2Korintus 7:11 - Bible en Guidar

¹¹ Mula zəga an əssahan zə ɗəf va Maŋgəlva aŋgəl agəɗ azokum: Va wəza an agəɗ azokum kəsokən zukum, əvvuyon mambraya, zukum tay nek də mbərayən ɓa, geslne, əŋgla vakvakə, kotoroku, əzga'a! Addəv zəga pak mənokum zək nokum kərbanənək na saksak kənanaŋgə.

Nouveau Testament en Guidar

¹¹ Mula an va Maŋgəlva agəɗ sukum də əssahan zukum: Munokum tatəsokən zukum sawɓa, munokum tatə gayaŋ ka kəsoŋ gən salala məza də mambray azokum ɓa. Maɗulokum azlabka, munokum tat də geslne diiɗa, munokum tatəɗumoŋ akawa, munokum tat də əŋgla naɗɗa zəga mogoni, munokum tatəsokən zukum ətaw kita aka mambraya. Də as pak kərbanənək zukum na, salala kənanaŋ aza wənnani.

Bible en Guidar

¹¹ Mula zəga an əssahan zə ɗəf va Maŋgəlva aŋgəl agəɗ azokum: Va wəza an agəɗ azokum kəsokən zukum, əvvuyon mambraya, zukum tay nek də mbərayən ɓa, geslne, əŋgla vakvakə, kotoroku, əzga'a! Addəv zəga pak mənokum zək nokum kərbanənək na saksak kənanaŋgə.

2Korintus 7:11 ပူးပေါင်းရင်းမြစ်များ

Nehemi 13:25

Nəhẽyẽtike, nəɗɗak mefɗeke aketi; hã nərgək ɗiy meɓɓeti, may nəmzohuk muhur kiyti. Nəswaygitik də iya na Maŋgəlva na, kədapsitin kirtukum muguluŋgit sit kirtit ɓa, may əgim kirtit sit kirtukum mezeŋgleket may ka nokum ɓa.

Ɗerewel na Yob 42:6

Vi vaski nəzganək an nəpeli, nəɗiyək marava ndəni nədaputkul aka burɗuk gəm aka moŋglo.

Gəlyaɗe 119:139

Gala məzuseɓɗe naw azgətaŋ ki əpel noko, əŋgla hoɗhoɗ na makraw tay əzluwa.

Gəlyaɗe 130:6

Maw aka Yawe daykiyit məzugaŋ dəŋglaŋ təki ədaŋga, daykiyit məzugaŋ məgaŋ təki ədaŋga.

Gəlyaɗe 145:19

Tay əɗɗa əŋgla net məzugeslne'eŋ sənəni, tay əprəm əhəm neti, tay əkõhgiti.

Gəlyaɗe 2:11

Məgəɗ sən wəza sən Yawe də geslne, mənneken zukum də wikkere;

Gəlyaɗe 35:13

Ya nawa, gala assoŋ gbəgba'a, lukut na sak nədawgulo nəvoŋgənək kiyu əɗɗa meme, əkkam məza arsla ɓa!

Gəlyaɗe 38:9

Nəɓrukko, zu baybay diyɗa, in tat ənɗəs sən birbir na makrawa.

Gəlyaɗe 42:1

Səza daya net məyaŋgəlya. Əpel-məmyã'ən net kirtin Kore.

Gəlyaɗe 69:9

Milmiŋgiɗu dəsənwən ɓa, malaka nan azet kirtit əmma.

Wənməkkpaŋga 14:16

Məsmaɗɗula məzugeslne' sən mambraya, məzəmzlah səni; dərway məzəddan kiyən foŋgo.

Wənməkkpaŋga 28:14

Ɗəɗah na ɗəf məzugeslne pay pak sən əɗɗa mambraya, məs kiɓəɓəla wabət addəv tatwãhã.

Gəlya net Gəlyaɗe 8:6

Abasu va zəga nappan gəlan a mokroko, va zəga nappan gəlan aka voko. Vi əŋgla tay gbogboŋ va əmta; əŋgla guromi va əmta; wəzla nan na offo: offo na Yawe yi.

Isaya 26:8

Gegesiŋ aka tive an ətawwən nok antarə, akoki məɗi əɗɗum namə Yawe. Əya iya noko, əɗɗum akoko, ndəni an ɗəf aŋgələ.

Isaya 66:2

Yawe aɗiymani: Zəgeɗ kədawlaŋgəs pak vaw diɗɗe Intə nəɗɗe An haraw asan aket yeŋki: məssahãy, ɗəf naddəv tatwãha, gəm məzəprəm əpel nawa də əkkersənə.

Daniyel 6:14

Yaŋ agəmən əpel anahaŋ aba məlĩ na, «Daniyel, taka nemmbet məsimgit sə Yuda, dəɗiyuk azan va zəga ɓa məlyã, an mətakən kəɗi vok akan dəɗi azan va zəga ɓa. Tay əkkam təl hoku addəv wəsɓəta.»

Markus 3:5

Yesu abbalanək haran aket na gədəv nawda, makra ɓəɓəl net assanəka. Yaŋ aɓsən sən ɗəf nak na: Appar voko. Apparək vani. Van nak ambəlka.

Yohanna 2:17

Gewleɗ nan aɗɗumonənək məverni na: Əŋgla na gəla nok tay əzlu a makraw va offo.

Wəza net Masləŋɗe 17:16

Aka Pol adawget a Aten, gədəvən adək dawla walaŋgəla-metiŋ van məknəhən dit zəgeɗkamaŋgəlveɗi.

Roma 11:20

Gesiŋ, ya məlotən na, vi dətafaŋ ɓa yi. Noko, mətipuk na, vi kətafi, vi vaski kədawkaɓ ɓa, ageslne' dərəŋgə.

