2Korintus 10:5 - Bible en Guidar

⁵ gəm zəga məzutak əsən Maŋgəlva pakə. Mənam tat ərma əɗɗum pak kawkiyən dəɓe' səngən Kristu.

Nouveau Testament en Guidar

⁵ Mənam tatəbzlu an məs ɗii ada gakdakanən zit dəndən mba gən əsən ana Maŋgəlva. Mənam tatə kpaŋgan əɗum net də əsgan a daŋgay, vi dəsbanən gən Krestu.

Bible en Guidar

⁵ gəm zəga məzutak əsən Maŋgəlva pakə. Mənam tat ərma əɗɗum pak kawkiyən dəɓe' səngən Kristu.

2Korintus 10:5 ပူးပေါင်းရင်းမြစ်များ

Va'Atəŋ 8:21

Yawe affokuk məŋgənən hõyu, Yawe anah a makran na: «Nəzban na əraygən dəlvafuŋ ɗah aka batam ɗəf titir əmpa ɓa. Nəsənək na, əɗɗum na makra ɗəf titir pak, aka mbərayni far səka sawãni, səni yi nəzan na ɗah zəga madaran va nəgəɗəŋ əmpa ɓa.

2Milyeŋge 19:22

Nawa kərə gəm nawa kərəm mama azan di? Aka nawa kəslan wəlok is horok le'gən nawkaɓ di? Aka Salala na Israyel yi.

2Milyeŋge 19:28

Adan kədəkgədəv akawa, əkaɓ nok aprəmək a sləmawa, asna wanəgul ogono naw a məŋkunko gəm helze naw a moko wanəmndogok dəka tive an kəde akani.

Ɗerewel na Yob 42:6

Vi vaski nəzganək an nəpeli, nəɗiyək marava ndəni nədaputkul aka burɗuk gəm aka moŋglo.

Gəlyaɗe 10:4

Məsdaraw ula zən na agapka, awkay əmpa ɓa: «Maŋgəlva tay ɓa», aski əɗɗum nan gərakə.

Gəlyaɗe 139:2

kəsənək va nədawsawa, va nədawsilyewa; kəsənək əɗɗum naw səka faraɗa;

Gəlyaɗe 18:27

Də ɗəf salala, salala kənani; də ɗəf an slokorslokoru, is tat ərban na slokorro kənani.

Gəlyaɗe 18:44

Is tat əkõhgu səza ərmama net ɗiyi, kəɗiwək aket ɗiy-ɗarə. Ɗiy məza nəsin ɓa tahəŋ əɗɗaŋ səwən wəza;

Əgilye 5:2

Farawən amna: «Naway Yawe hara nəprəmgən man kappet mə Israyelɗe dəmbataŋgən di? Nəsən Yawe ɓa, ya lah na, nəppet na mə Israyelɗe dəmbataŋgən ɓa.»

Wənməkkpaŋga 15:26

Əɗɗum mbərayən daryawi aza Yawe, ya əpel an moggoni lewi azani.

Wənməkkpaŋga 24:9

Əɗɗum na dərwa pak mambrayi. Məza wil aran ɓa awsan lew aret ɗiy ɓa.

Isaya 2:17

Əkaɓ na ɗəf wazə məɓaygən kiyzən kawɓegəni kini. Pay nani, Yawe yi kaka nawɗi kini.

Isaya 55:7

Məsdaraw dəppan tive nani, məs mambray dəppan əɗɗum nani, dəmil aza Yawe, nan wawəlsahã akani, aza Maŋgəlva namə, vi muvvuy mambrayi sawɓa.

Isaya 59:7

Mənokum tat ənzoŋ kakara əɗɗa mbərayən, mənokum tat əgəm zukum əbay ɗəf məs man bartata. Əɗɗum nokum əɗɗum mbərayni. Aka tive nokum pak na watala gəm əraygən zəga yi.

Isaya 60:14

Ɗiy en dəzəmgukunən sahã wazzoŋ azok də əmpa kiyit afuŋgu, ɗiy dəzelokun pak wappu'oŋ ammba təlko. Wayukun na: Walaŋgəla-metiŋ na Yawe, Siyon na Salala na Israyel.

Yeremiya 23:29

Əpel naw tay va offo ɓa sa? Yawe aɗiymani. Əpel naw tay va ndəvəl məzəgrof milɓe ɓa sa?

Yeremiya 4:14

Askoɓ mbərayən sə mokroko, Yerusalem, vi kəkõhgəni. Hã gap dehey kədappan əɗɗum nok mbəraynəŋ di?

Ezekiyel 17:24

Wəleŋɗe nawra pak wasənnən na, intə Yawe, nədawvoŋgən wəlaŋga məɓayni, nədawɓaygən wəlaŋga məbzluni, nədaŋkəlu wəlaŋga məkdəkani, nədandufgən wəlaŋga məklakani. In Yawe tə nəpeli, nəɗɗaka.»

