2Milyeŋge 17:16 - Bible en Guidar

¹⁶ Appetinik wəsəɓɗe na Yawe Maŋgəlva neti, avotoŋguk kirit wasliɗe sula; ampaŋgək Astera, appu'oŋguk abet məzəlpaŋ na disiŋ gəm aɗɗaŋ wəza sən Ba'al.

2Milyeŋge 17:16 ပူးပေါင်းရင်းမြစ်များ

1Milyeŋge 12:28

Məlĩ arahək əɗɗum mbərən, avotuk kirit wasliɗe mezeŋgleket na meleŋge sula, yaŋ aɓsit ɗiy na: «Ədda nokum a Yerusaleməŋ məki; meŋgilveɗ nok yeŋ məs dəgilgukun səka dələv na Eziptə Israyel.»

1Milyeŋge 14:15

Yawe warbə sit mə Israyelɗe; wakkereŋ aban va eflere eret iŋkile. Waptiw mə Israyelɗe gbuh gbuh səka dələv moggon an apsit efiŋgiɗtiŋka, watəraygit dəgar ki məlpa, vi ampaŋgək Astera, adan sənən gədəv Yawe.

1Milyeŋge 14:23

Net van zlaŋ arkaŋgək gəleɗe-nettuyeŋge, ampaŋgək serekɗe dit Astereɗ aket mossorgoɗe pakə may ammba wəlaŋga məndufun pakə.

1Milyeŋge 15:13

Ya anat man Ma'aka na, aggbuktək səka Iya na ma-gagdaka, vi təmpək zəga net wil ka Astera, yaŋ Asa abəl zəga net wil naka, aɗi sən offo a lolohõ na Kedron.

1Milyeŋge 16:31

Wəzban təl Yerobo'am wətən Nebat addəv mambray nanəŋ pak gəsi azani, yaŋ ambat agəmət Izabel, wətən Etba'al, məlĩ net mə Sidonɗe ka goni, ndən mbat agəɗ sən wəza sən Ba'al, appu' abani.

1Milyeŋge 16:33

Akab ampək Astera: An adaɗɗa pak nawdan sən gədəv Yawe Maŋgəlva na Israyeli yi, daykiyit milyeŋge en dəssoŋ daabəŋ kiyən pakə.

1Milyeŋge 22:53

Agəɗək mbərayən diyɗa ama hara Yawe, azbanək təl afəni, tələt mani, gəm təl Yerobo'am wətən Nebat, məs dətoŋgit mə Israyelɗe əɗɗa mambraya.

2Milyeŋge 1:2

Akaziya abətək səket ɓeɓeleɗ naddəv gəla nan məzarŋgasla na Samari, argək diyɗa sawɓa. Aslən maslənɗe, yaŋ aɓsit na: Məddoŋ məssõhõn su Ba'al-Zebub, maŋgəlva na Ekron, kawsənən an wanəmbəl səka gbəgba'əŋka.

2Milyeŋge 11:18

Ɗiy naka dələv nan pak addoŋguk addəv gəla na Ba'al, aɓzlunənka, akrepin gəla matuyaɗe gəm zeŋgilet meŋgilveɗ nan tutu', abayən Matan məsdələv na Ba'al, abet gəla matuyaɗe. Yaŋ məsdələv Yoyada aɗi məgaŋ Gəla na Yawe,

2Milyeŋge 16:3

Nan agəmək tilit milyeŋge na Israyel, agəɗək zəga daryawə, ndən wətən dayday ɗukɗuk əzlan akoffo kurmbuɗuku, va net ɗiy ɗaɗarɗe məs Yawe amõh dələv səvet sit ɗiy na Israyeləŋka.

2Milyeŋge 17:10

ampaŋgək serek gəm Astereɗi aket mossorgoɗe məɓeyit pakə, gəm ammba wəlaŋga hirik hirik pakə;

2Milyeŋge 18:6

Asanək də Yawe, dəmzla səmmban ɓa. Armek wəsəɓɗe en Yawe aɗi wən nan sən Moyis.

