2Korintus 3:3 - Bible en Guidar

³ Təstəs nan na letər na Kristu kənanaŋge, məpsəm sən wəza namə, məverin məza dit iŋkile nawveri ɓa, də Əmpəs na Maŋgəlva madarani. Məverni aket kalaɓɗe net gərmeŋge yi ɓa, aket kalaɓɗe na sluwi, makra ɗəfa.

Nouveau Testament en Guidar

³ Gesiŋ munokumtə letər na Krestu, mənamtə məvere. Məverni də iŋkile titir naw ver ɓa, amma də Əmpəs na Maŋgəlva madaran məverin. Məverni aket zigeɗ naw ver net kuneŋge ɓa, amma amekret ɗii məverni.

Bible en Guidar

³ Təstəs nan na letər na Kristu kənanaŋge, məpsəm sən wəza namə, məverin məza dit iŋkile nawveri ɓa, də Əmpəs na Maŋgəlva madarani. Məverni aket kalaɓɗe net gərmeŋge yi ɓa, aket kalaɓɗe na sluwi, makra ɗəfa.

2Korintus 3:3 ပူးပေါင်းရင်းမြစ်များ

Gəlyaɗe 40:8

Yaŋ nəmna: «Yaŋ na, nədek də ɗerewel məktəmən məverən aka wən nawa.»

Gəlyaɗe 42:2

Va mune adaɗɗa haɓakhaɓak ammbet iŋkile na lolohõ, vaski mayuk adawduwa Maŋgəlva nawa.

Gəlyaɗe 84:2

Məŋgluwək təki nassa nok sawɓa, Yawe Məzuɓappakə!

Əgilye 24:12

Yawe anah sən Moyis na: «Apeŋ azaw aka gərəm aŋ kəsokgən aŋka, vi nəpsukgən kalaɓɗe: Mahenziŋ də əpel na ənziya məs nəver vi kawyegeti.»

Əgilye 31:18

Adan agrak əpel də Moyis aka mossorgo na Sinay, apsənək kalaɓɗe narban wənmiyna sula, kalaɓɗe na gərəm məverit də pərəm va Maŋgəlva.

Əgilye 32:15

Moyis akkpaŋgək aprik səggərma, dit kalaɓɗe na wənmiyna sula avan məver aka təkzlumit dahãdahã.

Əgilye 34:1

Yawe aɓsən Moyis na: «Asləm kalaɓɗe na gərəm sula va en na maddaabəŋ, nəvergən əpel naket kalaɓɗe na maddaabəŋ məs kəkrap neki.

Wənməkkpaŋga 3:3

Moggon də gegesiŋ adazgokun ɓa, aynet awloko, aver a mokroko.

Wənməkkpaŋga 7:3

Aynet azet kirtin voko. Aver a mokroko.

Yeremiya 10:10

Ya Yawe yi Maŋgəlva gegesiŋ, ndəni Maŋgəlva madarani, məlĩ an faɗə. An adək gədəva, dələv tay əkkere; ɗiy naket dəlveŋge awɓəsən ədagədəv nan ɓa.

Yeremiya 17:1

Mambray net ɗiy na Yuda məverni də mabəl na təbəz ɓəɓəla. Məverni aka kalaɓ na mekreti gəm aka moho təki nawzaɓ Maŋgəlva neti.

Yeremiya 31:33

Vi aŋki wənmiyna məs nədawziwgin dit ɗiy na Israyel dərɓaga payəska Yawe aɗiymani: Wanəɗi mahenziŋ addivti, wanəver a mekreti, wanəsaw Maŋgəlva neti, net wassoŋ ɗiy nawa.

Ezekiyel 11:19

Wanəpsit mekret an təstəsə, əmpəs meleketen nədapsit addivti, wanəgdəh mekret na gərəm səzeti, wanəpsit mekret na sluwa,

Daniyel 6:26

Ndəni məlĩ Dariyus aver sit ɗiy pakə, dəlveŋge temtem gəm ma awandi naka dələv pak na: Zazay dəsan akokum!

Matiye 16:16

Simoŋ Piyer azlani amna: Kristu Wətən Maŋgəlva madaran kənani

1Korintus 3:5

Naway Apollos di? Naway Pol di? Məɗɗaŋ wəza məs kərah ətafaŋ sə kəlazetiŋ, naway pak va aza an Daya apsən sə walaŋti.

2Korintus 3:6

Ndəni dəɗɗəm nawɓap əsam məɗɗaŋ wəza na wənmiyna meleketeni, məza səza an məverin dəveri ɓa, səza Əmpəsi, vi an məverin awbay ɗəfa, Əmpəs tam apsən zeŋgile sən ɗəfa.

