2Korintus 2:14 - Bible en Guidar

¹⁴ Soko sən Maŋgəlva, ndən dədawdawgəm pay pak addəv əskawəla də Kristu. Məŋgən əsən nan tay ərba də mənam təki pakə.

Nouveau Testament en Guidar

¹⁴ Soko sən Maŋgəlva, vi zəzay na Krestuwi pay pak tay ku malaka nawa an nawday kini. Vaski adaɗɗa səmə, ka mərban gən labara nan ko aŋga pakə, zəga məs mərbanəŋ tay əknah adəv dəlva va məŋgən zəga mogoni.

Bible en Guidar

¹⁴ Soko sən Maŋgəlva, ndən dədawdawgəm pay pak addəv əskawəla də Kristu. Məŋgən əsən nan tay ərba də mənam təki pakə.

2Korintus 2:14 ပူးပေါင်းရင်းမြစ်များ

Gəlyaɗe 106:47

Akõhgəmə, Yawe Maŋgəlva namə: akkalam səret ɗiy-ɗarə. Vasna waməɗi ki iya nok salala, waməgagdakan zəm də wəɗi kiyko.

Gəlyaɗe 148:14

Asilgənək kiyit ɗiy nani. Məs dətafən pak waɗinən kini, mə Israyelɗe, ɗiy nazan go'o! Məɗi ki Yawe!

Gəlya net Gəlyaɗe 1:3

day ki əffok na tursan an neneke. Is zək nok tursan an moggon kənani. Vini kan gorɗeŋge aŋglukəni.

Ezekiyel 20:41

Də məŋgən tursan naffeten makrawa, wanətafkum, pay nədawgilgukum sə weleŋgit ɗiyi, wanəkkalokum səket dəlveŋge məs mətəraygukum aketi. Wanərban salala naw də mənokum ama heret ɗiy-ɗarə.

Yohanna 16:33

Nənah sukum pak vasna vi kərahaŋgən zazay də əsler də iyna. Wakəssoŋ mokum ɓəɓiɓəɓi aka dəlva, ya məsok zukum, naw nəskak wəla dəlva.

Roma 1:8

Dabəŋ nani, in tat əɗɗa əsoko sən Maŋgəlva naw də iya na Yesu Kristu aka wən nokum pakgukum, vi tay əpeleŋ aka wən na ətaf nokum aka dələv gboŋgu.

Roma 15:19

Də əɓap net sekeneɗ gəm zəgeɗ naggət aketi, də əɓap na Əmpəs na Maŋgəlva. Təŋ sə Yerusalem kiyən tuwəɗ hã gap a Illuriko nərbanək Alabara Nenek na Kristu.

Roma 6:17

Ya soko sən Maŋgəlva, lahəŋ na, belemɗe na mambray kənanaŋgə, ya kakaŋ na, munokum tat əɓe' sən tive məs əya arban sukum də mokrokum taka.

Roma 8:37

Ya addəv Zəgas pak na, məskək wəla dərwadərwa də əbbah na an məs dəŋgələmə.

1Korintus 12:8

Sən ɗəf maɓɓani, Əmpəs əpsən dəpelgən də maɗɗula, sən ɗəf maɓɓani, Əmpəs van əpsən dəpelgən də əsəna.

1Korintus 15:37

An məs kədaslga na, an dəgil kədazlga ɓa, zeŋve yi, an haykəmari yi awaniɓa zəgeɗ meɓɓetiŋgə.

1Korintus 15:57

Ya soko sən Maŋgəlva, məs dəpsəm əskawəla də Daya nam Yesu Kristu.

2Korintus 1:11

Munokum tat əɗɗa wəza sapə'e ammbam də əkkama, vi mərahgən əvəl na mbəlembəle səzet ɗiy diyɗa ka ɗiy diyɗa dəfeteŋgən aka wən namə.

2Korintus 8:16

Soko sən Maŋgəlva məs dəpsən əsok zə ɗəf sən Titus məstaka də an nam vikum.

2Korintus 9:15

Soko sən Maŋgəlva vi əvəl nan məs nawpeli ɓa.

Efesus 5:2

Mədaw addəv əŋgla va Kristu aŋglumə appan ki zən sən Maŋgəlva ammbam ka əvəla gəm ka zəga mətaw wəlani, va tursan məs məŋgənən neki.

Efesus 5:20

Məgəɗ soko pay pak vi zəga pak də iya na Daya nam Yesu Kristu sən Maŋgəlva Afəni.

Filipi 4:18

In tat də an wərayu asan azan pakə, addəv əba nani, tay məs dəkkpap su səza Epafroditus aki su an səvokum ɓa, tay va əvəl məs də məŋgənən neki. Əzaɓ-Maŋgəlva məs Maŋgəlva atafi, neki azani.

Kolosi 1:23

an mənokum tat addəv ətaf ziw ɓəlɓələ, məza əppan zukum əkukum faraɗa səza əga na Alabara Nenek məs kəprəmaŋgəŋ ɓa, məs məpel wən nan aza an məzəməɗən naka dəlvafuŋ pakə, məs in Pol nəkkpaŋ məgəɗ wəza nanəŋka.

Kolosi 1:6

məs dəgap anokumda; tay ənzləra gəm əɓay ammba dələv pakə, vaski yi'e anokumda, təŋ səza pay məs kəprəmnən gəm kəsənnən mbəlembəle na Maŋgəlva addəv gesiŋ nani.

Kolosi 2:15

Aggbukik deyeɗe dit gagdakɗe na disiŋ, arbə sitik wil abet ɗiy pakə, askak wəlet addəvni.

1Tesaloniki 1:8

Vi səzokumi əpel na Daya appasə a Makedoniya də Akaya yi kaka ɓa, ya alabara na ətaf nokum məs kətafəŋ Maŋgəlva abbalək təki pakə, wəray tay məpelgən wən nan ɓa.

1Tesaloniki 3:9

Mə əsoko mi mədawgəɗ sən Maŋgəlva aka wən nokum sən ənnek mədannek gbaŋ aka wən nokum aba Maŋgəlva naməŋ di?

1Timote 2:8

Nəŋgəl kan na, a təki pak ɗiy mezeŋleket dəkkamaŋ də əslan vet salala a disiŋ, məza də ədagədəv ɓa, məza də əgay ɓa.

2Timote 2:2

An kəprəm sə maw keret miziweɗe diyɗaŋka. Appan avet ɗiy en gesiŋ məs nawɓap əyagan sitin ɗiy meɓɓet tamə.

Hənhən 7:12

Tay ənahaŋ na: Amin! Əlva, gagdaka, maɗɗula əɗɗa əsoko, əɗikiya, əɓapa gəm gbogboŋ pak na Maŋgəlva nami pay pakə hã faɗə. Amin.