2Milyeŋge 21:3

Arketik gəleɗe-nettuyeŋge en Hizkiya afən aɓəsl neki. Arkək matuyaɗe sən Ba'al, ampək Astera va Akab məlĩ na Israyel agəɗə. Appu'uk abet məzəlpaŋ na disiŋ baymet agəɗ sit wəza.

Əgilye 32:4

Atafək səveti, azaɓək mbərwək va wət wasli na təbəz məhəsən də mabəl. Aɓɗaŋ na: «Eŋkiŋ meŋgilveɗ nok məs dəgilgukun səka dələv na Eziptə Israyel.»

Əgilye 32:8

Amzlahaŋgək də kakara ləŋ səka tive məs nəɗi sit wən nani, aɗɗaŋgək wət wasli mbərwək na təbəz məhəsən sən kiyti, appu'oŋ sənənka, aɗɗaŋ sənənək matuya, yaŋ aɓɗaŋ na: Israyel, eŋkiŋ meŋgilveɗ noko, məs dəgilgukun səka dələv na Eziptə.

Isaya 2:8

Dələv net aknahək dit meŋgilveɗ en ɗarə, tahəŋ əppu'oŋ aba wəza na veti, aba zəga an va ɗəf agəɗə.

Yeremiya 19:13

Gəleɗe na Yerusalem, gəleɗe net milyeŋge na Yuda wassoŋ mərnokit va Tofet gəm gəleɗe məs azlaŋ tursan sit məzəlpaŋ na disiŋ a təki məs afloŋgun mbazla nawpesl net sit meŋgilveɗ meɓɓet pakə.

Yeremiya 44:17

Vi əpel an dəgil səmam pak mədazba, kawzla tursan sət Ma'ãyək na disiŋ, waməpeslit va məgəɗə, mənamə, efiŋgiɗmə, milyeŋge namə, deyeɗe namə, a walaŋgəleɗe gugriɗ na Yuda gəm aket tiveɗ na Yerusalem. Gala mədaɗɗa zəgeɗiski, mənam tat əba də zəga nawzəma, mənam tat əsam zayə tatwãh tay məwəl ɓa.

Yeremiya 8:2

Kaweɗti ara paya, ara təla gəm gərzleɗ na disiŋ, zəgeɗis pak məs aŋglaŋgəs, məs aɗɗaŋ sitin wəza, məs azbaŋgə, məs askaŋ helik azeti, məs appu'oŋ abeti; net kakkeleti kawndikit ɓa, wakkpaŋgaŋ ka ba'ar aka dəlvafuŋ.

Ezekiyel 23:8

Əku nat sə Eziptə gap aŋ dəndəni, məs adawvoŋgətən səka gore nata, pay adappayanən bidet na goreta, asərəkgətən əku a gizbe.

Məsdəlveŋge 26:1

Kədawzaɓaŋ tuyeɗe ɓa, zəgakamaŋgəlva may serek naɗɗa wəza dənɗaŋ ɓa, kədawɗiyaŋ gərəm məzaɓən nappu' aban ɓa; vi intə Yawe Maŋgəlva nokumə.

Əmsak aka Mahenziŋ 16:21

Kədampa tuya Astera awandi dayday a maŋgava təki nawzaɓ-Maŋgəlva na Yawe Maŋgəlva nok an kədarkaŋgəŋ ɓa.

Əmsak aka Mahenziŋ 4:19

Vi Kədawslan horok a disiŋ, kawla paya, təla, ŋgərzleɗi, dit məzəlpaŋ na disiŋ pakə, kappan zukum tiɓiɓ əppu' abet may kawgəɗ sit wəza ɓa. Eskiski, Yawe Maŋgəlva nok appan sitik ɗiy-ɗar naka dələv pak dəɗɗeningini.