2Korintus 6:16 - Bible en Guidar

¹⁶ Mi dəsapan Gəla na Maŋgəlva dit zəgeɗkamaŋgəlva di? Vi nam Gəla na Maŋgəlva madaran mənani, va Maŋgəlva anah na: Wanəsaw də gəla a waleŋti, wanəbbal a waleŋti Wanəsaw Maŋgəlva neti, wassoŋ ka ɗiy nawa.

Nouveau Testament en Guidar

¹⁶ Mi də sapan gəla metiŋ na zuli də tuya di? Gesiŋ gəla metiŋ na zuli madaran na Maŋgəlva mənani, vi Maŋgəlva anahək na: Wanəsaw aweleŋti, kawsaw dənɗaŋ. Wanəsaw ka Maŋgəlva neti, net bo wasoŋ ka ɗii nawa.

Bible en Guidar

¹⁶ Mi dəsapan Gəla na Maŋgəlva dit zəgeɗkamaŋgəlva di? Vi nam Gəla na Maŋgəlva madaran mənani, va Maŋgəlva anah na: Wanəsaw də gəla a waleŋti, wanəbbal a waleŋti Wanəsaw Maŋgəlva neti, wassoŋ ka ɗiy nawa.

2Korintus 6:16 ပူးပေါင်းရင်းမြစ်များ

1Milyeŋge 18:21

Eliya zar azet ɗiy dəwənnet go'o, yaŋ amna: «Hã dewe kədappanən ndosndos nokuməŋ di? An Yawe yi Maŋgəlva, məzban anani, ya an Ba'ali yi, məzbani!» Ɗəf tay dəzlan sən wən taka ɓa.

Gəlyaɗe 90:1

Wəkkam na Moyis, ɗəf na Maŋgəlva. Daya, va sayit ɗiy asani kəsokuk təki nassa namə.

Əgilye 20:3

Meŋgilveɗ nok meɓɓet adassoŋ abbəru ɓa.

Əgilye 23:13

«Mərma an məs nənah sukum pak təstəsə: kədawyaŋ iya net meŋgilveɗ meɓɓet ɓa, ɗəf adaprəmən amokum ɓa.»

Əgilye 25:8

Dərkaŋ suwəngən təki nawzaɓ-Maŋgəlva, wanəsaw a weleŋti.

Əgilye 29:45

Wanəsaw də gəla a weleŋgit mə Israyelɗe, wanəsaw ka Maŋgəlva neti.

Əgilye 34:14

Kədappu' sən maŋgəlva maɓɓan ɓa, vi Yawe Maŋgəlva məskotoroki, tay də kotoroku.

Yeremiya 24:7

Wanəpsit maɗɗula dəsənwəngən na intə Yawe. Wassoŋ ɗiy nawa, ya naw wanəsaw Maŋgəlva neti an azzoŋguk azaw də mekret taka.

Yeremiya 31:1

Pay dəpas na, wanəsaw Maŋgəlva net mahəlfaɗe na Israyel pakə, net tamə, wassoŋ ɗiy nawa Yawe aɗiymani.

Yeremiya 31:33

Vi aŋki wənmiyna məs nədawziwgin dit ɗiy na Israyel dərɓaga payəska Yawe aɗiymani: Wanəɗi mahenziŋ addivti, wanəver a mekreti, wanəsaw Maŋgəlva neti, net wassoŋ ɗiy nawa.

Yeremiya 32:38

Wassoŋ ɗiy nawa, naw wanəsaw Maŋgəlva neti.

Ezekiyel 11:20

vi dədawaŋgən va mahenziŋ naw aŋgələ, dərmeningən tivenanziya nawa, dəɗɗaŋgə wəza dənɗaŋgə, dəssoŋgən ɗiy nawa, nəsawgən Maŋgəlva neti.

Ezekiyel 36:25

Wanəggbo' iŋkile salala akokum, wakəssoŋ məbburkum səza heslepe nokum pakə; wanəbburkum səzet zəgeɗmeŋgiveɗ nokum pakə.

