2Korintus 4:6 - Bible en Guidar

⁶ Maŋgəlva məs dənah na: Əkeɗeɗe wawiɗ ara guzliyo, ndəni dəwiɗ a makramə. Vi kawiɗgən əsən na gagdak na Maŋgəlva aka məɗahara Yesu Kristu.

Nouveau Testament en Guidar

⁶ Daga far laŋka, Maŋgəlva anahək na: Say təki babar dəkasak ara guzliyo. Maŋgəlva vani, ndəni dəppan təki babar nan əkasak amakramə. Vi məsən gən gakdak na Maŋgəlva məs darban təki babar aka Krestu.

Bible en Guidar

⁶ Maŋgəlva məs dənah na: Əkeɗeɗe wawiɗ ara guzliyo, ndəni dəwiɗ a makramə. Vi kawiɗgən əsən na gagdak na Maŋgəlva aka məɗahara Yesu Kristu.

2Korintus 4:6 ပူးပေါင်းရင်းမြစ်များ

Va'Atəŋ 1:3

yaŋ Maŋgəlva amna: «əkeɗeɗe dəkekeɓe'i!» əkeɗeɗe akekeɓe'ke.

Gəlyaɗe 63:2

Maŋgəlva, Maŋgəlva naw kənani, in tat əkayoko, maw təpa' təpa'ə. Megenegenew hoɗhoɗi yi ammboko, aka dələv mukuro, məklakan ŋgbãyŋgbãy məza iŋkile ɓa.

Gəlyaɗe 74:16

Kapay noki yi, dəfəɗ pak noki yi'e: istə kəɗi təla də pay a gəleti;

Gəlyaɗe 90:16

Kəta gewleɗ nok dulanən wəza noko, kirtit tam dulanəngən gagdak noko!

Isaya 35:2

Uffuyõ adaffuyõ! Dəsan addəv ənnek kpakə, gəm addəv gəlya na ənneke! Gagdak na mossorgo na Liban wasan səni məpsəni yi lelew na mossorgo Karmel gəm na təki məpəlayya na Saron. Naway pak wawla gagdak na Yawe, memetiŋ na Maŋgəlva namə.

Isaya 40:5

Asna, gagdak na Yawe warbə, ɗiy pak wawlanən na, Yawe apelke.»

Isaya 45:7

Nəzəməɗək əkeɗeɗe'e, nəɗɗak guzliyo. Nəɗɗak zazaya, nəɗɗak tatwãha'e. Naw intə Yawe, məzəɗɗe zəgeɗis pakə.

Isaya 60:2

Guzli asərətək dələv pakə, guzli tiŋgbimzlim tay əgul ɗiyi. Ya akok na, Yawe arbəka gagdak nan tay ula akoko.

Luka 10:22

Zəga pak Ebba apsuka. Ɗəf tay dəsən Wətən an Afəni ɓa ɓa, ɗəf tay dəsən Afən an Wətəni ɓa ɓa, gəm ɗəf an Wətən aŋgəl narban səni.

Yohanna 1:14

Əpel nak akkpaŋgək ɗəf də gəɓa zəni, asanək də gəla a walaŋgəmə. Mulak gagdak nani, gagdak va na Karmalay dəknah də mbəlembəle gəm də gegesiŋ arah səza Afəni.

Yohanna 11:40

Yesu aɓsət na: Nənah suk na, an kətafka, a kula gagdak na Maŋgəlva ɓa sa?

Yohanna 12:41

Isaya aneh zəgeɗis na: Vi awlak gagdak nani, apelik akani.

Wəza net Masləŋɗe 26:18

Vi kawkol sit hereti, kakkpeŋget səra guzli ara əkeɗeɗe'e, gəm səddəv gagdak na Satan aza Maŋgəlva, vi dərahaŋgən əvvu net mambrayɗe, gəm dərahaŋgən haran net a walaŋgit ɗiy salala də ətafwa.

1Korintus 12:8

Sən ɗəf maɓɓani, Əmpəs əpsən dəpelgən də maɗɗula, sən ɗəf maɓɓani, Əmpəs van əpsən dəpelgən də əsəna.

2Korintus 2:10

An kəvvuyon sənənək ɗəfa, asna wanəvvuyon səni. An nəvvuyon sənək ɗəf aka an agəɗ pak na, vi wən nokumi, aba Kristu,

2Korintus 3:18

Mənam pak, məs mətor məsərətkiya səka haramə, gagdak na Daya tay ərba azam va asani. Məkkpaŋgək gagdak vanəs gagdak aka gagdaka; aski wəza na Daya, dəsan Əmpəsa.

2Korintus 4:4

viyit en məs tahəŋ də ətaf ɓa, məs maŋgəlva negge atip maɗɗuleti, awlanən alabara nenek na gagdak Kristu dəsan Maŋgəlva səɗek əwiɗ ɓa.

Efesus 1:17

Kəta Maŋgəlva na Daya nam Yesu Kristu, Afən gagdak dəpsukumgən əɗɗum na maɗɗula gəm na ərba kəsənəngən gərakə.

Efesus 1:18

Dəkekeɓe hara mokrokum vi kəsənəngən va an nawga dəde səza iya nan asani, va arya na gagdak na əzəmgəla asan a walaŋgit ɗiy salala.

Efesus 5:8

Vi lahəŋka ara guzli kənanaŋgə, ya kakaŋ na ara əkeɗeɗe kənanaŋ addəv Daya, mədaw va ɗiy nara əkeɗeɗe'e.

Filipi 2:6

Nan va Maŋgəlva yi asani, ya də as pak dula zən nawsla ki zən də Maŋgəlva ɓa.

Kolosi 1:15

Agilik səɗek va Maŋgəlva məs awlanən ɓa, maddaabəŋ na an məzəməɗən pakə;

1Tesaloniki 2:12

Məpel sukumko, məsɓokumko, məziwgukumko vi kədawaŋgən va an dəslə də Maŋgəlva məs dəyukum aka məlĩ nan də gagdak nani.

Ibriɗe 1:3

Ndəni əkeɗeɗe na gagdaka, agilik va Maŋgəlva səɗeki, tay ərma dələv də əɓap na wəpel nani. Sə dərɓaga abbur mambraya, asanək a disiŋ aka dəzəŋ na məlĩ Maŋgəlva.

Ibriɗe 6:4

Vi tuwahĩ azet ɗiy dərahaŋ ɗah əkeɗeɗe'e, dənanən əvəl na disiŋ gəm dərahaŋ Zeŋgile Salala,

1Piyer 1:12

Maŋgəlva arban sitik na, wənəs sit aneti ɓa, sukumi. Məɗɗaŋ wəza na wənəskəŋ məs kakaŋ mərban sukum də met ɗiy en dəki sukumən Alabara Neneke də gagdak na Zeŋgile Salala məs məslənən sə disiŋ. Maslayɗe dayday aŋglaŋ dəsənnəngən wən vanəŋka.

1Piyer 2:9

Ya nokum, mahəlfa an muwelin kənanaŋgə, məsdəlveŋge na məlyã, kirtindələv en salala, ɗiy məs Maŋgəlva abit kənanaŋgə, vi kərbanəngən wəza gagdak na məs dəyukum səra guzli ara əkeɗeɗe nani.

2Piyer 1:19

Ya məziwik ɓəlɓəl aka əpel net məskəleŋɗe. Moggon kədaɗɗaŋ də əzga sləma akani, vi tay va lalam məzukasak a təki məs guzli asan hã gap aza ədaŋ təkiya gəm baŋgay naba pummo dəkasakgən a makrokum.