2Milyeŋge 16:3 - Bible en Guidar

³ Nan agəmək tilit milyeŋge na Israyel, agəɗək zəga daryawə, ndən wətən dayday ɗukɗuk əzlan akoffo kurmbuɗuku, va net ɗiy ɗaɗarɗe məs Yawe amõh dələv səvet sit ɗiy na Israyeləŋka.

2Milyeŋge 16:3 ပူးပေါင်းရင်းမြစ်များ

1Milyeŋge 14:24

Məɗɗaŋ polkoyo də zit a matuya tahəŋ addəv dəlva, aɗɗaŋgək zəga narba wil va net ɗiy-ɗar məs Yawe arɓehet səbet mə Israyelɗe naka.

2Milyeŋge 17:16

Appetinik wəsəɓɗe na Yawe Maŋgəlva neti, avotoŋguk kirit wasliɗe sula; ampaŋgək Astera, appu'oŋguk abet məzəlpaŋ na disiŋ gəm aɗɗaŋ wəza sən Ba'al.

2Milyeŋge 17:17

Azletinik kirtit mezeŋgleket dit muguluŋgit akoffo; awlaŋgək heligi, askaŋgək pəɗe. Appanənək zit sən əɗɗa mbərayən a mahara Yawe kawdan sən gədəvni.

2Milyeŋge 17:19

Mə Yudeɗ dayday dərmenin wəsəɓɗe na Yawe Maŋgəlva net ɓa'e; azbetinik mahenziŋɗe məs mə Israyelɗe aɗiyaŋgə.

2Milyeŋge 17:8

Azbetinik mahenziŋɗe net ɗiy-ɗar en məs Yawe arɓehet səbet mə Israyelɗe, dit mahenziŋɗe en milyeŋge na Israyel aɗiyaŋ sən kiyti.

2Milyeŋge 21:11

«Vi zəgeɗ daryawɗe məs Manase məlĩ na Yuda agəɗiŋki, agəɗək mbərayən day ki an net mə Amorɗe aɗɗaŋ daabəŋ kiyən pakə, atoŋgənək Yuda əɗɗa mambray dit zəgeɗkamaŋgəlva nani,

2Milyeŋge 21:2

Agəɗək zəga mbərayən a mahara Yawe, va zəgeɗ daryawɗe net ɗiy-ɗar en məs Yawe arɓehet səbet mə Israyelɗe.

2Milyeŋge 21:6

Azlək wətən akoffo; awələk heligi, agəɗək tetele, awələk məsvefɗe gəm abotonək an əmpəsɗe anahaŋgə. Awanək əɗɗa mbərayən a mahara Yawe vi kawdan sən gədəvən.

2Milyeŋge 21:9

Ya dəprəmnən ɓa, Manase mbo' əzet hã ndəɗaŋ toŋ əɗɗa mambray daykiyit ɗiy en na guw məs Yawe azet səbet mə Israyelɗe neki.

2Milyeŋge 23:10

Arnokonək Tofet na walaŋ na Ben-Hinnom, vi ɗəf adawzla wətən mizilin may muguluŋgut aka iya na Molek ɓa.

2Milyeŋge 8:18

Azbanək təlit milyeŋge na Israyel, va gəla na Akab agəɗə, vi wətən Akab tə guluk nani. Agəɗək zəga mbərayən a mahara Yawe.

2Alabaraɗe Də Mabərkiziti 22:3

Nan pak agəmək ənziya na gəla na Akab, vi man tədawsəɓsən naɗɗa zəga mbərayən;

2Alabaraɗe Də Mabərkiziti 33:2

Yas agəɗ zəga mbərayən ama hara Yawe, zəgeɗ daryawɗe va net ɗiy-ɗar məs Yawe arɓah səbet mə Israyelɗe neki.

2Alabaraɗe Də Mabərkiziti 33:6

Azle kirtin akoffo a walaŋ na Ben-Hinnom; awələk heliki, agəɗək tetele, agəɗək garzlaw, ayək məsvevɗe, apelik ma na zeŋgile. Awanək əɗɗa zəga mbərayən ama hara Yawe vi kawdan sən gədəvən.

Gəlyaɗe 106:35

Aslãhaŋgək dit ɗiy ɗaɗarɗe, ayaganənək zəga naɗɗa neti.

Isaya 57:5

Mənokum tat əvoŋ ammbet wəleŋɗe na matuya ammbet wəleŋɗe məs də vet pakə. Mənokum tat ətaw wəlet kirtukum a lolohẽɗi, a poporit gərmeŋge.

Yeremiya 32:35

Arkaŋgək gəleɗe-nettuyeŋge sən Ba'al a walaŋ na Ben-Hinnom kawzi mbelit kirtit mezeŋgleket də an net muguluŋgit sən Molek. Zəga məs in nəɗi sit wən nan ɓa; əɗɗum nan dəde ɗah a makraw ka kaɗɗa zəga daryawəs kamzlahgən Yuda əɗɗa mambray ɓa.

Ezekiyel 16:21

Kətewik wəlet kirtuwa, ətawən əpsit tuyeŋge.

Ezekiyel 16:47

Tive net kəzbə kaka ɓa, may əɗɗa hoɗoɗok net ɓa, kəraygənək kiyuk daykiyit addəv ədaw nok pakə.

Ezekiyel 20:26

Nərnoketik dit əvəlɗe net məs dədaɗɗa dətawnəngən wəlet tiziɗe net sən tuya; vi nəppetgən əzəmsahã, ka dəsənnəngən na intə Yawe.»

Ezekiyel 20:31

Pay kəkinin əvəlɗe nokum, pay kədawzlenin kirtukum akoffo, zukum kədarnokonən dit meŋgilveɗ nokum pak hã dəpaŋka! Naw wanəppan zu kəssohõwəngən sa mə Israyelɗe? Va nəsaw madarawa. Daya Yawe aɗiymani, nəppan zu kəssohõwəngən ɓa.

Məsdəlveŋge 18:21

Kədapsən wutuk vi kawzlan sən Molek ɓa, kədawraygən iya na Maŋgəlva nok ɓa. Intə Yawe.

Məsdəlveŋge 20:2

«Kənah sitgin mə Israyelɗe na: Ɗəfa, ɗəf sə weleŋgit mə Israyelɗe awaniɓa molhõyõ dəsan a Israyel, an agəmək taka səret kirtin apsən Molek, kawbayni yi: ɗiy naka dəlvəs dəskanəngən dit gərmeŋge;

Mika 6:7

Yawe watef timeŋgiɗ məza anɗaŋ ɓa gəm mẽl diyɗa va məlpa sa? Nəpsən tizi naw ka dəvvuyongən əɓoŋ naw sa? Gəm uwa naddəvu aka mambray naw sa?

Əmsak aka Mahenziŋ 12:31

Kədaɗɗa vas sən Yawe Maŋgəlva nok ɓa; vi zəga daryaw an Yawe azel pakə, anan aɗɗaŋ sit meŋgilveɗ neti, vi tahəŋ əzlennin kirtit mezeŋgleket dit muguluŋgit dayday akoffo sit meŋgilveɗ neti!

Əmsak aka Mahenziŋ 18:10

Ɗəf adawsan məzaɓ-Maŋgəlva də wətəni awaniɓa dət wətəni, məgəɗ tetele, məpel dit məsvevɗe, məgəɗ sekene, may məsgarzlaw sərokum ɓa.