Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2Milyeŋge 17:13 - Bible en Guidar

13 Yawe, akol sit slemet mə Israyelɗe dit mə Yudeɗ də met məskəleŋɗe gəm məzulaŋ pakgit, dawnəh na: «Məmil səka tive nokum mbəraynəŋka, mərme wəsəɓɗe nawa, wəzga'ɗe naw va mahenziŋ an nəɗi sit wən nan sit efiŋgiɗkum, gəm nəgapgən sukum də met məɗɗaŋ wəza naw məskəleŋɗe.»

အခန်းကိုကြည့်ပါ။ ကော်ပီ




2Milyeŋge 17:13
47 ပူးပေါင်းရင်းမြစ်များ  

Əpel na Yawe ade sənək Yehu wətən Hanani, aka wən na Ba'esa, dawnəh na:


Də ma məskəleŋ Yehu wətən Hanani yi, Yawe, apel sən Ba'esa də gəla nan pak aka wən sula: Taka, sən mambray agəɗ sən kiyən ama hara Yawe, adan sən gədəvən də zəga naɗɗa nan səɗek va Yerobo'am agəɗə, masulani, vi aŋgroɓ zev Yerobo'am vanəŋka.


Hã gap Yawe arɓehet səban va anah də met məɗɗaŋ wəza nan məskəleŋɗe. Məketiŋ mə Israyelɗe səka dələv net faraɗa a Asiri hã gap pay dəpaŋka.


Asanək də Yawe, dəmzla səmmban ɓa. Armek wəsəɓɗe en Yawe aɗi wən nan sən Moyis.


Yaŋ Yawe apel də met gewleɗ nan məskəleŋɗe, amna:


Alabara na məlĩ Davit, wətəŋ nan də wəgrak nan pak yeŋ məverit addəv ɗerewel na wəza na Samiyel məzula, na wəza na məskəleŋ Natan gəm na Gad məzula.


an kəɗak vok səza mambray faraɗa, gəm kəɗɗa ka daraw dəsangən eŋgil anokda ɓa,


Tay əkol sləmet vi dəprəməngən əzga nani, anah sitik dəmilyoŋgən səka mambraya.


Məprəma ɗiy nawa, wanəpeli; Israyel, wanəpel akoko, intə Maŋgəlva, Maŋgəlva noko.


Vi nəsəɓsitik efiŋgiɗukum gala nəgilgit səka dələv na Eziptə, hã gap dəpaŋka, nəppan gabba əsəɓ sit dawnəh na: məprəm əpel nawa ɓa.


Kakaŋ na, anah sən ɗəf na Yuda pak dit en na Yerusalem dawnəh na: Vaŋki Yawe anahə: In yakəŋ əki əray akokum, niynanək an nədawgəɗ sukum, ɗəf pak dəmil səka tive nan mbərayən. Məzaɓan ədaw nokum də wəza nokum moggoni.


Təŋ səza əzva kəlaw kiyən hoku na Yosiyas wətən Ammon məlĩ na Yuda hã gap pay dəpaŋka agəɗək əzva kaklaw sula kiyeŋ hoku, nəpel sukumuk əpel an Yawe apel su məza əppan gabban dawpelin ɓa, ya kəprəmən ɓa.


Naw nəmna, dərɓaga aɗɗa as pak na wamil azaw soko. Ya dəmil ɓa. Yuda hinzere məlmən awlaka.


dərɓaga əzva buhulu, ɗəf pak dəppaŋgən məlmən mə Ibrid məs dəvəl kiyzən suko gəm dəgəɗ suk wəza əzva sləre, kəppangən dəssangən na kiyən sənok da. Ya efiŋgiɗkum dəprəmwən ɓa, dəpakən sləmet ɓa.


Nəbew dawslən sukum məskəleŋɗe məɗɗaŋ wəza naw pak azokum ɓa, əslinit dawnəh na: Ɗəf pak dəmil səka tive nan mbərayən, dəzaɓan wəza nan moggoni. Adazbet meŋgilveɗ meɓɓet kawgəɗ sit wəza ɓa. An kətafənka wakəssoŋ də gəla aka dələv məs nəpsukum anokum gəm sit efiŋgiɗkum. Ya kəpakən sləmokum ɓa, kəprəmwən ɓa.


Yawe apelik aka wən nokum mənokum məs dəppaŋ na Yuda, kədaddoŋ a Eziptə ɓa, məsən lewlew na, miziwe nawgay də mənokum nənan dəpaŋka.


