2Korintus 4:1 - Bible en Guidar

¹ Sən aski, adan də ulasahã nan mərah wəzaska, makram amtə na ɓa.

Nouveau Testament en Guidar

¹ Maŋgəlva awlak səsahmə, apanək wəzaŋ avamə. Vini kana geslne dəmna ɓa.

Bible en Guidar

¹ Sən aski, adan də ulasahã nan mərah wəzaska, makram amtə na ɓa.

2Korintus 4:1 ပူးပေါင်းရင်းမြစ်များ

Isaya 40:30

Gewleɗ addakaŋka, ayaŋka; kirin aka seyit əzbər adazbəraŋgə.

Isaya 40:31

Ɗiy en dəɗiyənən əɗɗum net aka Yawe tahəŋ əmsak ərəh gbogboŋgo; Tahəŋ əppar persleket va gazlaɗe. Ənzoŋgu, awyaŋ ɓa. Əddoŋgu, addakaŋ ɓa.

Yeremiya 45:3

Kənahək na: Haya əray nawa, vi Yawe tay əzleɓ su tatwãh aka tatwãh nawa. Nəyək sən ənɗəs nawa, nawrah əffet ɓa!

Luka 18:1

Yaŋ Yesu apel sit wənməkkpaŋga vi adahək dəkkamaŋgən pay pakə məza əppan ɓa.

1Korintus 3:5

Naway Apollos di? Naway Pol di? Məɗɗaŋ wəza məs kərah ətafaŋ sə kəlazetiŋ, naway pak va aza an Daya apsən sə walaŋti.

1Korintus 7:25

Dəwəl sit kirin ŋgbuɓɓo na, in tat də an nawɗi wən nan dəde səza Daya ɓa, əɗɗum nawi va ɗəf məs də ulasahã na Daya məs dəslə nawtaf wən nani.

2Korintus 3:12

Adan kan mənam tat də əga vaska, mənam tat əziw ɓəlɓələ.

2Korintus 3:6

Ndəni dəɗɗəm nawɓap əsam məɗɗaŋ wəza na wənmiyna meleketeni, məza səza an məverin dəveri ɓa, səza Əmpəsi, vi an məverin awbay ɗəfa, Əmpəs tam apsən zeŋgile sən ɗəfa.

2Korintus 4:16

Vini, makram amtə na ɓa. Ya an gəɓa zəm an nakəlappaka tay əza zlaŋ, gəɓa zəm an nakəleŋgil tay əndəf pay pakə.

2Korintus 5:18

Zəgeɗ pak səza Maŋgəlva azzoŋgu, ndəni dəslerem dəndə zək nan də Kristu gəm apsəm wəza nawslergit ɗiyi.

Galatiyen 6:9

Mədawya də əɗɗa moggon ɓa, an məyə ɓa na, waməbəl an pay nan agapka.

Efesus 3:13

In tat əkkamokum əmpa na, kədavirenən zukum vi sahã an nədawzəm vikuməŋ ɓa: Gagdak nokumi.

Filipi 4:13

Də gbogboŋ nan addəv zəga pak vi Kristu tay əvay əɓapa.

2Tesaloniki 3:13

Ya nokum na milmiŋgiɗwa, kədawyaŋ dəɗɗa moggon ɓa.

1Timote 1:13

Lahəŋ na, nəpelik mbərayən akani, nəsərək met ɗiyi, məkay mama, ya awlak sasãhwã, vi nəsən gabba məs nədaɗɗa ɓa sən in tat də ətaf ɓa.

Ibriɗe 12:3

Vasna, məɗɗumon ɗəf dəɓəs zev əzəmsãhã vas səvet məs mambrayɗe, ka kədappanən zukum əddak ɓa.

1Piyer 2:10

Lahəŋka, ɗiy na Maŋgəlva kənanaŋ ɓa, ya kakaŋka ɗiy nan kənanaŋgə: Lahəŋka, kərahaŋ ulasahã nan ɓa, ya kakaŋkana kərahaŋgək ulasahã nani.

Hənhən 2:3

Kəsokuk zuko, kəzəmək sahã vi iya nawa, də as pak kəgeslne' ɓa.