Ezekiyel 36:28

Wakəssoŋ də gəla aka dələv nəpsit efiŋgiɗkum, wakəssoŋ ka ɗiy nawa, wanəsaw ka Maŋgəlva nokumu.

Ezekiyel 43:7

Aɓsu na: Wətən ɗəfa, aŋki gəla mazaŋga nawa, təki nawɗi təlwa məs nədawsaw aŋ awaleŋgit mə Israyelɗe faɗə. Mə Israyelɗe arnokonən na iya naw salalaŋ ɗah əmpa ɓa, ndəɗaŋ ɓa, milyeŋge net də əɗɗa polkoyo net ɓa, may də ki gəbeyit milyeŋge net məndəkit addivit gəleɗe-nettuyeŋge net ɓa.

Ezekiyel 43:9

Kakaŋ wazargənən polkoyo net də ki gəbeyit milyeŋge net səzaw faraɗa, wanəsaw aweleŋgit hã faɗə.

Hose'a 14:8

En dəssoŋ də gəla ara zeŋgilen wamndoŋgu, wenseŋ haykəmari, waffiyoŋ va megezlembirke, sləmet wagil va mbazla na Liban.

Hose'a 2:23

Yawe aɗiyman na: aka pay nan na, wanəzlan sən disiŋ aka wəray nani, disiŋ wazlan sən dəlvafuŋ aka wəray nani.

Məsdəlveŋge 26:12

wanəbbal awalaŋkum; wanəsaw Maŋgəlva nokum, wakəssoŋ ɗiy nawa.

Sefanya 1:5

gəm məzəppu'oŋ aka təgbalka abet məzəlpaŋ na disiŋ, gəm məzəppu'oŋ aba Yawe ndəɗaŋ əswayaŋ də iya na maŋgəlva net Melek.

Zakarya 13:9

Wanətoŋgən taka naret hokuŋ dəka offo, wanəhəs va adawhəsaŋ təbəz babara, wanəsla va adawslaŋ meleŋge. Nan waya iya nawa, wanəprəm səni. Wanənah na: «Ɗiy nawəŋgə», net tam wanahaŋ na: «Yawe yi Maŋgəlva nawa.»

Zakarya 8:8

Wanəmilgiti, wassoŋ də gəla a Yerusalem. Wassoŋ ɗiy nawa, wanəsaw Maŋgəlva net də gegesiŋ gəm də təstəsə.

Matiye 16:16

Simoŋ Piyer azlani amna: Kristu Wətən Maŋgəlva madaran kənani

Matiye 6:24

Ɗəf tay naɗɗa wəza viyit ɗiy gugriɗ sula ɓa. An wazel ɗəf aŋka waŋglu andaka yi, awaniɓa wabay zən aza ɗəf aŋka wazelen andaka. Kəɓapaŋ na əgəɗ sən wəza sən Maŋgəlva gəm sən arya ɓa.

Luka 5:36

Yesu anah sitik wənməkkpaŋga əmpa, amna: Ɗəf tay nawŋgar səza lukut meleketen kawɗisən lukut məzvan dəndən ɓa, vasna məŋgarni an meleketeni, ya an məŋgar səza meleketen van asap na də an məzvan ɓa.

Yohanna 14:23

Yesu azlanka, aɓsən na: An ɗəf aŋgluwəka, warma əpel nawa, Əbba waŋgluwa. Waməde azani, waməzaɓ təki nassa nam azani.

Yohanna 6:56

Ɗəf dəzəm gəɓa zuwa, dəsə mbel nawa wasap addəvwa, in addəvni.

Roma 8:11

An Əmpəs na məs dəsilgin Yesu səret ɗiy mimtit tat addəvkum, məs dəsilgin Kristu səret ɗiy mimtit van wapsən zeŋgile sən gəɓa zukum məs namtaŋka'e də Əmpəs nan məs naddəvkum.

Roma 8:9

Ya nokum, addəv əŋgla na gəɓa zukum kənanən ɓa, addəv an na Əmpəs kənanəni, an gesiŋ Əmpəs na Maŋgəlva tay azokum. An ɗəf tay də Əmpəs na Kristu ɓa na, nani ɓa.

