2Korintus 11:13 - Bible en Guidar

¹³ Vi maslənɗe muwaŋ wənəs məɗɗaŋ wəza na vuruməŋ, aɗinək zit ka maslənɗe na Kristu.

Nouveau Testament en Guidar

¹³ Net bo masləŋɗe məs də goŋgaŋ ɓa, məwaŋ tepelkeŋ, məɗɗaŋ vəruməŋ, aɗiyənək zit va masləŋɗe na Krestu.

Bible en Guidar

¹³ Vi maslənɗe muwaŋ wənəs məɗɗaŋ wəza na vuruməŋ, aɗinək zit ka maslənɗe na Kristu.

2Korintus 11:13 ပူးပေါင်းရင်းမြစ်များ

Yeremiya 23:16

An Yawe Məzuɓappak anah yaŋka: Kədaprəmən əpel net məskəleŋɗe ɓa en məzupeleŋ sukumən va məskəleŋɗeŋ na əza adawzokumuni, əɗɗum na mekret adawpeleŋgi səmaw in Yawe yi ɓa.

Yeremiya 27:14

Ya kədaprəmən met məskəleŋɗe məzupeleŋ sukumən dawnəh na: Kəɗɗaŋ na wəza sən məlĩ na Babilon ɓa vi kəleŋ na uwwa wən adaɗɗaŋ sukuməni.

Matiye 25:24

An məs dərah deleɗ na təbəz babar taka tam payə, amna: Daya nəsənka, ɗəf ɓəɓəl kənani, kawgəm zəga an məs is kəɗi ɓa, kakkal zəga na mabardaw məza is kəzlga ɓa.

Wəza net Masləŋɗe 15:1

Ɗiy meɓɓet aprikoŋguk sə Yude, tay əɗɗaŋ əyaka, aɓɗaŋ na: An kəskəlaŋ awra va Moyis aɗi wən nan ɓa, Kəkõhoŋ na ɓa.

Wəza net Masləŋɗe 15:24

Məprəmək na, ɗiy sə walaŋgəm addoŋguk əttapokum dəndə əpel nawfãyokum, ya mənamtə məɗi sit wən nan ɓa.

Wəza net Masləŋɗe 20:30

Sərokum tusso ɗiy wasilyoŋgu, wawaŋ tepelke, vi ɗiy na Maŋgəlva dəzbetingəni.

Roma 16:18

Vi zeŋvit ɗiy en veski, wəza na Daya nam Kristu adaɗɗaŋ ɓa na gədivti. Tay əmbəɗetin ɗiy məs dəsənaŋ gabba zəga ɓa də ma neneke gəm də əpel nawmbəɗa.

2Korintus 11:15

Vini, tay naɗɗa gərəŋ akan an məɗɗaŋ nan tay əɗinən zit va məɗɗaŋ wəza na təstəs ɓa. Əgrak net wasan məstaka də wəza neti.

2Korintus 2:17

Vi mənam tat va ɗiy diyɗa məmanən əpel na Maŋgəlva va zəga naɗɗa terere ɓa. Vi gegesiŋgi, səza Maŋgəlva, aba Maŋgəlva gəm addəv Kristu mədawpele.

2Korintus 4:2

Məmpetik zəgeɗ naɗɗa mahaɗamma narba wili. Mawdaw addəv vurum mãy əkkpaŋgan əpel na Maŋgəlva ɓa. Ya də gegesiŋ məs dədarba mədazga' sit ɗiy pak aba Maŋgəlva.

Galatiyen 1:7

Zeŋvin na tay maɓɓani yi ɓa, vi ɗiy meɓɓet tay əzlzlaɓokuməni. Tay əŋglaŋ əkkpaŋ Alabara Nenek na Kristu.

Galatiyen 2:4

Sən wən net milmiŋgiɗəm mətoŋgoŋwən-gif məwaŋ wəna, məs dətoŋgoŋ aram vi kakkes gabba əssa na kiyəm mərah də Yesu Kristu vi kakkpaŋgamən belemɗe.

