2Korintus 4:8 - Bible en Guidar

⁸ Məsərni mam va nawsərən pakə, də as zlaŋ məzə ɓa. Məsukuk mamə, ya məsam məza ərəh tive nawgilye ɓa ɓa.

Nouveau Testament en Guidar

⁸ Mərahək tattuwãh na bonoy temtemi amma də as zlaŋ na wənnan dərɓəhəm ɓa. Təl ɓəɓɓay mədaw sam gərəŋ gərəŋgə, amma məppana wənna zəga məs mədawgaŋ ɓa.

Bible en Guidar

⁸ Məsərni mam va nawsərən pakə, də as zlaŋ məzə ɓa. Məsukuk mamə, ya məsam məza ərəh tive nawgilye ɓa ɓa.

2Korintus 4:8 ပူးပေါင်းရင်းမြစ်များ

Gəlyaɗe 129:2

Təl ɓəɓay asərnən maw təŋ səka gawlawa, zəga tay aɓap əɗɗaŋ suwən ɓa.

Gəlyaɗe 37:33

Yawe appan na avet ɓa. Appan na wən ərman aba ətawwən ɓa.

Wənməkkpaŋga 14:26

Addəv geslne sən Yawe na, təki an nassa fendeŋ day yi, təki nawɗam net kirtini.

Wənməkkpaŋga 18:10

Iya na Yawe na, gəla gboloŋgboloŋ məɓayən nawɗam addəvni yi. Ɗəf an təstəs adak adanzan əssan kiyən foŋgo.

Isaya 40:31

Ɗiy en dəɗiyənən əɗɗum net aka Yawe tahəŋ əmsak ərəh gbogboŋgo; Tahəŋ əppar persleket va gazlaɗe. Ənzoŋgu, awyaŋ ɓa. Əddoŋgu, addakaŋ ɓa.

Habakuk 3:17

Vi sokoyo affuy na ɓa, tay nawrəh aket megezlembirkeɗ ɓa, wəza na hereme atərna wəray ɓa, zəgeɗ nawzəm aɗɗaŋ na a guli ɓa, gilew assoŋ na a gazlaŋ ɓa, wasli asan na taka dayday a gibek ɓa.

Yohanna 14:18

Nəppokum na mitiweɗ ɓa, wanəde azokum.

1Korintus 10:13

Wərak məs dərukum pak gala ɗəfi. Maŋgəlva təstəsi appan na tive sən wərak dədaygən kiykum ɓa. Addəv ərak na, wapsukum gbogboŋ nawgilye səddəvən gəm nawɓəsən.

2Korintus 12:10

Vini, nədannek də əddak temtemi, də əra, də vavyakə, də əsərma temtemi gəm əzəmsahã temtem vi wən na Kristu. Vi pay məs nəsaw məddakwa, daski nədawsaw də əɓapa.

2Korintus 6:12

Minan makram sukum ɓa, ya nokum, kinanənək mokrokum sən ki zukum.

2Korintus 6:4

Addəv zəga pak mənam tat ərban dərəŋ na, məɗɗaŋ wəza na Maŋgəlva mənan də əɓəs diyɗa addəv tatwãhã, addəv vavyakə, addəv geslne.

2Korintus 7:5

Vi səza əgap nam a Makedoniya, ɗəf tay dərah əffeten zən ɓa. Məsərni mam də tive temtemi, dəppaka, əgaya; diŋgili, geslne.

Galatiyen 4:20

Nəŋgələk kəta in tat anokum da kakaŋka, nərahgən zev wəlaw nawpel sukum, vi gəreŋ nan aka wən nokum.

1Samiyel 28:15

Samiyel anah sən Sawlu na: «Vimi kəttapaw də wəgilgu di?» Sawlu azlan sən na: «Makraw gbawgbawi diyɗa. Mə Filistiɗe tay ərmaŋ mama azawa, ya Maŋgəlva aktuhuk gəɓan səzawa, dəzlan su də met məskəleŋɗe ɓa, də wissine ɓa'a. Vasna nəyuk na, kədegən ənah su an nədaɗɗay yi.»

1Samiyel 30:6

Mbagən Davit gərəŋ, vi ɗiy apeleŋgik naskan dit gərmeŋge; naway pak gədəvən fiyõfiyõ aka betemit kirtit mezeŋgleket may muguluŋgiti. Vi mbəlembəle na Yawe Maŋgəlva nani, Davit asokuk zəni.

1Samiyel 31:4

Sawlu anah sən məndə gulom nan na: «Aptu masalam noko, ambokwa, vi ganyẽɗiŋ adazzoŋ əmbokwən kawmasaŋ akaw ɓa.» Məndə gulom nan nak dəŋgəm ɓa, vi geslne armak diyɗa. Yaŋ Sawlu agəm masalam nan askot akani.