2Korintus 3:14 - Bible en Guidar

¹⁴ Ya əsən net attirke, vi hã pay dəpaŋka, an tay əŋɗanən wənmiyna məzvan na, məsərətkiya vanəs tay, dətor ɓa, vi addəv Kristu adawza.

Nouveau Testament en Guidar

¹⁴ Amma maɗulet aɓapna əpprəm ɓa bo. An tahəŋ əŋɗanən labara məs məverin, zəga nan tayəzəɗ akani ha pay dəpaŋka. Zəga nan ator na ɓa, say an ɗəf nan atafək Krestu.

Bible en Guidar

¹⁴ Ya əsən net attirke, vi hã pay dəpaŋka, an tay əŋɗanən wənmiyna məzvan na, məsərətkiya vanəs tay, dətor ɓa, vi addəv Kristu adawza.

2Korintus 3:14 ပူးပေါင်းရင်းမြစ်များ

Gəlyaɗe 69:23

Maway net dəkkpaŋ bizwil abeti! Sit beyneŋgiɗit tam mazzaɗə!

Isaya 25:7

Aka mossorgo metiŋ vanəska wator zəga na gəlabaya məs ɗiy aguloŋ pakə, waggbuk lukutɗe na gəlabay məs dəssoŋ azet ɗiy-ɗarə.

Isaya 44:18

Zəga tay asənaŋ ɓa, gabba zəga tay adaprəmaŋ ɓa. Vi mətipni hereti adawlaŋ ɓa, mətipni mekreti adawsənaŋ zəga ɓa.

Isaya 56:10

Məgaɗe net daŋgerɗeŋ pakə, baymet pak zəga tay asənaŋ ɓa, kirɗe mə ɓatɓatəŋgə, aɓapaŋ na əhar ɓa. Tahəŋ ɓəlohɓəloh əssineŋgi, aŋglaŋgək əleŋge.

Isaya 59:10

Mənam tat əttəman təki dəttəm va daŋgar aza gəla, mənam tat əttəman təki dəttəm va ɗəf məs haran tay ɓa. Tataŋ paya, mənam tat ətaŋgbãy va kəɓəs na pay tay əbəta. Gbəgba tay azam ɓa ya mənam tat va məmtəmə.

Isaya 6:10

Akkpaŋgan mekret ɗiyis difsiriki, asuk sləmeti, atip hereti; vi adawlaŋ də heret ɓa, sləmet adaprəm ɓa gəm mekret adawsən gabba zəga ɓa! Vas ɓa na waɗiyaŋ marava kamblaŋgə.

Yeremiya 5:21

Kamə məprəm wənəŋ ɗa, ɗiy məs əɗɗum net gbeslsle məza maɗɗula ɓa, məs hereti, ya awlaŋ ɓa, məs sləmeti, ya aprəmaŋ ɓa.

Ezekiyel 12:2

«Wətən ɗəfa, a weleŋgit ɗiy məɓoŋgit kəsoko; heret nawla tay, ya awlaŋ ɓa, sləmet naprəm tay, ya aprəmaŋ ɓa, vi məɓoŋtiŋgə.

Matiye 13:11

Yaŋ azlani, aɓsit na: Nokum məpsukumi əsən wən məɗama na məlĩ na Maŋgəlva, ya neti məpsiti ɓa.

Matiye 16:17

Yesu apeli aɓsən na: Əzaɓ akoko, Simoŋ wətən Yonas; vi gəɓa zə ɗəf dit mbel dərban sukun ɓa, afu na disiŋgi yi.

Matiye 6:23

Ya an horok mbərayni, gəɓa zuk dəwən nan wasan guzliyo. Ya an əkeɗeɗe nazok van guzliyi, guzli nan wasan tigbizlimi.

Yohanna 12:40

Maŋgəlva atipik hereti, aɓɓəlanək makreti, vi adawlaŋ də heret ɓa, makret adawsən zəga ɓa, vi adawmilyoŋ azaw in kawmbəlgit ɓa.

Yohanna 12:46

In əkeɗeɗe'e, nəde aka dələv na, vi ɗəf məs dətafu pak adawsan ara guzli ɓa.

Yohanna 8:12

Yesu apel sitik əmpa, amna: Naw intə əkeɗeɗe na dəlva. Ɗəf dəzbawa, sessel adawna arah guzli ɓa, ya warah əkeɗeɗe na zeŋgile.

Wəza net Masləŋɗe 13:15

Səza məŋɗan ɗerewel na mahenziŋ gəm net məskəleŋɗe na, ɗiy gugriɗ naddəv gəla nakkal net mə Yudeɗ slənaŋ azet dawnəh na: Məlmiŋgiɗmə, an mənokum tat də əpel a mokum nasɓet ɗiy na, məpele.

Wəza net Masləŋɗe 15:21

Vi təŋ səza sayit ɗiy en lahəŋka, addəv walaŋgəla-metiŋ pak, Moyis tay dit ɗiy mərbaŋ wəna, addəv gəla nakkal net Yudeɗ pay naffete pak, tay əŋɗanəni.

Wəza net Masləŋɗe 16:14

Ɗak taka səmmbeti, məs adawyətən na Lidiya, ɗak na Tiyatira tə. Məman vat net lukutɗe pepreŋɗe tə, məgagdakan Maŋgəlva tə, təpakək sləmata, Daya akoluk makrata vi təzəkgək sləma aket zəgeɗ məs Pol adawpele.

Wəza net Masləŋɗe 26:18

Vi kawkol sit hereti, kakkpeŋget səra guzli ara əkeɗeɗe'e, gəm səddəv gagdak na Satan aza Maŋgəlva, vi dərahaŋgən əvvu net mambrayɗe, gəm dərahaŋgən haran net a walaŋgit ɗiy salala də ətafwa.

Roma 11:25

Vi maw tay aka kəssoŋgən məza əsən mahaɗamaŋ ɓa milmiŋgiɗwa, vi kədawɗinən kikum va məsmaɗɗulet ɓa: kiɓəɓəl net mə israyelɗe meɓɓet wasan hã gap an ɗiy-ɗar pak atoŋgoŋko.

2Korintus 3:15

Ya hã pay dəpaŋka, an tay əŋɗanən Moyis na, məsərətkiya tay əsərət mekreti.

2Korintus 3:6

Ndəni dəɗɗəm nawɓap əsam məɗɗaŋ wəza na wənmiyna meleketeni, məza səza an məverin dəveri ɓa, səza Əmpəsi, vi an məverin awbay ɗəfa, Əmpəs tam apsən zeŋgile sən ɗəfa.

2Korintus 4:6

Maŋgəlva məs dənah na: Əkeɗeɗe wawiɗ ara guzliyo, ndəni dəwiɗ a makramə. Vi kawiɗgən əsən na gagdak na Maŋgəlva aka məɗahara Yesu Kristu.

Efesus 4:18

Maɗɗulet attirke, faraɗaŋ səza zeŋgile na Maŋgəlva sən əssa slamma neti, vi ɓəɓəl na mekreti.