2Korintus 3:18 - Bible en Guidar

¹⁸ Mənam pak, məs mətor məsərətkiya səka haramə, gagdak na Daya tay ərba azam va asani. Məkkpaŋgək gagdak vanəs gagdak aka gagdaka; aski wəza na Daya, dəsan Əmpəsa.

Nouveau Testament en Guidar

¹⁸ Mənam pak mənam tatula gakdak na Ɗəfdaya də haramə, mənam tatərban gakdak nan va darwgal. Vaski kan mədakpŋga ka məgil gən va Ɗəfdaya, vi gakdak nan dənzlər səmə gən abe abe. Ndəni wəza na əmpəs na Ɗəfdaya amakramə.

Bible en Guidar

¹⁸ Mənam pak, məs mətor məsərətkiya səka haramə, gagdak na Daya tay ərba azam va asani. Məkkpaŋgək gagdak vanəs gagdak aka gagdaka; aski wəza na Daya, dəsan Əmpəsa.

2Korintus 3:18 ပူးပေါင်းရင်းမြစ်များ

Gəlyaɗe 84:7

Məzutoŋgoŋ də walaŋ na Baka (nawhəma), ndəɗaŋ əkkpaŋgan ka heret iŋkile, buwən na məndəvən əggbo' wəzaɓ akani.

Yohanna 1:14

Əpel nak akkpaŋgək ɗəf də gəɓa zəni, asanək də gəla a walaŋgəmə. Mulak gagdak nani, gagdak va na Karmalay dəknah də mbəlembəle gəm də gegesiŋ arah səza Afəni.

Yohanna 12:41

Isaya aneh zəgeɗis na: Vi awlak gagdak nani, apelik akani.

Yohanna 17:22

Naw nəpsitik gagdak məs kəvayə, vi dəssoŋgən taka, va nam məsam taka.

Yohanna 17:24

Aw Afəni, en məs kəvayə, nəŋgəl na a təki naw nəsawa, net pak dəssoŋgən də iyna, vi dulanəngən gagdak naw məs kəvayə, vi kəŋgluwək tak əɗi gabba dəlva.

Roma 12:2

Kədappanən zukum əkkpaŋ ammba ənziya eggeŋ ɓa, məppan Maŋgəlva əkkpaŋgokum dəpsukum əsən meleketeni, vi kawsən əŋgla nani, an moggoni, an nannek zəni gəm an moggon gərakə.

Roma 13:14

Mugul Daya Yesu Kristu azoku dərəŋgə, kədappanən zukum sən əŋgla na gəɓa zukum kaɗɗa əŋgla nan ɓa.

Roma 8:29

Vi ɗiy en asən dafsən na, aɗiyik dafsəne'e dəssoŋgən va Wətən asani, vi nan dəsangən uwa maddaabəŋ naret milmiŋgiɗin diyɗa.

Roma 8:4

Vi wəza na təstəs də mahenziŋ dəgəɗgən addəvəm mənam məzudaw də Əmpəsa məza na gəɓa zəm ɓa.

Roma 8:7

Vi əɗɗum na gəɓa zə ɗəf na, əɓoŋ aka Maŋgəlva yi. Awɓe' sən mahenziŋ na Maŋgəlva ɓa, aɓap na əzban lah ɓa.

1Korintus 13:12

Vi kakaŋ mənam tat ulan va addəv zəga nawla hara ɗəfa, lufluf ɗarə, ya asna haram də harani. Kakaŋ əsən naw də meŋgeyi, ya asna, wanəsən lewlewi va asənwa.

1Korintus 15:49

Va məgil səɗek va an məɗɗan na dəlva, waməgil sədəki'e va an na disiŋ.

2Korintus 3:17

Vi Daya iyi Əmpəsa, ya a təki məs Əmpəs na Daya asani, adaki əbit asani.

2Korintus 4:4

viyit en məs tahəŋ də ətaf ɓa, məs maŋgəlva negge atip maɗɗuleti, awlanən alabara nenek na gagdak Kristu dəsan Maŋgəlva səɗek əwiɗ ɓa.

2Korintus 4:6

Maŋgəlva məs dənah na: Əkeɗeɗe wawiɗ ara guzliyo, ndəni dəwiɗ a makramə. Vi kawiɗgən əsən na gagdak na Maŋgəlva aka məɗahara Yesu Kristu.

2Korintus 5:17

An ɗəf tay addəv Kristu na, akkpaŋgək ɗəf meleketeni. Zəgeɗ məzvet pak atoŋgoŋko, zəgeɗ pak akkpaŋgək meleketeni.

Galatiyen 6:15

Vi əskəlawra də əssa gayã atəraŋ na wəray ɓa, abbər əkkpaŋ meleketeni.

Kolosi 3:10

Kugulunək ɗəf meleketeni, məs dədawnduf kawgap aza əsən an gərrakə kawgilye va məs dəzəməɗa.

1Timote 1:11

Əsən vanəs aslək də Alabara Nenek na gagdak na Maŋgəlva nawɗi kiyən məs məppan avawa.

Titus 3:5

akõhgəməka, vi wəza an məgəɗ təstəsi ɓa, ya vi ulasahã nani, də ərəh baptem nakkpaŋ meggeɗe gəm nakkpaŋ meleketem də Zeŋgile Salala;

Yakob 1:23

Ɗəf awandi dəprəm wəpel na Maŋgəlva kaka'ə ya dəɗɗa an anah ɓa, asna nan tay va ɗəf məzula haran də darawgal, awlak haran va asani.

1Yohanna 3:2

Bayneŋgiɗu na makrawa, kakaŋ na kirtin Maŋgəlva mənani, an va mədawsam abe na dərbə tagay ɓa. Ya məsənək na, an arbanək zəni, waməsam va ndəni, vi wamula va asani.