2Milyeŋge 13:7 - Bible en Guidar

⁷ Məzəlpaŋ tahəŋ dəppaŋ sənən Yohakaz, abbər kiyit məpeŋgeŋ pilseŋge kaklaw sle'i, mawteɗ nawgay kəlawə, gəm məzəlpaŋ mədawaŋ də tilit gabal kəlaw ɓa, vi meɓɓet pak məlĩ na Aram azetike: akkpeŋgetik va burɗuk nawndapani.

2Milyeŋge 13:7 ပူးပေါင်းရင်းမြစ်များ

2Samiyel 22:43

Wanətakeɗ va burɗuk na dəlvafuŋ, va ndərɓa naka tive nədaŋkineti, nədapəɗoteti.

1Milyeŋge 20:15

Ndən toŋ əŋɗet məzəlpaŋ en deyeɗe andaŋ səket ki vaɗe neki: tahəŋ səkat sula də kaklaw hoku kiyit sula. Dərɓegeti, ndən toŋ əŋɗet ɗiy pakə, məzəlpaŋ na Israyel pak tahəŋ zel gabal buhulu.

1Milyeŋge 20:27

Məŋɗeti məzəlpaŋ na Israyel, məpsiti zəgeɗ nalpa, ndəɗaŋ mbat kalmaŋgə. Mə Israyelɗe aziynənək dibirgidik net abeti, ŋgbəra' va widik net gilew gəlet sula, mə Aramɗe, net tahəŋ dələv kənəhə.

2Milyeŋge 10:32

Gala dəpaski, Yawe atəŋ ərras dələv na Israyel. Hazayel arbə sit səket meŋgeɗe na Israyel pakə.

2Milyeŋge 13:8

Madembirgit wəzeɗe na Yohakaz, en agəɗə dit zəgeɗ gugriɗ en agəɗ pak məvertiŋ addəv ɗerewel net milyeŋge na Israyel.

2Milyeŋge 8:12

Hazayel amna: «Vimi daya naw adawhəm di?» Elisa azlan sən na: «Vi nəsənək mbərayən an kədawgəɗ sit mə Israyelɗe: wakəzle walaŋgəleɗe na korgu neti, wakəbey kirin gewleɗ net də masalam, wakəŋkin kirtit kirtiti, wakəbek gil net en də daway.»

Gəlyaɗe 18:42

Tahəŋ əhəmaŋ əkay əbbaha, məzəbbah tay ɓa; tahəŋ əhəmaŋ sənən Yawe, dəzlan sit lah ɓa.

Isaya 36:8

Ya kakaŋ na arəm makra də daya nok məlĩ na Asiri kana, wanəpsuk pilseŋge gabal sula, an wakərah ɗiy nawpeŋ aketi.

Isaya 41:2

Naway dəsilgin ɗəf an təstəs sə dəmmba pay nampum aya dəzbangənəŋ di? Məs absin ɗiy ammba vani gəm akkpeŋget milyeŋɗe ammba təlni. Məs masalam nan adakkpeŋget va burɗuku, bəle nan adawtrayet va kevile məs səmyã adawkaŋ di?

Məsdəlveŋge 26:17

Wanəsil də mənokum məzuzelɗe nokum dəbaykuməngəni; məzuzelkumən wazəmaŋ məlĩ akokum, wakənzoŋ məza mərɓohokumi dayday ɓa.

Amos 1:3

An Yawe apel yaŋka: «Aka əɓoŋ an ɗiy na Damas aɓoŋgoŋ ɗayɗayəŋ na, nəppan na wən an nəziwgin ɓa, vi andepetinik ɗiy na Galad də təbəz nawziyan təkiya

Amos 4:10

Nəslənək gəbaymərma akokum va aka tive na Eziptə, nəbeyik gewleɗ nokum də masalam, də əmõh pilseŋge nokum; nəppanək məŋgən dibirgidik nokum əmbat a məŋkənkum. Yawe aɗiymani.

1Samiyel 13:15

Samiyel le' sə Gilgal mbat a Gibeya na Benyamin. Sawlu aŋɗetik ɗiy dəppaŋ azan tahəŋ zel gap səkat sləre.