2Korintus 7:9 - Bible en Guidar

⁹ Ya kakaŋ na, in tat ənneken zuwa, məza vi məssahan sukum zukumi ɓa, vi məssahan sukum zukum kəɗiyaŋ marava yi. Məssahan sukumi zukum va Maŋgəlva aŋgələ, vi kədawrahaŋ zəga nawɓuh mokum akan sə kəlazam ɓa.

Nouveau Testament en Guidar

⁹ Amma kakaŋ na, zu neki. Gesiŋ nəneken na zu də zukum məs kəssahanən ɓa, amma vi wəssahan zukum apsukumək tive na kpaŋgan ədaw nokum. Maŋgəlva aɗɗa əssahan zukum na dəsan gən ka mogon nokum, nam məgəɗ mbrayen azokum ɓa.

Bible en Guidar

⁹ Ya kakaŋ na, in tat ənneken zuwa, məza vi məssahan sukum zukumi ɓa, vi məssahan sukum zukum kəɗiyaŋ marava yi. Məssahan sukumi zukum va Maŋgəlva aŋgələ, vi kədawrahaŋ zəga nawɓuh mokum akan sə kəlazam ɓa.

2Korintus 7:9 ပူးပေါင်းရင်းမြစ်များ

Gəlyaɗe 38:18

Vi go'o nan aza əzbəra, tatwãh naw tay abaw ɗayɗayə.

Məsmaɗula 7:3

Dəɗah makra ɗəf əssan ki əmasa. Vi ki hara ɗəf asan toktok na, makran waɓap əsan neki.

Zakarya 12:10

Wanəknəh zev Davit gəm ɗiy na Yerusalem də əmpəs moggon gəm nakkama. Wawlaŋ azawa, in ɗəf məs ambokoŋ naka. Waɓuhnən met ammban va adawɓuhoŋ ma ammba wiyən karmalay. Waskaŋ morkoyo ammban va adaskaŋ morkoyo ammba uwa maddaabəŋ.

Matiye 3:8

Məgəɗ wəza an narban na kəɗiyaŋgək marava:

Luka 15:10

In tat ənah sukum, vaski ənnek adawsan azet maslayɗe na Maŋgəlva vi məs mambray təttaka dəɗi marava.

Luka 15:32

Aslək məzlərgəni, mənnekgəni, vi məlmukuŋka, amtəka naka ya ambəlka, azəka naka məmndaki ərəhni.

Luka 15:7

In tat ənah sukum, vaski ənnek adawsan a disiŋ vi məs mambray təttaka dəɗi marava dayki an viyit en təstəs kaklaw vaytak kiyit vaytak məs tahəŋ də wəray nawɗi marava ɓa.

Wəza net Masləŋɗe 20:21

Nəpel sitik mə Yudeɗi dit Gərekɗe pak dəɗiyaŋgən marava aba Maŋgəlva, dətafəngən Daya nam Yesu.

2Korintus 1:12

Vi zəga nawkaɓ nam na, ndəni an əɗɗum na makram adarba, məsamək egge, sasak a walaŋkum də moggoni gəm də təstəs na Maŋgəlva məza əziw aka maɗɗula na ɗəf titir abbər aka mbəlembəle na Maŋgəlva ɓa.

2Korintus 2:16

Azet ɗiy meɓɓeti, məŋgən əmta yi vi dəmtaŋgəni, azet ɗiy meɓɓeti, məŋgən zeŋgile yi vi dəssoŋgən medereti. Naway nawɓap əɗɗa zəgas di?

2Korintus 7:8

Vi an nəssahan sukumuk zukum də letər nawa, nəkkpaŋgan na maw ɓa, ya an nəkkpaŋganək mawa, vi in tat ulan na, letərəŋ assahan sukumuk zukum pay siɗikke.