းမြစ်များ

Va'Atəŋ 10:2

Kirtin Yafet: Gomer, Magog, Maday, Yavan, Tubal, Mesek, gəm Tiras.

1Milyeŋge 8:46

An aɗɗaŋgək mambray azoko, vi ɗəf tay məza aɗɗa mambray ɓa ɓa, ya an kədək gədəv aketi gap kədeppet avet məzuzelɗe neti, gəm ɗiy dəskanən wəlet aketin aka balam aka dələv net məzuzelɗe net faraɗa awaniɓa go'o pakə,

2Milyeŋge 15:29

Aka pay na Peka, məlĩ na Israyel na, Tiglat-Pileser, məlĩ na Asiri, adek əmõh Iyon, Abel-Bet-Ma'aka, Yano'a, Kedes, Hasor, Galad, Galile, gəm dələv na Neftali baymani; asimgit ake a Asiri.

2Milyeŋge 17:23

Hã gap Yawe arɓehet səban va anah də met məɗɗaŋ wəza nan məskəleŋɗe. Məketiŋ mə Israyelɗe səka dələv net faraɗa a Asiri hã gap pay dəpaŋka.

2Milyeŋge 18:34

Ŋgahəŋ meŋgilveɗ na Hamat dit en na Arpat di? Ŋgahəŋ meŋgilveɗ na Sefarwayim, na Hena dit en na Iva di? Akõhgənənək Samari səvaw sa?

2Milyeŋge 19:12

Meŋgilveɗ net ɗiy akohgitinik aka efiŋgiɗu araygənən Gozan, Haran, Resef dit mə Edenɗe dəssoŋ a Telasar iŋ na, meŋgilveɗ net akõhgitinik sa?

2Milyeŋge 21:13

Wanəppar helege na Samari aka Yerusalem, gəm aka daŋgla na Akab. Wanəkəlɓət Yerusalem va adawkəlɓətaŋ həlu na way gəm ɗup əɗupni.

1Alabaraɗe Də Mabərkiziti 5:22

Ɗiy amtaŋgək diyɗa, vi əgay van səza Maŋgəlva ade. Assoŋguk a gəlet hã gap pay nawsimgit gapə.

1Alabaraɗe Də Mabərkiziti 5:26

Yaŋ Maŋgəlva na Israyel, asilgən maɗɗula Pul, məlĩ na Asiri, də maɗɗula Tilgat-Pilneser, məlĩ na Asiri, andek mə Rubenɗe, mə Gadɗe, də pəɗak na mahəlfa na Manase asimgit a Hala, a Habor, a Hara, gəm a ma məlpa metiŋ na Gozan, hã dəpaŋka.

Ezra 6:2

a Ekbatan, walaŋgəla net gulomɗe akki va dələv na Medə, mərəh ɗerewel məktəmən məs məverin addəvən na: Ɗerewel net wənɗe en dətoŋgoŋgu.

Nehemi 9:32

Ya gəgaŋ na, Maŋgəlva namə, Maŋgəlva metiŋ məzuɓapa, məs dədah nawgeslne' səni, məɗi kiyən aka wənmiyna gəm moggoni, kədawgəsan əzəmsahã məs dərəhəm anam dit milyeŋge namə gəm məsdəlveŋge namə may məskəleŋɗe namə, may efiŋgiɗmə gəm ɗiy nok baymet təŋ səza pay net milyeŋge na Asiri hã gap pay dəpaŋkəŋ ɓa.

Isaya 10:9

An dərah walaŋgəla-metiŋ na Kalno na an dərah Karkemisi yi ɓa sa? An nəgəɗ sən Hamat va nəgəɗ sən Arpati yi, may an nəgəɗ sən Samari na va an nəgəɗ sən Damasi ɓa sa?

Isaya 13:17

Wanəsilgit mə Mediɗ aketi, məs asimin təbəz babar ɓa annekeŋ də meleŋge ɓeŋki, Yawe anahə.

Isaya 17:4

Pay dəpaska, gagdak net ɗiy na Yakob waddakə, əkər nan waɓɓəkə.

Isaya 21:2

Maŋgəlva dərbet su zəgeɗ məgeslnegənən ɗəfa: Məzəm ki ɗəf tay əzəmən, məzan zəga tay əzani! Elam apeŋgi! Medə asərŋgəsla! Wanəɓətgən ənɗəs pakə.