2Korintus 3:7

Ya an wəza namta məverin dəver aket gərmeŋge tay də gagdaka hã mə Israyelɗe awɓap əzinən heret aka hara Moyis ɓa sən əwiɗ na haran məs anzi na ɓa dərəŋ na,

2Korintus 6:16

Mi dəsapan Gəla na Maŋgəlva dit zəgeɗkamaŋgəlva di? Vi nam Gəla na Maŋgəlva madaran mənani, va Maŋgəlva anah na: Wanəsaw də gəla a waleŋti, wanəbbal a waleŋti Wanəsaw Maŋgəlva neti, wassoŋ ka ɗiy nawa.

1Tesaloniki 1:9

Vi ndəɗaŋ sən kiti apelinik wən nam va kətafməni, va kəkkpaŋgaŋ aza Maŋgəlva də əppet zəgeɗkamaŋgəlva, vi kawgəɗ sən wəza sən Maŋgəlva madaran gəm an gegesiŋ,

Ibriɗe 10:16

Aŋki wənmiyna məs nədayna viyti: Ɗərɓeget əvoŋɗeski Daya anahə: wanəpsit mahenziŋɗe nawa, a makreti gəm aka maɗɗulet nədawverti.

Ibriɗe 8:10

Daya amna: Aŋki wənmiyna məs nədayna dit ɗiy na Israyel dərɓeget əvoŋɗeski, Daya anahə wanəpsit mahenziŋɗe nawa, a makreti gəm aka maɗɗulet nədawverti, wanəsaw Maŋgəlva neti, net wassoŋ ɗiy nawa.

Ibriɗe 9:14

an vaski na mbel na Kristu dədawtəraŋ wəray day pakə. Də Əmpəs nassa hã faɗi apsən zeŋgilen sən Maŋgəlva va zəga mamayã məza heslepe azan ɓa nawzaɓ-Maŋgəlva abbur əɗɗum na makram səzet wəzeɗe mimtit vi məgəɗ səngən wəza sən Maŋgəlva madarani.

Yosuwa 3:10

Yaŋ Yosuwa anah əmpa na: «Aza aŋki kədawsənnən na, Maŋgəlva madaran tay addakkum, gesiŋ warɓih mə kana'anɗe, mə Hittiɗe, mə Hivviɗe, mə Perziɗe, mə Girgasɗe, mə Amorɗe dit mə Yebusɗe səbokum.

Hənhən 2:1

Aver sən maslay na gəla na Maŋgəlva na Efesus na: Aŋki məs dərme ngərzleɗ buhul aza van dəzəŋ, məs dədadaw a weleŋgit zəgeɗ nawɗi lalamɗe na meleŋge buhul adawpele:

Hənhən 2:12

Aver sən maslay na gəla na Maŋgəlva na Pergame: Aŋki məs dəptu masalam məs man sulagən hoɓhoɓ adawpele:

Hənhən 2:18

Aver sən maslay na gəla na Maŋgəlva na Tiyatira na: Aŋki an Wətən Maŋgəlva adawpele, ndən məs haran va hərzlum offo nzilimnzilimi, tələn va təbəz pepreŋ məzuwiɗe.

Hənhən 2:8

Aver sən maslay na gəla na Maŋgəlva na Samirna na: Aŋki məs dəsan ətəŋga gəm əbayma zəga, məs dəmtə, dəsil səka əmta adawpele.

Hənhən 3:1

Aver sən maslay na gəla na Maŋgəlva na Sardis: Aŋki məs dərme əmpəsɗe na Maŋgəlva buhul gəm ngərzleɗ buhul ammba vani: Nəsinik wəzaɗe noko: sləmok tay əbbal na modorok kənani, ya məmtuk kənani.

Hənhən 3:14

Aver sən maslay na gəla na Maŋgəlva na Lawdikiya: Aŋki an Amen adawpele, ndən Miziwe an təstəsə gəm an gərrakə, ndəni slalwãy zəga məs Maŋgəlva azəməɗə:

Hənhən 3:22

Ɗəf məs də sləman na, dəprəm an Əmpəs adawnah sit gəleɗe na Maŋgəlva.

Hənhən 3:7

Aver sən maslay na gəla na Maŋgəlva na Filadelfiya: Aŋki Ɗəf an Salala, an Gərrakə adawpele, ndən məs dərma lekile na Davit avani, an akoluko, ɗəf tay naɓap əmsan ɓa, an amsanəka ɗəf tay naɓap əkolən ɓa:

1Samiyel 17:26

Davit assohẽt məzəlpaŋ en nazan go'o dawnəh na: «Miy nawgəɗ sən ɗəf an dədawbay mə Filistiŋ gəm dədawtor wil səra Israyeləŋ di? Naway kpak mə Filisti gayaŋ hara karma mama azet məzəlpaŋ na Maŋgəlva madaran di?»