Matiye 15:19

Vi sə makra ɗəfi, əɗɗumɗe mbəreyti, əbay gəbaya, əku a gizbe, polkoyo, əhãla, uwawəna gəm əpel mbərayən aket ɗiy adawgilyoŋ.

Luka 1:51

Apparək gbogboŋ na vani, andolik məs əɗɗum nawkaɓ aketi.

Roma 1:21

Vi asənənək Maŋgəlva ya dəgagdakanən va Maŋgəlva ɓa, dəfeteŋ akan ɓa. Yaŋ akkpaŋgaŋ ɗar addəv əɗɗum neti, mekret məs aprəm gabba zəga ɓaŋ kpaŋ guzliyo.

Roma 1:5

Dəndəni məray mbəlembəle gəm wəza nawsləna, vi kawsilgin ətaf a walaŋgit ɗiy-ɗar pakə, dəɓe'eŋ sənəgən iya nani.

Roma 16:26

Ya kakaŋ kan na, arbanək zən də ɗerewel net məskəleŋɗe: Va wən məs Maŋgəlva Məfaɗ aɗi wən nani, arban sitik ɗiy nammba dələv pakə, vi dəɓe'eŋ sənəngən də ətafa.

Roma 7:23

Ya in tat ula mahenziŋ maɓɓan addivit zəgeɗ na gəɓa zuwa, tay əgay də mahenziŋ na əsən nawa, ndən əkkpaŋgaw balam na mahenziŋ na mambray məs dəsan addivit zəgeɗ na gəɓa zu naka.

1Korintus 1:19

Vi məverni na: Wanəzan maɗɗula net məsmaɗɗuleti, wanəzgan əsən net məs əsən aketi.

1Korintus 3:19

Vi maɗɗula naka dəlvəŋ va dərway aza Maŋgəlva. Vi məverni na: Ndəni məzərme məsmaɗɗulet addəv pepet neti.

2Korintus 11:20

Vi mənokum tat əɓəs əkkpaŋgokum belemɗe, əzəmkum, əppətkum, əzelokum, əvərkum a tapaslaykum.

2Korintus 9:13

Də ula wəza moggon nokuməska, wagagdakanən Maŋgəlva vi əɓe' nokum məs kədarbaŋ dawɓe' sən Alabara Nenek na Kristu gəm əvəl nokum məs kəsapaŋ dənɗaŋ gəm dit ɗiy pakə.

Əmsak aka Mahenziŋ 15:9

Nok na asla zuko, vi wəɗɗum na ɗəf məza maɗɗula ɓa adazzan akok is kawnəh na: «Abe aŋ siɗikke na, wəzva mabuhulon agapka wəzva nappan dəməna», ya is ula məlmuk məssahã də horok daryawə, məza is ta' sən zəga ɓa. Ya wahəm sən Yawe aka wən noko, wasan suk ka mambraya.

Filipi 4:7

Zazay na Maŋgəlva dədayki zəga məs ɗəf adawɓap əsən pak waga mokrokum də əɗɗum nokum addəv Yesu Kristu.

2Tesaloniki 2:4

ana məzuzele gəm məzuɓaygən ki zən aka zəga məs adawyaŋ maŋgəlva pakə, məs adawgagdakanəni, hã ndən tek ɗew addəv Gəla na Maŋgəlva, əɗi zən na Maŋgəlva yi.

2Tesaloniki 2:8

As kan na, ɗəf mbərayən nak warban zəni, Daya Yesu wabay də əmpəs na mani, wazan də gagdak na əzza nani.

Ibriɗe 4:12

Wəpel na Maŋgəlva madarani, tay əɗɗa wəza, man hoɓhoɓ dayki masalam məs man sula pakə. Tay ətoŋ hã a walaŋ megenege gəm əmpəs na ɗəfa, a walaŋ mesleŋsleŋ də ofunufunu na ɗəfa. Va wənah na Zeŋgille də Əmpəsa. Tay əpəkat an makra ɗəf adaɗɗa gəm an adaɗɗumo.

Ibriɗe 5:9

Adan Yesu agrak əzəmsãhã nan temtem də wəza nan pakə, akkpaŋgək afən wəkõh an faɗ viyit ɗiy məs dəprəmən man pakə.

1Piyer 1:2

Kəkkpaŋgaŋgək muwelkum vi wən na əŋgla na Maŋgəlva Afəni. Əmpəs nan aɗɗukumuk kəsoŋgən kəɓe'eŋ sənəngən Yesu Kristu vi mbel nan dəskoɓkuməngəni. Mbəlembəle də zazay dənzlər sukum.

1Piyer 1:22

Kubburunək megenegenekum də əɓe' sən gegesiŋ vi kaŋgliw milmiŋgiɗkum məs dətafaŋgə məza muluvuluvu ɓa. Məŋglu zukum də mokrokum bar pay pakə.