2Milyeŋge 12:7 - Bible en Guidar

⁷ Ya hã gap wəzva na məlĩ Yo'as kaklaw sula kiyən hoku, məsdəlveŋge nek dəzaɓanən təki dəpɗak temtem naza Gəla nak ɓa.

2Milyeŋge 12:7 ပူးပေါင်းရင်းမြစ်များ

2Milyeŋge 11:4

Wəzva məbuhuloni, Yoyada slən əkeyet deyeɗe naket məgaŋ məlĩ səkat səkatɗe naret mə Kariɗe pak dit en məzənzoŋgu, məkiyit go'o azan addəv Gəla na Yawe. Aziwginək wənmiyna dənɗaŋ gəm aswaygitik addəv Gəla na Yawe, sissiŋ arban sit wətən məlĩ vani.

2Milyeŋge 12:2

Addəv əzva mabuhulon na Yehu aka məlĩ yi Yo'as akkpaŋ məlyã, wəzva kaklaw poɗo azəm məlĩ a Yerusalem. Iya nat man na, Sibiya na Ber-Seba.

2Milyeŋge 12:6

məsdəlveŋge dəndenin ka neti, naway pak səvet ɗiy en asənə, net dəzaɓanən təki dəpɗak naza Gəla a təki asan pakə.»

2Milyeŋge 12:8

Məlĩ Yo'as dah iya məsdələv Yoyada, dit məsdəlveŋge meɓɓeti, aɓsit na: «Vimi kəzaɓanən Gəla dəpɗak nak ɓa di? Təŋ səza dəpaŋka, kədawtafaŋ koɓo səvet masənkeɗ nokum əmpa ɓa, vi sən Gəla dəpɗak kədawɗiynəni.»

1Alabaraɗe Də Mabərkiziti 21:3

Yaŋ Yo'ab amna: «Yawe dəwet ɗiy gba ndit təl səkatə! Vasna, ndəɗaŋ pak na daya naw məlyã, gewleɗ na daya nawəŋ ɓa sa? Vimi daya naw aŋglu əŋɗa net di? Vimi Israyel adawsan də heslepe di?»

2Alabaraɗe Də Mabərkiziti 23:1

Addəv wəzva mabuhulon na, Yoyada ampək ɓəɓəla, andek deyeɗe net məzəlpaŋ səkat pakə, anet may Azariya wətən Yeroham, Ismayel wətən Yohanan, Azariya an wətən Obed, Maseyahu wətən Adaya, Elisafat wətən Zikri, aslerik man dənɗaŋ.

2Alabaraɗe Də Mabərkiziti 24:16

Məndəkni dit milyeŋge a walaŋgəla-metiŋ na Davit, vi agəɗək moggon a Israyel gəm aba Maŋgəlva də gəla nani.

Haggay 1:2

Vaŋki Yawe Məzuɓappak apeli: ɗiyiski tahəŋ ənahaŋ na: Pay narka gəla na Maŋgəlva dəgap tagayɗa ɓa.