Roma 14:18

Vi ɗəf məs dəgəɗ sən wəza sən Kristu addəv as pak na, tay lew aza Maŋgəlva, ɗiy wannekeŋ dəndəni.

Roma 3:5

Ya an mambray nam tay ərban təstəs na Maŋgəlva, mbar mədawnah di? Maŋgəlva təstəsi ɓa an appanək ədagədəv nan akam sa? Ɗəf ɗəf nədawpele.

1Korintus 12:25

Vi uɗak adawsan addəv gəɓa zə ɗəf ɓa, ya dəssoŋgən də əbbah sən ziti.

1Korintus 5:13

En nappaka na Maŋgəlva yi nawtawwən aketi. Məgilgin məsdaraw səwalaŋkum.

1Korintus 5:2

Yaŋ kədawkaɓaŋgə! Əhəm kədawhəhəmaŋ dərəŋ ka ɗəf məgəɗ zəga vas dəgilgən sərokum ɓa sa?

2Korintus 13:7

Əŋgla nam aba Maŋgəlva na, kədaɗɗaŋ mbərayən ɓa. Məde vi karban təstəs nam ɓa, vi kəɗɗaŋgən moggoni, də məsam məddakəm pakə.

2Korintus 2:6

Vadaysa net ɗiy ahãyãnənək ɗəf vani, məkki.

2Korintus 6:4

Addəv zəga pak mənam tat ərban dərəŋ na, məɗɗaŋ wəza na Maŋgəlva mənan də əɓəs diyɗa addəv tatwãhã, addəv vavyakə, addəv geslne.

2Korintus 7:1

Adan mənam tat də iynama vas na bayneŋgiɗwa, məbbur səm zəm səza ərnok na gəɓa zəm də an na əmpəs pakə, məsok səm zəm əssa salala gərrak addəv geslne na Maŋgəlva.

2Korintus 7:7

Də əgap nani kaka ɓa, də ɓəɓəl məs arah səzokumə'e: aboton səmək əŋgla nokum vakvakə, əhəm nokum, əsok zukum ammbawa, avayək ənnek hã dayə.

2Korintus 7:9

Ya kakaŋ na, in tat ənneken zuwa, məza vi məssahan sukum zukumi ɓa, vi məssahan sukum zukum kəɗiyaŋ marava yi. Məssahan sukumi zukum va Maŋgəlva aŋgələ, vi kədawrahaŋ zəga nawɓuh mokum akan sə kəlazam ɓa.

2Korintus 9:2

Vi nəsənək əŋgla nokum. Nəɗiyək kikum abet ɗiy na Makedoniya dawnah sit na: Ɗiy na Akaya aslanək zit far na dəbyaŋga. Zukum məs kəsokoŋgəŋ afɗahanək vadaysa net ɗiy na Maŋgəlva.

Efesus 4:26

An gədəvkum adəka, kədaɗɗaŋ mambray ɓa, pay adawtəpa aka ədagədəv nokum ɓa.

Efesus 5:11

Kədawsapaŋ aka wəza nara guzliyəŋ awtər ɓaŋ ɓa, məpeset dərəŋgə.

Filipi 2:12

Bayneŋgiɗwa, pay nəsaw anokumda na, munokum tat əprəmən maw pay pakə. Ya adan kakaŋ faraɗa nan də munokum, məprəm mawa. Məɗɗa wəza nawkõh nokum də geslne də wəkkere.

1Tesaloniki 4:6

Ɗəf adawgəɗ sən mbərayən sən məlmən aka wənəs də ətak an dəsan nan ɓa, vi Daya wataw wən aket ɗiy məɗɗaŋ zev mambray vaska, va mənah sukum lahəŋka, yaŋ mənah sukumək əmpa.

1Timote 5:20

Məzəɗɗaŋ mambraya, ahẽyẽt karet ɗiy pakə, vi ɗiy en dəppaŋ dəgeslne'eŋgəni.

2Timote 2:15

Asok zuk ərban zuk aba Maŋgəlva va ɗəf an gərak məgəɗ wəza məs wil adanən ɓa, mətaw tive sarara sən əpel na gegesiŋ.

Titus 3:8

Aŋki əpel an dəslə nawtafa. Nəŋgəl kəziwginigin wənəska, vi ɗiy məs dətafən Maŋgəlva dəsokəngən zit əɗɗa wəzeɗe moggeti, wənəs moggoni, watər wəray azet ɗiyi.

Ibriɗe 4:1

Adan aynan səmək man mətoŋgən addəv əffet nani, məzi səm zəm kana, vi ɗəf təttaka səmmbokum adawbew dawtoŋ ɓa.

Yakob 3:17

Ya maɗɗula an nawsən zəga məs dəde sə disiŋ, nan salalayi. Nan tay əki əssa zay də ɓatɓatə, də bayna, awɗeket ɗiy ɓa, awa tepelke aket ɗiy ɓa.

1Piyer 1:17

Ya an munokum tat iya mətaw wən aka ɗəf va aza wəza nan na əbba, asna mədaw də geslne addəv pay məs kəssoŋ kakaŋkəŋka.

1Piyer 2:2

Məssoŋ va kirin muwet kakaŋka, məŋglu momvo an saksakə, ana əpel na Maŋgəlva, vi kəɓayaŋgən dəndən hã gap aza əkõhõ.

Zuda 1:23

Məkõhgiti, migilgit səddəv offo. Mussoŋ də ulasahã gəm də geslne', məsla zukum, məzel lukut net məs gəɓa zit arnokon daydayə.

Hənhən 3:19

Naw ɗiy məs nəŋgəl pak in tat əhẽyeti, in tat əzga' siti. Asok də əŋgla nan a amkrok kan va offo, aɗimarava.