Galatiyen 4:17

Ɗiy meɓɓet tahəŋ əgayaŋ zit soksok vikum, ya vi zay nokumi ɓa met aka uɗakokum də iyna, vi kəzbetingin zukum soksoku.

Galatiyen 6:12

Ɗiy məs dəŋglaŋ ərbanən zit addəv gəɓa ziti, net tay əɗɗaŋ sukumən vavyak ka kəskəlaŋgən awra, vi adawsərnən met aka wən na məzliwrihe na Kristu ɓa kaka'ə.

Efesus 4:14

Vi mədawsam va kirin memeɗeŋɗe, məs səmyã adawka də təki aŋgəl pak poŋgolpoŋgol addəv əyak ɓa, məs adasmayamən kawmbəɗam də kuket net kawzam ɓa.

Filipi 3:18

Nənah sukumək ɗayɗayə ya kakaŋ na də sin araw nədawnah sukum, ɗiy diyɗa tahəŋ ədawaŋ va meseŋgiɗ əmta na Kristu.

Filipi 3:2

Məsla zukum səzet kirɗe, məsla zukum səzet məɗɗaŋ mbərayən, məsla zukum səzet məɗiyaŋ ki əskəlawra.

Kolosi 2:4

Nədawnəh vasna, vi ɗəf adawmbəɗokum də əpel na ma nenek ɓa yi.

Kolosi 2:8

Məzi zukum ɗəf adawmbəɗokum də zəga nawsən nan diyɗa gəm də zəga narba ɗar mekeleŋ məs dəde səza əɗɗum net ɗiyi, dəziw aka əsən dəde səgge, məza səza Kristu ɓa ɓa.

1Yohanna 2:18

Kirtuwa, pay an meddirɓe yi, va kəprəmənən na məzuzel na Kristu tay əzzani əŋka. Ya kəkaŋ vani, məzuzelɗe na Kristu tahəŋ diyɗa. Səza aski mədawsənən na pay an meddirɓeyi əŋka.

1Yohanna 4:1

Bayneŋgiɗu na makrawa, kədawtafən əmpəs awandi pak ɓa; mule əmpəsɗe vet lewlewi, kawsənən an səza Maŋgəlva azzoŋgu, vi məskəleŋɗe na uwawən agulyoŋguk diyɗa ammba dəlva.

Zuda 1:4

Vi ɗiy meɓɓet tahəŋ dətoŋgoŋ a walaŋkum, məs məver wən nawtaw aket farə, ɗiy mbəreyit məs dədakkpaŋganən mbəlembəle na Maŋgəlva nam azet ka zəga ɗarə, dəppanən mərbəzəga an taka ana Daya nam Yesu Kristu.

Hənhən 19:20

Mərmani zəga mamayã nak a fərsəna, gəm məskəleŋ məwə tepelke məgəɗ sekeneɗ aban məs dəmbəɗet ɗiy dətafən voɗoko na zəga mamayã naka gəm agagdakanən zeŋgileni. Zəga mamayã də məskəleŋ məwə tepelke nek pak məzgeti mederet addəv vov na offo muhurən.

Hənhən 2:2

Nəsinik wəzaɗe noko, əzəmsahã noko gəm zuk məs kədawsoko, nəsənka kəɓap na əzi horok sit məsdarawɗe ɓa. Kəslak nazet məzunahaŋ na maslənɗeŋ ya mbaraka maslənɗeŋ ɓa, kərəhək na məwaŋ wənəŋgə.

Hənhən 2:20

Ya an nəzel azok na, is tat əzi horok sət Zezabel, ndət guluk məzuɗi zət ka məskəleŋkə gəm məzuzet məɗɗaŋ wəza naw də ərban sit zəga dəɗɗaŋgən polkoyo gəm dəzəmaŋgən slu nawzaɓ-Maŋgəlva sit zəgeɗkamaŋgəlva.

Hənhən 2:9

Nəsənək tatwãh noko gəm sãhã noko, ya məsarya kənani, nəsənək wən mbərayən məs ɗiy məzuɗinən zit va mə Yudeɗ adawpeleŋ akoko, ya mə Yudeɗiŋ ɓa, net ɗiy məzbanən Satan əŋgə.