2Korintus 11:10 - Bible en Guidar

¹⁰ Də gegesiŋ na Kristu na makrawa, kawɗamani gagdak nawəs aka va na Akaya ɓa.

Nouveau Testament en Guidar

¹⁰ Vi goŋga na Krestu ana makrawa, ndəni nənah sukum na: Ɗəf tay ko taka aweleŋgit ɗii naka dələv na Akaya pak naw moh su gakdak nawəŋ ɓa.

Bible en Guidar

¹⁰ Də gegesiŋ na Kristu na makrawa, kawɗamani gagdak nawəs aka va na Akaya ɓa.

2Korintus 11:10 ပူးပေါင်းရင်းမြစ်များ

Wəza net Masləŋɗe 18:12

Aka pay Galliyo asan daya na ki vadələv na Akaya, mə Yudeɗ asapənək met aka Pol, akanənək aba ətawwəna.

Wəza net Masləŋɗe 18:27

Yaŋ Apollos aɗɗum nawmbat aka dələv na Akaya, məkristuɗe na Efesus abbahaŋ sənənka, averiŋgik ɗerewel azet məzutafaŋ nadak dətafəngəni. Adan agapə, tay də ətər diyɗa azet məs dərahaŋ mbəlembəle dəkkpaŋgaŋ məzutafaŋgə.

Roma 1:9

Vi Maŋgəlva yi miziwe nawa, məs nadawɗi kiyən addəv əɗɗum naw də əpel alabara nenek na Wətəni, in tat əɗɗum akokum pay pakə.

Roma 16:5

Məsɗet məzutafaŋ məzəkkalaŋ eŋgil anetda. Məsɗan Epaynetus baynaw na makrawa, məs dətaf Kristu aka dələv na Asiya daabəŋ.

Roma 9:1

An nədawnəhəŋka gegesiŋ addəv Kristu, wən nədawa ɓa, kpukpum na makraw tay əpel su akan də Zeŋgile Salala.

1Korintus 16:15

Milmiŋgiɗwa, kəsənənək na, Estefanas də gəla nani ɗiy en dətafaŋ daabəŋ a Akaya, ya appanənək zit əɗɗa wəza viyit ɗiy salala.

2Korintus 1:1

Səza Pol maslən na Yesu Kristu də əŋgla na Maŋgəlva gəm məlməm Timote sit ɗiy na Maŋgəlva na Korintus gəm sit en salala baymet a Akaya dəwənnani.

2Korintus 1:23

Maŋgəlva yi miziwe nawa, ndəni nawtawwən aka zeŋgilewa. Nəmil a Korintus ɓa na vi nədawyokum ɓa yi.

2Korintus 10:15

Əkaɓ nam dətoŋ kiyit meŋge kawziw aka wəza net ɗiy meɓɓet ɓa, ya mənam tat də əga, ətaf nokum tay əddan abe, tay əɓay əmbat abe abe a walaŋkum va aza tivenanziya namə,

2Korintus 11:12

An məs nədaɗɗa, anan nədaɗɗa'e, vi kawtak met ɗiy məzukayaŋ batam nawgagdakan zit dawla zit məstaka də mənamə.

2Korintus 11:31

Maŋgəlva Afən Daya nam Yesu məs nawgəɗ sən soko pay pak asənək na, wən nədawa ɓa.

2Korintus 12:19

Kuzuŋ munokum tat əɗɗum far na, kiyəm mədawpəl abokum soko. Aba Maŋgəlva, addəv Kristu mədawpele, zəgeɗis pak milmiŋgiɗu na makrawa, vi kawɓaygukumi.

2Korintus 9:2

Vi nəsənək əŋgla nokum. Nəɗiyək kikum abet ɗiy na Makedoniya dawnah sit na: Ɗiy na Akaya aslanək zit far na dəbyaŋga. Zukum məs kəsokoŋgəŋ afɗahanək vadaysa net ɗiy na Maŋgəlva.

Galatiyen 1:20

An nədawver sukuməŋka, aba Maŋgəlva iyi yaŋka, uwa wəni ɓa.

Galatiyen 2:20

Madaraw nani ya intə əmpa ɓa, Kristuwi madaran addəvwa, vi əssa naw madaraw kakaŋkəŋka, in tat əsaw madaraw addəv ətaf Wətən Maŋgəlva məs dəŋgluwa gəm məs dəppan ki zən dəvan viwa.

1Tesaloniki 2:10

Miziwe nam kənanaŋgə gəm Maŋgəlva, məsamək va an dəslə, təstəsə gəm məza wən akam ɓa a walaŋkum munokum məs kətafaŋgə.

1Tesaloniki 2:5

Kəsənənka, də əpel nawlef mədawpel ɓa, əŋgla nawrəh deleɗ tay dəɗam addəv əpel nam ɓa. Maŋgəlva yi miziwe namə.

1Timote 2:7

Vini nəsaw mərbəwəna gəm maslən, gesiŋ nədawnaha wən nədawa ɓa, vi karban ətafa gəm gegesiŋ sit ɗiy-ɗarə.