Məndol əɓoŋ nokum məs kəɓoŋgoŋ pak səkokum; məkkpaŋgan mokrokum meleketeni, maɗɗula meleketeni; vimi kəŋglaŋ əmta di ɗiy na Israyel?


Ya an kəssak sənək məsdaraw, an dəkkpaŋ səka daraw nan gəm səka tive nan mbərayəŋ ɓa, nan wamtə addəv heslepe nani, nok wakəkõhgən kiyko.


Ya məprəm ma Yawe Maŋgəlva nam ɓa, məɓe'sən mahenziŋ məs apsəm də met məɗɗaŋ wəza nan məskəleŋɗe ɓa.


Addereŋgək səba məzuyeti: sit Ba'alɗe azaɓaŋ sitin maŋgəlva, sit zeŋgilet zəgeɗ azlaŋ sitin tursan.


Intə Yawe Maŋgəlva nok təŋ gala kəsok aka dələv na Eziptə. Wanəmsak əɗiyuk addəvit gizlirkeɗe va aka pay mələmə.


Wanəpel sit məskəleŋɗe, wanuwan ula, gəm də met məskəleŋɗe nədawsla kiyva wəna.


Samari araygənəka, vi aɓoŋguk aka Maŋgəlva nani: kawbeyti ɗiy nan də masalam, kaŋkinti kirtin na met bide, gil nan də daweyɗe kawbekti.


«An is Israyel, is tat əɗɗa polkoyo, na Yuda adaɗɗa ɓa! Kədaddoŋ a Gilgal ɓa, kəpeŋgeŋ a Bet-Awen ɓa, kədaswayaŋ na: Də Yawe madarani ɓa.»


Nəpel sitik mə Yudeɗi dit Gərekɗe pak dəɗiyaŋgən marava aba Maŋgəlva, dətafəngən Daya nam Yesu.


pay əray diyɗa də wəzəmsahã tatwãh arəhe, gəlyas wakkpaŋ abet ka miziwe, vi kirtit azgətaŋ na ɗah dəsɗeken ɓa. Vi nəsənək əɗɗum naket dəpaŋka tak nəɓəl ətoŋgit aka dələv məs nəpsit də əswayəŋ ɓa.»


ya dəpaŋ na nəɗiyik disiŋ də dəlvafuŋ dəkiyaŋ suwəngən wən akokum: Ɓo' way ta' wakəzaŋ də kakara səka dələv kədaggaraŋ ki Yurden kawmõhən ka nokuməŋka, kənziyaŋ na diyɗa adak ɓa: kawzokumi kakãhə.


Kuzuŋ wakəzget ki Yawe Maŋgəlva noko, kazbet meŋgilveɗ meɓɓeti, kawgəɗ sit wəza may kappu' siti, in tat əssak sukum an nazzan akokum dəpaŋka, wakəzaŋ kəkkəɗə.


An kəmzlahaŋgək səka wənmiyna məs Yawe Maŋgəlva nokum aɗi vikum, an kəɓe'eŋ sitinik meŋgilveɗ meɓɓeti, kəppu'oŋguk abeti, ədagədəv na Yawe wasan akokum. Asna wakəzaŋ də kakara səka dələv moggon məs apsukum naka.»


Daya tay əlya də əknahan iynama nan va ɗiy meɓɓet adaɗɗumoŋ ɓa. Ya tay əɓəs sukum vi dəŋgəl ɗiy meɓɓet dəzaŋgən ɓa, kəta ɗiy pak dəgapaŋgən aza əɗi marava.


Nənah sukumək na: intə Yawe, Maŋgəlva nokum, kədaw geslne'eŋ sit meŋgilveɗ net mə Amorɗe məs kəssoŋ aka dələv netiŋ ɓa! Ya kəprəmən maw ɓa.»


Yawe slən sit məskəleŋ məs dənah sit na: Məs Yawe, Maŋgəlva net mə Israyelɗe anah yaŋka: «Intə nəgilgukum sə Eziptə, səddəv gəla net belemɗe.


A Israyel lahəŋ na, an ɗəf man aka əssõhon Maŋgəlva na, ənahaŋ na: «Məde məlgən aza məzula, vi an adawyaŋ məskəleŋ dəpaŋ na, məzula adawyanən lahəŋka.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