2Milyeŋge 10:30 - Bible en Guidar

³⁰ Yawe anah sən Yehu na: «Vi an kəgəɗəŋ moggoni, təstəs kəɗɗa a maharawa, an na makraw kəgəɗ aka gəla na Akab, kirtuk wassoŋ aka məlĩ na Israyel, gap seyit dihiŋgiɗuk poɗo.»

2Milyeŋge 10:30 ပူးပေါင်းရင်းမြစ်များ

1Milyeŋge 20:42

Məskəleŋ nak anah sən na: «Yawe amna: Adan kəppan ɗəf an məs nətawwən namta akan nəpsuk avok ndən teki, vasna zeŋgiloki a gəla zeŋgileni, ɗiy nok a gəlet ɗiy nani.»

1Milyeŋge 21:22

Wanekkpaŋgan gəla nok va na Yerobo'am, wətən Nebat, gəm va gəla na Ba'esa, wətən Ahiyya, aka wən na mambray kəgəɗəŋka gəm vi kətoŋgit mə Israyelɗe əɗɗa mambraya.»

1Milyeŋge 21:29

«Kulak va Akab ataf mambray nan abaw sa? Adan avoŋgən kiyən abawa, nəki na wəray aka pay nan ɓa; aka pay na wətəni nədawki wəray aka gəla nani.»

2Milyeŋge 10:35

Yehu amtəka, andəknənək a Samari. Yohakaz, wətən dəgəm məlĩ a gəlani.

2Milyeŋge 13:1

Aka əzva na Yo'as, wətən Akaziya aka məlĩ na Yuda makaklaw sula kiyən hoku, Yohakaz, wətən Yehu agəm məlĩ aka Israyel a Samari azəm məlĩ wəzva kəlaw kiyən buhul.

2Milyeŋge 13:10

Aka wəzva makaklaw hoku kiyən buhul na Yo'as aka məlĩ a Yuda, Yo'as, wətən Yohakaz, agəm məlĩ aka Israyel a Samari, azəm məlĩ wəzva, kəlaw kiyən sləre.

2Milyeŋge 14:23

Aka wəzva məkəlaw kiyən sle' na Amatsiya, wətən Yo'as, məlĩ na Yuda, Yerobo'am wətən Yo'as akkpaŋ məlĩ na Israyel a Samari, agəɗ wəzva kaklaw poɗo kiyən taka.

2Milyeŋge 14:29

Yerobo'am zamə, azbetik efiŋgiɗin milyeŋge na Israyel. Zakarya, wətən dəgəm məlĩ a gəlani.

Hose'a 1:4

Yawe aɓsən na: «Alvan na Yizrel, vi abe aŋ siɗikke əmpa na, wanəssõhõn wən net mbel na Yizrel a ma gəla na Yehu, wanəbayma əzəm məlĩ sə Israyel.

Məsdəlveŋge 26:25

Wanəsilgin masalam akokum nampəl ki wənmiyna, wakəkkalaŋ addivit walaŋgəleɗe gugriɗ nokum. Wanəslən gəbaymərma a walaŋkum, kappokumi ava məzuzel nokum.