2Milyeŋge 11:18 - Bible en Guidar

¹⁸ Ɗiy naka dələv nan pak addoŋguk addəv gəla na Ba'al, aɓzlunənka, akrepin gəla matuyaɗe gəm zeŋgilet meŋgilveɗ nan tutu', abayən Matan məsdələv na Ba'al, abet gəla matuyaɗe. Yaŋ məsdələv Yoyada aɗi məgaŋ Gəla na Yawe,

2Milyeŋge 11:18 ပူးပေါင်းရင်းမြစ်များ

1Milyeŋge 18:40

Eliya aɓsit na: «Mərme məskəleŋɗe na Ba'al! Təttaka, dayday adawkõh ɓa!» Mərmetiŋgə. Eliya akek a lolohõ na Kison, ataw wəlet adaka.

2Milyeŋge 10:21

Yehu aslənək maslənɗe aka dələv na Israyel pakə. Məgdukoŋ sənən Ba'al pak azzoŋko; ɗəf tay dəbew dəde ɓa ɓa. Ndəɗaŋ toŋ addəv gəla na Ba'al, gəla aknahək mbefi.

2Milyeŋge 10:25

Səza aggraknən əɗɗa əvəl nawzla kurmbuɗuku, Yehu anah sit məgaɗe dit mərmaŋ barayɗe na: «Mətoŋ məbeye, təttaka dayday adawkõh ɓa!» Abəletinik də masalam. Dərɓaga andoltin a maksaf, məgaɗe dit mərmaŋ barayɗe, amndoŋ a walaŋgəla-metiŋ, a təki gəla na Ba'al asani;

2Milyeŋge 10:26

yaŋ agilginin serek səddəv gəla na Ba'al, azlanəni.

2Milyeŋge 10:27

Yaŋ akrapnən serek na Ba'al naka, aɓzlunən gəla na Ba'al zəknani, arkaŋ manzləra, tay adak hã pay dəpaŋka.

2Milyeŋge 18:4

Ndən dəzet gəleɗe-nettuyeŋge, dəkrep serekɗe, aɓzlu Astera, aŋzlan dohõ na təbəz pepreŋ məs Moyis agəɗ lahəŋ naka, vi hã gap payəska mə Israyelɗe tahəŋ əzlaŋ sənən tursan: iyanən na Nehustan.

2Milyeŋge 23:10

Arnokonək Tofet na walaŋ na Ben-Hinnom, vi ɗəf adawzla wətən mizilin may muguluŋgut aka iya na Molek ɓa.

2Milyeŋge 23:14

Akrepik serekɗe, abilik Astereɗi gəm məknəh gəlet dit sleŋsleŋɗe net ɗiy.

2Milyeŋge 23:20

Atawək wəlet məsdəlveŋge net gəleɗe-nettuyeŋge dəssoŋ adak dəpas pak aka matuya, azlek sleŋsleŋɗe net ɗiy aketi. Ndən buryok a Yerusalem.

2Alabaraɗe Də Mabərkiziti 21:17

Awakaŋ sənən dələv na Yuda, atoŋgoŋ addəvən; andenin zəgeɗ naddəv gəla na məlĩ baymeti, may gil nan dit kirtin dayday. Wətən tay məmbərsən abbər Yohakaz muzliya naret kirtin ɓa.

2Alabaraɗe Də Mabərkiziti 34:4

Karan abzləwin matuyaɗe net Ba'alɗe gəm moguloɗe nawzla tursan məs dəssoŋ a disiŋ kiyti; abzluwik asterɗi gəm zəgeɗkamaŋgəlva gəm tuyeŋge na təbəz məhisit dəhə̃sə; akrepik biɗbiɗi, atəreyet aket magamasɗe net ɗiy en dəzaɓaŋ sitin Maŋgəlva vani;

2Alabaraɗe Də Mabərkiziti 34:7

abzliwik matuyeɗe, astereɗi gəm zəgeɗkamaŋgəlva, akkpeŋget pesekpeseki, akrep moguloɗe nawzla tursan səka dələv na Israyel baymani, siske amil a Yerusalem.

Əgilye 32:20

Agəmək wət wasli aɗɗaŋ naka, azlak aka offo, atakaɗək takaɗ takaɗə, appukuk aket iŋkile, apsitik mə Israyelɗe asanənka.

Isaya 2:18

Meŋgilvet en ɗar pak wazaŋgə.

Əmsak aka Mahenziŋ 12:2

Kəzetingin təkiɗe temtem an ɗiy kədawmõhən dələv net aɗɗaŋ wəza sit meŋgilveɗ neti, en naket gərmeŋɗe məɓeyti, en naket mossorgoɗe gəm nammbet wəleŋɗe məndufit pakə.

Əmsak aka Mahenziŋ 12:3

Kəɓzliwningin təki nawzaɓ-Maŋgəlva neti, kəkrepingin serekɗe neti; kəzletingin dədəkeɗ na tuya net də offo; kəŋzlugən tuya Astera neti; kəɓzluwingin meŋgilveɗ neti, kəzanəngən iya net sə təki vani.

Əmsak aka Mahenziŋ 13:10

əbay kədawbayən dərəŋgə, is kədawslan vok daabəŋ akan kawbayən, sissiŋ ɗiy pakə.

Əmsak aka Mahenziŋ 13:5

Yawe Maŋgəlva nokum kədazbaŋ kaka'ə, anan kədawgeslne'eŋ sənən kaka'ə, əpel na ənziya an aɗi kədarmaŋgə, man kədaprəmaŋgə, anan kədaɗɗaŋ sənən wəza, azan kədawbaynən zukum.

Əmsak aka Mahenziŋ 13:6

An dəwəlsən məskəleŋ awaniɓa məzula van na, nawbayə yi, vi wən nawɓoŋ aka Yawe Maŋgəlva nokum məs dəgilgukum səka dələv na Eziptə gəm dəbituk səddəv gəla na balam apeli; ɗəfəs man aka əgdahok ɓa' səka tive məs Yawe Maŋgəlva nok aɗi suk nazba. Agilgən mbərayən sə walaŋkum.

Əmsak aka Mahenziŋ 13:9

Kədawtaf wən nan ɓa, kədaprəm man ɓa, kədaɗɗum akan ɓa, kədawla sasãhən ɓa, kədawtərən ɓa'a;