2Korintus 4:10 - Bible en Guidar

¹⁰ Pay pak mənam tat də əmta na Yesu addəv gəɓa zəmə, vi zeŋgile Yesu dərbəgən addəv gəɓa zəm təmə.

Nouveau Testament en Guidar

¹⁰ Pay pak mənam tatənan əmta na Krestu adəv gəɓa zəmə, vi zeŋgillen dərban gən zən adəv gəɓa zəmə.

Bible en Guidar

¹⁰ Pay pak mənam tat də əmta na Yesu addəv gəɓa zəmə, vi zeŋgile Yesu dərbəgən addəv gəɓa zəm təmə.

2Korintus 4:10 ပူးပေါင်းရင်းမြစ်များ

Yohanna 14:19

Abe aŋ siɗikke, dələv awlu na əmpa ɓa, ya nokum wakuluwəni. Vi naw madaraw nani, nokum pak wakəssoŋ modorokum.

Roma 6:5

Vi an məsapək dəndən addəv əmta məs dəgil va nani, asna waməsil səka əmta va nani.

Roma 6:8

Ya an məmtək də Kristu, mətafək na, waməsam madaram dəndəni.

Roma 8:36

Va məverin na: Aka wən noki adawbaymən ɗayɗayə, tay uləmən va timeŋgiɗ nawtaw wəleti.

2Korintus 1:5

Va əzəm sahã na Kristu asan diyɗa ammbamə, vaski yi'e əsəɓ nam asan diyɗa səza Kristu.

2Korintus 1:9

Mənam sən kiyəm məttəmanək na mətawni wən nawbaymə, agəɗ vas na, vi mədawɗi əɗɗum nam aka zəm abbər aka Maŋgəlva məs nawsilgit ɗiy məmtit ɓa.

2Korintus 13:4

Gesiŋ məkkpani aka məzliwrihe aka məddakən. Ya kakaŋ na madarani də əɓap na Maŋgəlva. Gesiŋ nam pak məddakəm mənan addəv əsap nam dəndəni. Ya waməsam madaram dəndən də əɓap na Maŋgəlva azamə.

2Korintus 4:11

Vi mənam madaram məppami ama əmta pay pak vi wən na Yesu, vi zeŋgile Yesu dərbəgən addəv gəɓa zəm məs namta.

Galatiyen 6:17

Təŋ kakaŋka, ɗəf adawki maw ɓa, vi naw, in tat dit voɗokeɗ na Yesu aka gəɓa zuwa.

Kolosi 1:24

Kakaŋ in tat ənnek addəv tatwãh naw vikum, in tat əknahan tatwãh na Kristu an dəpəl addəv gəɓa zuwa ammba gəɓa zəni, ana əsap net məzutafaŋgə,

2Timote 2:11

Əpeləŋ aslək nawtafa: An məmtək dəndəni waməsam madaram dəndəni;

1Piyer 4:13

Ya mənneken zukum, vi kəsapaŋgək də Kristu addəv wəzəmsahã nani, kərəhaŋgən wənneken zukum, pay adarban zən də gagdak nani.

1Piyer 4:14

Va məzəmgukum sãhã aka wən na Kristu pak mənneken zukum vi Əmpəs na Maŋgəlva məs də gagdak tay akokum.

Hənhən 1:17

Səza nula vaska, nəzbərək ammba tələn afuŋ va məmtuwa. Yaŋ aɗi van dəzəŋ akawa amna: Kəgeslne' ɓa. Intə wətəŋ na zəga, Intə əgrak nani.