Isaya 36:17

də wəga əzza naw əndukum kawkukum aka dələv maɓɓan va zev nokumu, dələv na haykəmari dadabya gəm na mbazla na meketepe, dələv na zəga nawzəma gəm na megezlembirke.

Isaya 36:19

Ngahəŋ meŋgilveɗ na Hamat gəm na Arpat di? Ngahəŋ meŋgilveɗ na Sefarwayim di? Akõhgənənək Samari səmmba vaw sa?

Isaya 37:18

Gesiŋ, Yawe, məlyeŋge na Asiri azetinik ɗiy naka dələv pak də dələv net pakə.

Isaya 8:4

Vi tak wiyən van dəsəngən ənah na əbba awaniɓa əmma na, kawkani arya na Damas gəm ərah səma əgay na Samari sən məlĩ na Asiri.»

Yeremiya 50:17

Israyel na, time məzani ɓooliɗ arɓahnənka. Ɗəf dəmpər daabəŋ na, məlĩ na Asiri yi. Sisske na Nabukodonozor məlĩ na Babilon məs dəŋgrofet slesleŋɗe nani.

Daniyel 5:28

Peres, Uɗaka: Məlĩ nok awɗakka, yas məpsit sit mə Medə gəm mə Persiyeɗe.

Hose'a 1:4

Yawe aɓsən na: «Alvan na Yizrel, vi abe aŋ siɗikke əmpa na, wanəssõhõn wən net mbel na Yizrel a ma gəla na Yehu, wanəbayma əzəm məlĩ sə Israyel.

Hose'a 1:6

Təɗiyək daway əmpa, ndət bok waŋkə, yaŋ aɓsən na: «Alvat na Lo-Ruhama (Məza məŋgluti ɓa), vi nəzban na ulasahã aka Israyel ɓa, nəvvuyon sən na əmpa ɓa.

Hose'a 1:9

Yaŋ amna: «Alvan na Lo-Ammi, va wənəh na: ɗiy nawəŋ ɓa, vi ɗiy naw kənanən ɓa, naw pak nəsaw na sukum ɓa.»

Hose'a 8:8

Məsulupni Israyel: kakaŋ tahəŋ aret ɗiy-ɗar va zəga ɗarə!

Hose'a 9:3

Aɓapaŋ na kassoŋ də gəla aka dələv na Yawe ɓa: Efrayim wamil a Eziptə, a Asiri wazəmaŋ zəga nawmə'a.

Məsdəlveŋge 26:38

wakəmtaŋ a guwa, dələv net məzuzelɗe nokum wazəmkum.

Amos 5:27

Vi aski kan nədawsimgukum balsən Damas, Yawe anahə. Iya nan na: Maŋgəlva Məzuɓappakə.

Amos 7:17

An Yawe anah yaŋka: Guluk nok watəkkpaŋ məpolkoyok a walaŋgəla-metiŋ, kirtuk mezeŋgleket dit muguluŋgit pak waskotoŋ ama masalam. Gulyeŋge nok pak kawɗeketi əslet dəsle də helege. Is sən kiyuk kpak wakəmtə aka dələv net ɗiy dəsənən Maŋgəlva ɓa, ɗiy na Israyel tam kawsimgiti disim səka dələv neti.»

Əmsak aka Mahenziŋ 28:36

Yawe wakuk isi də məlĩ nok pakə, aka dələv net ɗiy meɓɓeti, is dit efiŋgiɗuk kəsinin ɓa, adaka, wakəgəɗ wəza sit meŋgilveɗ meɓɓeti: na wəlaŋga gəm na gərma!

Əmsak aka Mahenziŋ 28:64

Yawe watərayguk a weleŋgit ɗiy-ɗar gboŋgu, adaka wakəgəɗ wəza sit meŋgilveɗ meɓɓeti, is dit efiŋgiɗuk kəsinin ɓa: na wəlaŋga gəm na gərma!

Əmsak aka Mahenziŋ 30:18

in tat ənah sukum dəpaŋka: wakəzaŋ kakãhə, kənziyaŋ na aka dələv məs kədaddoŋ adak dəgar ki Yurden kawmõhən ka nokuməŋ ɓa.