Roma 9:26

A təki məs adawnah sitin na: «Ɗiy naw kənanaŋ ɓa!» Adaki adawyenin na: Kirtin Maŋgəlva madarani.

1Korintus 10:21

Kəɓapən na əsa zəga addəvət huloŋ na Daya gəm addəvət huloŋ net tuyeŋge ɓa. Kəɓapən na əzəm way na Daya gəm an net tuyeŋɗe ɓa.

1Korintus 6:19

Awaniɓa kəsənən na gəba zukum gəla na Zeŋgile Salala məs dəsan addəvkumi, məs kərahaŋ səza Maŋgəlva gəm na kiykum kənanən ɓa ɓa sa?

Efesus 2:20

Mərkukumi aka gabba gəla məs məɗiyən dit maslənɗe gəm məskəleŋɗe, Yesu Kristu zək nani gərəm na bezler.

Efesus 2:22

Akani yi'e nokum mərkukum sapə, ka kəssoŋgən təki nassa na Maŋgəlva addəv Əmpəsa.

Efesus 3:17

Vi dəɗigən Kristu a mokrokum də ətafa, ka kəssoŋgən də slalwãkum ɓəlɓəl addəv əŋgla.

Əmsak aka Mahenziŋ 5:7

Meŋgilveɗ nok meɓɓet adassoŋ abbəru ɓa.

1Timote 3:15

Də as pakə, an nəliyək na, kəsəngən va mbar kəssok addəv Gəla na Maŋgəlva di, va ənəh na ɗiy na Maŋgəlva madarani, məs dəsan dədəka gəm gabba gegesiŋ.

2Timote 1:14

Arma zəga moggon məs məppan sukəŋ də əbbah na Zeŋgile Salala məs dəsan a makramə.

Ibriɗe 3:6

Ya Kristu na Wətən Maŋgəlva yi aka gəla nani, mənamtə gəla nan vani, an mənam tat əsok zəm də gegesiŋ gəm məppan ərma ənnek na əga nam ɓa.

Ibriɗe 8:10

Daya amna: Aŋki wənmiyna məs nədayna dit ɗiy na Israyel dərɓeget əvoŋɗeski, Daya anahə wanəpsit mahenziŋɗe nawa, a makreti gəm aka maɗɗulet nədawverti, wanəsaw Maŋgəlva neti, net wassoŋ ɗiy nawa.

Yakob 4:5

Kədaɗɗumoŋ na an məs Əver anah na, ɗar mekeleŋgi ɓa, amna: Maŋgəlva tay də kotorok vi əmpəs məs aɗi a makram dəsangən dəndəni.

1Piyer 2:5

Nokum van kpakə, va gərmeŋge medereti, məssoŋ mərkukum ka gəla nassa na Zeŋgile Salala, ka əsap net məsdəlveŋge salala napsən əzaɓ-Maŋgəlva na əmpəs sən Maŋgəlva məs adawtaf də Yesu Kristu.

1Yohanna 4:12

Ɗəf tay dula Maŋgəlva ɗah ɓa. Ya an mənam tat əŋglu zəmə, asna Maŋgəlva tay addəvmə, əŋgla nan wasan gərrak addəvmə.

1Yohanna 4:15

Ɗəf dənah na Yesu Wətən Maŋgəlva yi, Maŋgəlva tay addəvən, tay addəv Maŋgəlva.

Hənhən 2:1

Aver sən maslay na gəla na Maŋgəlva na Efesus na: Aŋki məs dərme ngərzleɗ buhul aza van dəzəŋ, məs dədadaw a weleŋgit zəgeɗ nawɗi lalamɗe na meleŋge buhul adawpele:

Hənhən 21:3

Nəprəmək wəla ɗəf əzzan səka mazaŋga na məlĩ nak dayadaya adawnəh na: Təki nassa na Maŋgəlva aweleŋgit ɗiy yi! Wasan dənɗaŋgə, wassoŋ ka ɗiy nani, Maŋgəlva wasan Maŋgəlva dəsan dənɗaŋgə.

Hənhən 21:7

Ɗəf məskəwəla pak aski nədapsiti, wanəsaw Maŋgəlva nani, wasan wətuwa.