2Korintus 12:19 - Bible en Guidar

¹⁹ Kuzuŋ munokum tat əɗɗum far na, kiyəm mədawpəl abokum soko. Aba Maŋgəlva, addəv Kristu mədawpele, zəgeɗis pak milmiŋgiɗu na makrawa, vi kawɓaygukumi.

Nouveau Testament en Guidar

¹⁹ Kuzuŋ munokum tatə nahaŋ vas daga far soko, ndəni mədaŋgla əskoɓ kiyəm abokum. Wən nan tay vas ɓa sam! Mənam tatə pel aba Maŋgəlva va ɗii na Krestu. Milmiŋgiɗəm na makramə, mədawpel vas pak na, vi kawɓay gukum adəv ətaf nokum.

Bible en Guidar

¹⁹ Kuzuŋ munokum tat əɗɗum far na, kiyəm mədawpəl abokum soko. Aba Maŋgəlva, addəv Kristu mədawpele, zəgeɗis pak milmiŋgiɗu na makrawa, vi kawɓaygukumi.

2Korintus 12:19 ပူးပေါင်းရင်းမြစ်များ

Roma 12:19

Bayneŋgiɗwa, kədamndaganən harat huloŋguk dəvokum ɓa, məppan təki sən ədagədəv na Maŋgəlva, vi məverni na: Naw wanəmpəlkiya, intə nawfaɗ səni, Daya anahə.

Roma 14:19

Vas kan na, məzbet səm zəgeɗ en nawki zazaya gəm en nawɓaygəm a walaŋ zəmə.

Roma 15:2

Ɗəf nam pak dəgəɗ an məs nannek zə meggeni vi moggon nani gəm kawɓaygən addəv ətaf nani.

Roma 9:1

An nədawnəhəŋka gegesiŋ addəv Kristu, wən nədawa ɓa, kpukpum na makraw tay əpel su akan də Zeŋgile Salala.

1Korintus 10:14

Vini kana, bayneŋgiɗwa, məzar səza əɗi ki zəgakamaŋgəlva.

1Korintus 10:33

Vaski, naw nədawsok zu ənneken zit ɗiy pak addəvit zəgeɗ pakə, məza əkayan an natər su wəray sən kiyu kaka ɓa ya an natər wəray sən vadaysa net ɗiyi, vi dəkõhoŋgəni.

1Korintus 14:26

Mbar kan di milmiŋgiɗwa? Pay kədakkalaŋgə, ɗəf mbərən də gəlyanalva, ɗəf mbərən də əyaka, ɗəf mbərən də hənhən, ɗəf mbərən də ma məza məsənni ɓa, ɗəf mbərən əman ma məza məsənni ɓa vani, zəgas pak dəsangən vi naway pak dəɓaygəni.

2Korintus 10:8

An in tat əkaɓ vi gagdak məs Daya asəm vi nawɓaygukum məza nawraygukum ɓaŋ na wil aduwən na viyən ɓa.

2Korintus 11:10

Də gegesiŋ na Kristu na makrawa, kawɗamani gagdak nawəs aka va na Akaya ɓa.

2Korintus 11:31

Maŋgəlva Afən Daya nam Yesu məs nawgəɗ sən soko pay pak asənək na, wən nədawa ɓa.

2Korintus 12:15

Azaw na, də ənneki nədawzan zəga naw pakə, wanəzan kiyu dayday vi zeŋgilokum. Wakəgəsgənən əŋgluwu vi nəŋglukum day sa?

2Korintus 13:10

Sən aski, nədawver zəgeɗis səka nəsaw faraɗa, vi pay nədazzaw na, nəŋgəl nətawgən wən nan də gagdak məs Daya avay nawɓaygukum məza nawraygukum ɓaŋ ɓa.

2Korintus 2:17

Vi mənam tat va ɗiy diyɗa məmanən əpel na Maŋgəlva va zəga naɗɗa terere ɓa. Vi gegesiŋgi, səza Maŋgəlva, aba Maŋgəlva gəm addəv Kristu mədawpele.

2Korintus 3:1

Ki zəm mədamsak əgagdakan dəvam sa? Awaniɓa mənam tat də wəray nawver sukum ɗerewel narban kiyəm azokum awaniɓa ətaf səvokum va ɗiy meɓɓet sa?

2Korintus 7:1

Adan mənam tat də iynama vas na bayneŋgiɗwa, məbbur səm zəm səza ərnok na gəɓa zəm də an na əmpəs pakə, məsok səm zəm əssa salala gərrak addəv geslne na Maŋgəlva.

Filipi 4:1

Milmiŋgiɗu na makrawa, maw aka ulukum, mənokumtə ənnek gəm gagadak nawa, vasna məziw ɓəlɓəl addəv Daya bayneŋgiɗwa.

1Tesaloniki 5:11

Vi vaski məsɓan zukum gəm məɓɓəlan zukum addəv ətafa, va kədaɗɗanən səkayə.

Ibriɗe 6:9

Ya nokum na bayneŋgiɗu na makrawa, məsənək gesiŋ də mədawpel vas pak na, aka tive moggon kənanaŋgə, an nawkõhõ.